tvb.com

 
 
tvb.com
 

行不改名

咁你咪即管睇下佢二人會不會好似叻哥所講咁被「換走」囉....

發表於 Posted on: 2018-01-05 12:21

Toy claw 公仔機
帖數 Posts: 2218
回頂端 / Top
學阿叻話齋,“能者居之”,如果唔得嘅話,一樣要換嘅。

發表於 Posted on: 2018-01-05 12:25

湖海洗我胸襟
帖數 Posts: 5582
回頂端 / Top
點擊率差可以賴盜版,收視仆直可以搞兩次慶功宴,咩邏輯呢又?唔喜歡嗰D,就少少差池都搵到藉口嚟燉走人.,D咁嘅用人唯親的公司 ,唔係一般人適應得到囉,稍為有「樽鹽」的人,都未必頂得住㗎,人地頂唔住話走,你仲要用低裝手段打壓人落人面,逼人孭住個黑鑊離開,呢D咁嘅人會真係懂得「尊重」二字點寫嗎?

發表於 Posted on: 2018-01-05 12:31

Toy claw 公仔機
帖數 Posts: 2218
回頂端 / Top
好多人都知道李添勝監製份人係點,網上亦有他的專訪,對TVB的忠誠真係冇話可說,結果又點?!?「呂后」胎死腹中(弊在仲係懷胎六個月),巾幗3仲俾自己公司喪踩.......

發表於 Posted on: 2018-01-05 12:35

Toy claw 公仔機
帖數 Posts: 2218
回頂端 / Top
靠建築起家的「殼王」係李嘉誠「頭馬」與長和系關係千絲萬縷,並且成為集團的「御用」承建商。叫得「殼王」就係靠「賣殼」帶來和味收益的。
他有鋪傳媒癮,不過以往掂親咩都衰收尾。最經典之役莫如將東方魅力上市及收購《成報 》。
當年他入股電視廣播持有的收費電視「銀河衛視」時市場也震驚佢點會幹起實業來?原來都係為左同電盈主席李澤楷的 NOW寬頻緊密合作得以去力撼李氏的商場冤家九倉,搶攻旗下有線電視的生意,搶佔收費電視市場。

在2011年他購入六叔TVB股份時更有謠傳他是「代表地產霸權的延伸入主TVB,進一步鞏固地產發展商在本港媒體的話事權」。「殼王」入主後也太心急要去除TVB的「邵」味了,杜之克都係「殼王」喺NOW挖番嚟打骰嘅,至於條魚將「有線」一套搬來「無線」更加可能係得到「殼王」嘅默許。

發表於 Posted on: 2018-01-05 13:47

廣角鏡
帖數 Posts: 361
回頂端 / Top
不過「殼王」放晒手畀佢嘅心腹膠層去搞TVB,有裁員,有重金招攬二五回巢,斥資買大陸劇,搞重頭製作,開BBC....,幾年下來搞成點?咪越搞越喎囉!成績大家有目共睹。

任何上市公司做不出成績來,負責人就要祭旗孭鑊㗎喇,「殼王」保得佢地幾耐?
陳主席搞親咩傳媒生意都仆直。無它的,力不到不為財又所託非人囉!
邵爵士真係有心有興趣投身發展電視行業的老闆,而「殼王」,電視業只係佢要「養殼」的一盤生意,一個負擔。見佢台慶坐喺主席位,鏡頭影住佢連丁點笑容都冇就知佢有幾享受了~

發表於 Posted on: 2018-01-05 13:52

廣角鏡
帖數 Posts: 361
回頂端 / Top
認同廣角鏡。

發表於 Posted on: 2018-01-05 14:44

湖海洗我胸襟
帖數 Posts: 5582
回頂端 / Top
咁依家的TVB同Now是敵還是友?講真,我就真係毫無頭緒喇,對於陳生如何起家我也沒有什麼意見,只係真的睇不過眼他的心腹如此雙重標準去對待TVB的舊人尤其那些有實力的台前幕後,仲話做傳媒,根本就變成年輕人的壞榜樣,我又即管翹埋雙手睇下佢地會幾時被換走(或者真係要等到TVB被第三方全面收購吧)。算啦,依家已經越嚟越少人睇TVB, 真係要俾佢兩公婆玩死都唔關我事,再者,真係俾到機會其他台發圍,對香港影視界也不全是壞事......

發表於 Posted on: 2018-01-05 14:50

Toy claw 公仔機
帖數 Posts: 2218
回頂端 / Top
D劇在My TV Super播完又咪遲早掟落翡翠台播,要支持收費台倒不如支持ATV,我就好懷疑收費OTT會有幾大市場,樂視都話唔掂喇.....

