tvb.com

 
 
tvb.com
 

小生慌

即時新聞 - 娛樂
TVB幾萬蚊都畀唔起?羅嘉良任台慶嘉賓臨時被飛
2017-11-11 11:58

TVB下周日晚(19日)舉行《萬千星輝賀台慶》,因為今年50周年,所以會大搞,早一個月已邀請殿堂級藝人回港出席,當中包括首屆視帝及首位三屆視帝羅嘉良(撈家)。撈家雖然正身在橫店拍劇,台慶這日子他早已請假到多倫多跟大仔羅裕珹慶祝18歲生日,但因為娘家盛意邀請,話包機票住宿請他回港出席,他都在劇組及兒子體諒下更改計劃。不過有報道指他因為要取消原定飛加國的機票取消,連同此行回港住一晩酒店及機票食宿等約數萬元預算告知TVB後,TVB突然彈弓手叫他不用回來了,令他不開心也覺無癮。

撈家受訪時坦言在TVB長大,沒有TVB就沒有他,所以他非常珍惜,對此事感到心痛,並謂每次公司叫他回來拍劇,他都很開心可以跟一眾舊同事敘舊,但近年回來見到的都是新面孔,連高層都是,令他覺得好陌生。他說TVB若沒有這個預算,要他自費回來也可以,但現在對方沒給商量餘地,一開口就叫他不用回來,他也不能不請自來吧!

發表於 Posted on: 2017-11-11 19:39

Toy claw 公仔機
帖數 Posts: 870
回頂端 / Top
羅嘉良亦係一個念舊嘅人,佢都話好懷念喺無綫成長嘅歲月,所以應承咗。但問題係,佢本來一早plan咗,本月中要去多倫多,同囝囝慶祝十八歲生日,所以一早向劇組請假,book晒機票。o依家因為要出席台慶,羅嘉良就同囝囝講,希望囝囝可以體諒,可能要返香港一兩日,親子時間會少啲,囝囝都冇問題。既然係咁,羅嘉良就着手改機票啦,成個行程改晒schedule,並通知無綫。呢個時候無綫覆返佢話:唔使喇,你唔使返嚟喇。

周刊向羅嘉良了解事件,佢承認當幾乎辦好晒機票酒店準備返港之際,無綫突然同佢講,話唔使佢返嚟。至於是否因為budget嘅問題,羅嘉良話「佢哋係咁講」,但亦不排除係其他原因。訪問中,羅嘉良顯得大惑不解,未至於激動嬲豬,但失望一定有。他稱,o依家嘅無綫,令他感到陌生。而同樣的事情,以前係唔會發生。羅嘉良謂感到十分心痛,唔明白點解自己成長嘅公司會變成咁。

最奇怪係,無綫之前邀請羅嘉良嗰陣,講明願意支付機票及酒店錢;但當羅嘉良改行程,報埋價之後,無綫又話根本冇預呢個支出。咁可能就係,無綫最初一心諗住係俾羅嘉良由浙江橫店返港嘅機票錢,而冇諗過佢本來要去多倫多探仔。不過羅嘉良補充謂,取消原定機票、加埋返港機票及住宿,條數都係幾萬蚊,佢自己俾都冇問題,但問題係o依家無綫叫佢唔使返嚟喇。

周刊聯絡過無綫助理總經理(非戲劇製作)余詠珊,她稱因為時間夾唔到,所以同羅嘉良今次合作唔成事。至於是否預算出問題,余詠珊話「應該唔係」。

發表於 Posted on: 2017-11-11 19:45

Toy claw 公仔機
帖數 Posts: 870
回頂端 / Top
哇﹑睇咗個報導好唔開心 ! 我一直都係羅嘉良粉絲。

發表於 Posted on: 2017-11-12 9:22

JessicaTvb
帖數 Posts: 307
回頂端 / Top
我都係羅嘉良粉丝
如果今次件事係真都戥撈家難堪,不過而家只係佢對傳媒一面之詞,亦有可能係同大台有言語上嘅誤會都未定,當然大台缺人情味係眾所周知……不過對一個前一哥又知名度高嘅藝人未必敢咁做。
但經過報導就算一場誤會撈家都唔會再返來賀台慶,返來都冇意思!

發表於 Posted on: 2017-11-12 11:16

coogt5026
帖數 Posts: 711
回頂端 / Top
公司的policy邊個定?假傳聖旨,冇請示過高層敢貿貿然得罪撈家,你信嗎?家陣份份報紙報晒出嚟,膠層仲唔諗辦法補鑊咩,睇下邊個唔好彩要食呢隻死貓啫(大不了咪就「一場誤會囉」).........

發表於 Posted on: 2017-11-12 23:28

Toy claw 公仔機
帖數 Posts: 870
回頂端 / Top
班鎗手真廢,而家撲晒出嚟話係撈家fans,補鑊諗吓第樣喇!撈家想返香港抓撈姐,咁都唔明!內地人氣已經大不如前,羅叔叔!

發表於 Posted on: 2017-11-13 3:00

深思
帖數 Posts: 584
回頂端 / Top
唔明的係你以為別人唔明? 所有擁有完整倆個腦的粉絲都知今時今日好多香港臺灣去內地發展已經大不如前,世界和社會現實本來就是如此有什麼大不了! 更可況今年係TVB50周年無線的確需要佢﹐要不然怎會有這個誤會。不過連部誇世代都拍成咁﹐我也不會有什麼期待囉 !

發表於 Posted on: 2017-11-13 3:26

JessicaTvb
帖數 Posts: 307
回頂端 / Top
班鎗手真廢,而家撲晒出嚟話係撈家fans,補鑊諗吓第樣喇!撈家想返香港抓撈姐,咁都唔明!內地人氣已經大不如前,羅叔叔!
發表於 Posted on: 2017-11-13 3:00
深思
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

少少資料提供,講到中港兩地藝人嘅收入,真係差天共地。唔好講邊個,就講曾經以「阿SA條仔」身份上位嘅陳偉霆,喺香港都算係半紅不黑喇啩,之但係返到內地,居然一劇接一劇咁做主角,身價仲要火速上升,據聞片酬已經去到成億(以拍一套長劇計算)咁滯,即使當中有啲水份,打個五折都成五千萬,你都咪話唔得人驚。

所以咯喎,唔該咪再坐井觀天喇,香港藝人即使喺內地撈得幾「唔掂」都好,都絕對「掂」過喺香港/TVB多多聲囉!

發表於 Posted on: 2017-11-13 8:17

冷眼橫眉
帖數 Posts: 295
回頂端 / Top
深思係咪諗嘢諗得太多而患上思覺失調?成日都疑神疑鬼.....家陣係人地自己講話要同撈家道歉(睇新聞啦,珊姐份人咁霸氣都話要同人當面道歉即係表明件事是真的,不是撈家生安白造),唔係想補鑊係咩呢?撈家想不想返香港㧓撈不是重點,你堂堂一間大機構拍板「誠邀」得人返來帶人就唔好出爾反爾咁小家(你不如問下點解TVB自己要不理好醜請咁多外援幫手好過啦,咪就係抱著外國的月光特別圓心態,驚自己想捧的新人唔掂,累到收視仆直才幫佢地買的保險。家陣外援都不能提供保障,加上亂洗錢捧自己人搞到洗大左,要開源節流咪反面不認人囉),面就人地俾,架就自己丟,明嗎?
........................

羅嘉良轟TVB為數萬元取消台慶邀請 余詠珊想當面道歉﹕應該係誤會

【明報專訊】TVB 50周年,11月19日舉行《萬千星輝賀台慶》,為慶祝金禧紀念早前邀請殿堂級舊將返「娘家」賀生日,包括首屆視帝羅嘉良(撈家)。他去年回歸拍劇集《與諜同謀》,雙方關係良好。不過今次邀請參加台慶,為了數萬元機票錢而飛起他,撈家氣得炮轟TVB說﹕「叫我唔使返!」TVB高層余詠珊稱事件是誤會,她要向羅嘉良賠不是。

10月獲邀出席突然被飛
據《明周》報道撈家早於10月獲邀請出席台慶,TVB跟他的香港經理人接洽時表現誠意,表明會支付他返港的機票與酒店費用。撈家在內地拍劇,安排11月到多倫多為兒子羅裕珹慶祝18歲生日,早已訂機票。由於台慶的邀請,念舊的他以TVB是娘家,更忙也要抽時間參加慶祝。他要縮短在多倫多跟兒子敘天倫的時間,幸獲兒子體諒,並再重新計劃行程。他要取消原定往加拿大的機票,連同返港兩日的酒店住宿與機票,數萬元的預算開支告訴TVB。由於多了一筆取消赴加國的機票費用,有指高層開會後,取消他的邀請,叫他唔使返。撈家對臨時被飛感心痛,自己在TVB長大,一直對娘家珍惜,故感到心痛,現在的TVB令他感陌生。