發表於 Posted on: 2018-01-05 14:57

Toy claw 公仔機
帖數 Posts: 2218
回頂端 / Top
唯一可以作出少少資料補充的係杜也同過塘魚一樣,去過不同地方抓過撈,有線亦是其中的一站,所以同過塘魚才會咁老死,佢哋自己塘過塘就得,自己唔多likey的藝人就唔得(又唔係全部唔得喎,同自己friends嘅或自己走去撬返嚟嗰啲就冇事,仲升官發財添!),又話封殺又盛,的確係「只許州官放火, 不准百姓點燈」的最佳寫照!!

http://www.baike.com/wiki/杜之克

發表於 Posted on: 2018-01-05 15:15

Toy claw 公仔機
帖數 Posts: 2218
回頂端 / Top
余詠珊「有線幫」蠶食無綫 舊將發圍無望出走人之常情│廣雅仁

無綫長期綠葉陳國邦日前發公開信,決定在效忠十五年後離開舊東家,因為看不到機會。香港電視劇市場日漸式微,曾經的港劇天地、造星夢工場亦輝煌不再。無線小生花旦離巢已經不是近年才有的現象,現在連二三線藝員都要走,不是因為眼前有更好選擇,而是看不見希望。其中一個原因,就是無綫內部「有線化」現象,日趨明顯。

隨著余詠珊2012年再次回歸無綫任綜藝科總監,她亦順帶提攜多位有線娛樂台及有線娛樂新聞台的愛徒,「挖」他們過檔無綫,合作打江山。

余詠珊的「有線幫」中最為人熟知的莫過於黃翠如及洪永城這對前「熒幕情侶檔」,兩人均在2012年被余詠珊相中加入無綫,隨後就備受重視。黃翠如隨無甚演藝經驗,但幾乎套套劇集都擔正,其演技亦在當時備受詬病;而洪永城甫加盟就主持台慶重點旅游節目《走過烽火大地》。

發表於 Posted on: 2018-01-05 15:47

Toy claw 公仔機
帖數 Posts: 2218
回頂端 / Top
同屬「余家軍」且日漸得勢的,還有TVB清談節目《娛樂3兄弟》中的三位主持:陸浩明、衛志豪、區永權就是最明顯的代表,三人中最早加入無綫的是陸浩明,基本上可謂緊隨余詠珊離開有線。加入無綫之後,除了主持多個娛樂節目外,更陸續加入電視劇拍攝,在「余媽」的護蔭下混的風生水起。待衛志豪、區永權近期亦相繼離開有線轉投無綫之後,余詠珊更為三人度身訂做《娛樂3兄弟》,又用該節目換走原來準備播出的《男人經》,「愛子」之情可見一斑。

以上例子多是憑藉「余媽」勢力過檔無綫後聲名鵲起,但亦有不少人供職於有線時就已經略有名氣,其後才遭余詠珊挖角,此例子如陳貝兒。

陳貝兒是香港第一代娛樂新聞主播,被喻為「有線娛樂主播一姐」,2009年加盟博美的同時亦開始於無綫擔任娛樂節目主持,但因為「五大唱片」與無綫的爭端,令其在無綫的工作停擺。余詠珊加入無綫後促成雙方和解,陳貝兒再度恢復其在無綫的工作,此功勞應歸於「余媽」。

為了壯大「有線幫」,余詠珊除了挖角幕前人才,連幕後人員都不放過,將曾同在有線並肩作戰的前now101台副總裁杜之克一併「挖」到無綫。而此誘因,可能是當時堪稱城中熱話題的now互動游戲節目《撳錢》,每晚派錢10萬的玩法吸引了大量觀眾追台,大大激起無綫的危機感。其幕後主腦杜之克亦憑此獲得舊同僚余詠珊「賞識」轉戰大台。

余詠珊加入無綫之後,其「有線幫」一步一步壯大,很多無綫理應有機會發圍的有心人都看不到機會,與其原地踏步固步自封,不如離巢另尋出路。

(撰文:廣雅仁)(圖片來源:蘋果日報/網絡圖片)

發表於 Posted on: 2018-01-05 15:47

Toy claw 公仔機
帖數 Posts: 2218
回頂端 / Top
上年度的四大音樂平台樂壇頒獎典禮正式結束,睇下總結成績:
英皇以31獎成為獲獎最多的公司,其次則是星夢娛樂共獲得20個獎項,緊隨其後是華納唱片共18個獎項。
笑死人的是星夢娛樂20個獎當中有15個是TVB「勁歌總選」自己友所頒的。
依家大台的任何頒獎禮的公平度和公信力都係得啖笑,講多都無謂~

發表於 Posted on: 2018-01-06 9:58

廣角鏡
帖數 Posts: 361
回頂端 / Top
佢即使10年以上嘅頒獎禮都係噉喎又。N多年前嘅頒獎禮還是港姐就已經經常俾人指話造馬。所以講真如果話公信力失去嘅話,怕且真係五百年前就已經失去咗。