余﹕嘗試再邀羅嘉良出席
《明報》記者聯絡無綫助理總經理(非戲劇製作)余詠珊求證,是否因加拿大的機票費用不在預算內而取消邀請羅嘉良?她說﹕「絕對不是,我在了解中,無論什麼情况,我也想當面向嘉良哥先賠個不是,應該是有些誤會吧!」余詠珊稱發生這誤會,自己也感到奇怪,她會盡力嘗試,希望邀得羅嘉良參加台慶。

娛樂組

發表於 Posted on: 2017-11-13 8:27

Toy claw 公仔機
帖數 Posts: 870
回頂端 / Top
今次羅家良件事無線出爾反爾好小家,又講番上次套與諜同謀請得人返嚟拍就俾多D資源落去寫好D劇本,點知出黎個班底差到!偽男一戲份少,掛x頭賣x肉以至收視咁低,好唔尊重人啫!無線而加好似淨係識高層鬥爭,分黨分派,不擇手段硬捧自己友,有d有料既就當冇到投閒至散,再咁落去……真係!!!

發表於 Posted on: 2017-11-13 8:58

cakatg
帖數 Posts: 530
回頂端 / Top
話時話而加真系少咗人睇無線劇集,睇收視就知,唔好賴上網或各平臺睇,因為而加已經計埋誇平臺!我一群教友絶大部份都唔再睇無線劇㗎喇,問你死未!

發表於 Posted on: 2017-11-13 10:31

cakatg
帖數 Posts: 530
回頂端 / Top
余小姐當面道歉?你班友係咪發緊夢

發表於 Posted on: 2017-11-13 14:49

深思
帖數 Posts: 584
回頂端 / Top
深思咁了解余小姐咪問清楚佢有冇對記者咁講過,或者真係明報記者幻聽聽錯,亦可能係佢得罪娛記的後果,外人又點知咁多啫?!反正「台慶」都冇乜人睇,咪當做免費宣傳囉。

發表於 Posted on: 2017-11-13 17:30

Toy claw 公仔機
帖數 Posts: 870
回頂端 / Top
少少資料提供,講到中港兩地藝人嘅收入,真係差天共地。唔好講邊個,就講曾經以「阿SA條仔」身份上位嘅陳偉霆,喺香港都算係半紅不黑喇啩,之但係返到內地,居然一劇接一劇咁做主角,身價仲要火速上升,據聞片酬已經去到成億(以拍一套長劇計算)咁滯,即使當中有啲水份,打個五折都成五千萬,你都咪話唔得人驚。

所以咯喎,唔該咪再坐井觀天喇,香港藝人即使喺內地撈得幾「唔掂」都好,都絕對「掂」過喺香港/TVB多多聲囉!
=====================================================
錢,係其次,重點係──終於有得瞓。

發表於 Posted on: 2017-11-14 18:14

帥到掉渣
帖數 Posts: 3580
回頂端 / Top
@冷眼橫眉>>>>香港藝人即使喺內地撈得幾「唔掂」都好,都絕對「掂」過喺香港/TVB多多聲囉!

**************************************************************************
@帥到掉渣>>>>錢,係其次,重點係──終於有得瞓。

**************************************************************************
除左薪酬好,有充足休息時間,連TVB綠葉去到內地拍劇也被稱呼為「老師」,演員得到起碼的尊重。劇集點擊率閒閒地更係TVB劇的十幾二十倍,你話掂唔掂?

發表於 Posted on: 2017-11-14 19:30

Wikiki123
帖數 Posts: 87
回頂端 / Top
之前有人話番大陸唔係個個掂嫁,而家又話點都掂過在香港撈,思覺失調嗎?失敗例子呢,又唔講?只講成功嗰d,係人都知喇!

發表於 Posted on: 2017-11-14 20:16

深思
帖數 Posts: 584
回頂端 / Top
之前我話爭獎不如返大陸掘金,立即比人反駁,,而家咪又認同!問吓d藝人攞獎定攞錢?亞bob都鋪緊路返大陸喇,你班友仲扮醒目,你地鐘意賺錢定賺獎呀!