而家公信力方面只能夠話TVB係將個誤會坐實咗,衰多二錢重。

發表於 Posted on: 2018-01-06 10:20

湖海洗我胸襟
帖數 Posts: 5582
回頂端 / Top
不過原來噉又難怪嘅,透明機制缺失。外邊人睇唔到入邊嘅情況,肯定諸多猜疑架喇。

發表於 Posted on: 2018-01-06 10:23

湖海洗我胸襟
帖數 Posts: 5582
回頂端 / Top
盤古初開tvb所有頒獎禮早有內定喇,港姐局內人已暗示確有其事,活動中待遇已不同,明眼人一睇就知邊個會贏,乜視帝視后年年一早就知,又要扮公投扮公平,街外班人仲好熱誠去投票,比人玩都未知, 個個投千雪點知話“機器故障”,比左第二個冠軍,公投?公平?番鄉下耕田喇! 最佳劇集只有兩個可能,不懂撒嬌及踩過界之爭,我中梗的,記存吧 !

發表於 Posted on: 2018-01-06 16:52

係咁先
帖數 Posts: 1355
回頂端 / Top
炒晒佢地三個! 支持

發表於 Posted on: 2018-01-06 17:03

John313
帖數 Posts: 679
回頂端 / Top
以往賽果可以做假,而家是任何都可做假,BBC view 數確實為之測目,呃 like 簡直易如反掌,一個新人三九唔識七,竟然有三千幾view,很多姐級舊演員都未有咁高,謝XX 竟然有四五萬 view,咪當人儍喇,離曬大譜,決定極度杯葛,收工吧

發表於 Posted on: 2018-01-06 17:40

係咁先
帖數 Posts: 1355
回頂端 / Top
好多人都明白投票冇用都去投,點解?曾聽某人粉講過,因為票源多少直接反映佢偶像嘅人氣同受歡迎程度,所以明知俾人玩都照投囉!

發表於 Posted on: 2018-01-06 18:36

coogt5026
帖數 Posts: 911
回頂端 / Top
就算吾系全部內定,但佢地都揸番50%話事權想畀邊個就邊個,所以投票系冇用~

發表於 Posted on: 2018-01-06 19:47

cakatg
帖數 Posts: 906
回頂端 / Top
又搞乜鬼BBC失驚無神頒獎禮呀,多餘到不得了,又迫人轉台,好彩今晚有英國足總盃播,球迷又可轉台吧,搵翠如永城救收視喇, 輻射魚 ! 主持又係…………!!哈哈哈哈哈哈哈

發表於 Posted on: 2018-01-06 21:36

係咁先
帖數 Posts: 1355
回頂端 / Top
「好多人都明白投票冇用都去投,點解?所以明知俾人玩都照投」
⋯⋯⋯⋯⋯⋯⋯⋯⋯⋯⋯⋯⋯⋯
我曾在別的post講過:係時候還原基本歩喇,因為生存需要精神寄托,人係需要每天過得充實?唔係嗎? 難道咁多熱衷於在此平台發表意見同投票的人嘅性質不也是一樣吧?!
之前我發*還原基本歩*嘅post就係想表達講穿咗,今時今日個社會風氣,不單只係電視台其實所有的行業,都只係生存、打份工八個小時工作心態而已?。 講到咁已經好白喇! 上世紀六叔六嬸如何經營TVB?無需我再多此一舉寫下去!。
回到原來題目:投票同買六盒彩都差不多!電視節目唔好睇仍然有人睇,係因為無奈打開電視機⋯!要不然怎麼打發時間?!所以我地咁多會員提咗咁多意見佢地又點會視而不見呢?

發表於 Posted on: 2018-01-08 2:48

JessicaTvb
帖數 Posts: 678
回頂端 / Top
每人總有事情是慣性,只視乎有何意義及目的,現今收視不是慣性,慣性的只是每晚開著電視機消遣聽覺,所以之前已多次提及最近兩線劇集是完全沒看的,無線電視精神已經完全消失,電視媒體確實已過時吧!世界已重新定位,VR玩意已融入世界,仲有小朋友會睇電視嗎?

發表於 Posted on: 2018-01-08 4:39

係咁先
帖數 Posts: 1355
回頂端 / Top
而家tvb討論區有幾多人大家心照,咪來去都係個班人,有人幾個化身用嚟打壓人,一彈一唱……超煩,最憎d比較貼好無聊,我極少參與……由2014到2016我都冇入過嚟留言,今年年頭先再入番嚟發下噏風……見到呢度冷清清,大台收視又死水一潭,相信tvb大勢已去喇……

發表於 Posted on: 2018-01-08 8:15

cakatg
帖數 Posts: 906
回頂端 / Top
討論區作為一向不大,但並不代表完全沒有功能性指引,區內自問自答的,藍絲扮黃絲大有人在,屬其中之一項宣傳工具,開post以來所反映之意見,其實並沒被全盤否定,呢種反對派事實正道出行政缺點,雖然只是一小撮,積小永遠成多的,力量總需累積!反對平台不多,但總會有吧!

發表於 Posted on: 2018-01-08 21:32

係咁先
帖數 Posts: 1355
回頂端 / Top