發表於 Posted on: 2017-11-14 20:26

深思
帖數 Posts: 584
回頂端 / Top
成功方面確實唔係個個掂,但消費便宜,兼且有得唞以及獲得一定尊重係個個都有。兩者唔衝突喎。

好似之前前港督彭定康咪一樣話“港獨唔可行,但討論港獨係無可避免。”

按某啲人嘅思維係咪又係思覺失調先?但兩者如果按返英美嗰邊嘅思維,並唔係衝突㗎。一個係可行性嘅問題,一個係言論內容嘅問題。

發表於 Posted on: 2017-11-14 21:06

帥到掉渣
帖數 Posts: 3580
回頂端 / Top
阿深思姐姐真係好趣緻,成日將同你提出不同意見的人歸類為鎗手,既然係你眼中冇一個唔係鎗手,你又做乜成日走過來開post自言自語呀?

討論區係公開比大家發表嘅,唔駛下下好似做選擇題咁答案唔係A就係B,難道在深思眼中,要所有人都好似你咁金錢至上才為之正常?一聽見人話嗰度有錢派,就幾歹都要仆崩鼻去搶?

一個人不隨波逐流不跟主流睇法去行事不代表他冇本事或異常,那只不過係人地的一個選擇而已。

發表於 Posted on: 2017-11-14 21:10

Toy claw 公仔機
帖數 Posts: 870
回頂端 / Top
唔同意見唔一定就係槍手。喺言論自由嘅環境之下,有不同意見係好正常嘅。

發表於 Posted on: 2017-11-14 21:16

帥到掉渣
帖數 Posts: 3580
回頂端 / Top
深思你都講得啱,事實上不是人人返大陸都風光的,在香港做慣一線的去到大陸有時連二三四線都未必有份做。更有些怕兩頭唔到岸驚連在香港少少的知名度都冇埋便要久唔久返番香港打個白鴿轉。
不過始終論內地工作環境條件和對演員的尊重,內地是優勝和人道得多。特別是現在的TVB全無人情味可言,金又冇,心又冇,於是台前幕後走吓一個,走吓又一個。有去冇回的多。

發表於 Posted on: 2017-11-14 22:06

Wikiki123
帖數 Posts: 87
回頂端 / Top
試下叫思貝,翠如,洪永城或星和視帝視后上去走一轉睇下,睇做唔做到小生花旦囉。方中信在TVB做男一,上到去都唔知做男幾,儘管如此,若可以在「羋月傳」這樣的大製作亮相,就算做配角,相信亦都有大把人不介意爭住做。你香港,加埋星馬及海外香港人才得幾多人?人地個市場係講緊過億計的。

事實上自由市場亦講供求,缺嗰樣才會對嗰樣有特別「需求」,所以祖藍哥哥這樣的諧星才會變成稀有品種在上面撈到風生水起囉。

發表於 Posted on: 2017-11-14 23:11

Toy claw 公仔機
帖數 Posts: 870
回頂端 / Top
呵呵,內地人口總共13億。個市場當然大,即使齊做廣東話市場,就廣東都有一億人口,加埋隔離廣西都唔算少人。

發表於 Posted on: 2017-11-14 23:29

帥到掉渣
帖數 Posts: 3580
回頂端 / Top
想上去內地發展,都起碼要先將普通話練好至得。好多三張幾以上的藝人用普通話接受訪問都食晒食螺絲.....

發表於 Posted on: 2017-11-15 8:04

Toy claw 公仔機
帖數 Posts: 870
回頂端 / Top
再追加少少補充…

之前講到藝人返國內搵食,既然叫得「搵食」,當然係指搵真銀啦。如果你問撈家,想返TVB攞多個視帝,定係喺國內拍多個劇(即使只係男二甚或男三),睇怕傻嘅都識得揀啦。

仲有,尤其是班三、四線藝人,雖云喺TVB 就畀人當係草,但係由於出得鏡多,相對知名度亦唔差,好多國內觀眾都識得/記得佢地(好似歐瑞偉咁,到依家都仲畀人叫「陶總管」),所以返到國內拍劇,就變成資深藝人,待遇(包括片酬同埋開口埋口都畀人叫「老師」)比起喺TVB簡直差天共地。求其舉個例子,比如苑瓊丹,喺國內直頭畀人當正「喜劇泰斗」咁恭維,都咪話唔犀利。

最後想講嘅係,之所以帶出呢個題目,只係針對有人講到叫班藝人「唔滿意咪走返大陸拍劇囉,睇下仲有冇喺香港咁掂?」雖然好多人都唔想承認,可惜答案係,真係好掂囉!

發表於 Posted on: 2017-11-15 8:07

冷眼橫眉
帖數 Posts: 295
回頂端 / Top