tvb.com

 
 
tvb.com
 

小生慌

至於楊明亦唔好得去邊。佢係1999年藝訓班出道,去到2003年有機會喺《衛斯理》入面做溫寶裕,算係個比較重要嘅角色。可惜後勁不繼,之後都只係做番閒角,最威水嘅「代表作」係做過陳敏之嘅(真)男友。後來唔知搞乜,竟然喺2007年重讀藝訓班(係史上第一人),但係之後都係浮浮沉沉,最叻都只係做到男二,想睇佢做男一嘅劇,似乎都要等到出年,真係18年後一條好漢啊!

發表於 Posted on: 2017-10-12 14:19

冷眼橫眉
帖數 Posts: 301
回頂端 / Top
咁亦有「例外」.....洪生黃小姐由有線過嚟就已經劇接劇做男一女一啦,呢D就真係「同人不同命」(受捧係事實,至於紅唔紅得起,入唔入到屋就另當別論喇)!

發表於 Posted on: 2017-10-12 14:22

Toy claw 公仔機
帖數 Posts: 1094
回頂端 / Top
同意冷眼兄所說,現在TVB的高層確是冇左捧新人嘅眼光同膽色,最重要的是沒有一套完整有系統的捧人計劃和配套,以至谷左上去都要跌番落嚟 。
當然被捧人士有否真材實料與個人魅力,加上天時地利人和可配合到都好重要喇。

以前一擊即中力捧五虎將和五小花上位的成功例子已經不復再現。
現在只寄望在二三線藝員中,個別看佢地彩數是否可以坐得穩一線了。
王浩信,陳展鵬一線應該坐得幾穩,不知大家覺得陳山聰又有冇機會呢?

發表於 Posted on: 2017-10-12 14:50

廣角鏡
帖數 Posts: 175
回頂端 / Top
本以為陳山聰有機會上男一,因為佢有演技,但依家見天命做男三,逆缘更跌落男四,諗佢短期内男一無望
至於陳展鹏當然绝對男一,佢短短三年攞咗六個視帝獎項,地位超越一般小生
另外我比較睇好袁偉豪,佢外型殺食而且舊年攞咗男喜,相信佢會比其他人先跑出

發表於 Posted on: 2017-10-12 15:48

coogt5026
帖數 Posts: 749
回頂端 / Top
又講下馬國明,佢喺1999年加入TVB,直至2003年拍《衝上雲霄》期間,一直都只係跑龍套。即使拍左《衝上》,成為S4之一,但係情況似乎冇咩改善,最叻都只係做到第二男主角。最終去到2007年,佢先至喺《律政新人王2》正式算係男一。可惜之後始終浮浮沉沉,偶然做下男一,但係始終都只係做男二(甚或男三)居多。最威係2012年嘅《ON CALL 1》,不但做男一,仲有得提名爭下視帝,雖然明知只係陪跑,都總算飲得杯落。不過睇番轉頭,呢年都已經係馬明入行嘅第13年喇,都咪話唔心酸!
=================================================
其實係基本上大台都係要捱要磨。劉德華拍神雕、獵鷹之前已經做咗一段時間嘅茄喱啡。你去睇返下《武狀元蘇乞兒》、《戲班小子》爾啲劇就知。劉嘉玲當年喺《射鵰英雄傳》中做黃日華斟茶遞水嘅侍女嗰種茄喱啡。歐陽震華83年入行,一樣要等到96年先做到男主角。有啲係已經有啲名氣咗,晨早有支笛可以用吓,所以一入去就做女主或者有一定戲份嘅女配。

發表於 Posted on: 2017-10-12 19:29

帥到掉渣
帖數 Posts: 3908
回頂端 / Top
唔該帥哥仔搞清楚,冇錯劉德華擔正做主角之前都要做過茄哩啡,但係佢81年出道,82年做《獵鷹》,83年做《神鵰》,茄哩啡生涯都只係一年多啲咋!

發表於 Posted on: 2017-10-12 21:13

冷眼橫眉
帖數 Posts: 301
回頂端 / Top
楊明,洪永城,張振朗,陳智燊,簡直係笑話,做男一絕對沒問題,當年敖嘉年,麥包做男一時,我留言已經判斷tvb已經玩完,跟本沒人材可用,直到而家只偶有一套代表作,何來小生?四五十歲而家仲係小生,不過回顧以往,新馬師曾,楚帆叔,張瑛,張活游咪同一道理,五十年不變,點止五十年?貫徹基本法精神,何止2047?譚俊彥講到神級演員一樣,究竟乜料,奧斯卡影帝乎?聽講一出就做男一,真係要拭目以待,睇吓有幾威

發表於 Posted on: 2017-10-12 23:25

深思
帖數 Posts: 699
回頂端 / Top
唔該帥哥仔搞清楚,冇錯劉德華擔正做主角之前都要做過茄哩啡,但係佢81年出道,82年做《獵鷹》,83年做《神鵰》,茄哩啡生涯都只係一年多啲咋!
==================================================
Indeed,不過我重點係話佢地都係捱過啫,不過嗰時嘅機會多好多。其實到歐陽震華出位嗰時基本上原來嘅都走咗好多,於是咪到佢地爾啲二線開始上位囉。其實喺嗰時開始,機會已經開始逐漸減少。

越來越難出位。個人覺得可能除咗同時代發展有關之外,可能同人口都有關。以前冇咁多人,而且科技冇咁先進,啲人亦都冇咁多娛樂,所以成名相對容易,競爭亦都冇咁大。

發表於 Posted on: 2017-10-12 23:35

帥到掉渣
帖數 Posts: 3908
回頂端 / Top
再沒討論價值,電視產業已經衰落,只會逐漸萎縮,免費牌照都唔知爭嚟做乜,年年蝕錢年年做,跟本沒競爭空間,勝在大陸資金做後盾,否則十年內必步Atv後塵

發表於 Posted on: 2017-10-13 0:28

深思
帖數 Posts: 699
回頂端 / Top
除了之前提起的古天樂和劉德華外,周潤發的例子也差不多。發哥73年入藝訓班,74年在〈江湖小子〉還是大茄,短短捱了兩年在76年已是〈狂潮〉主角。這當然是因為他們有個人條件和魅力,最主要的是當時的伯樂高層有慧眼有膽色夠決斷敢去找個「新人」擔正。
他們都高大威猛英俊瀟灑,演技幼嫩尚可慢慢磨練,欠的只是機會………伯樂確不常有,結果匹匹千里馬都跑出了!

觀乎現在的TVB,竟然連洪永城,金剛,黃德斌這些要乜冇乜的貨色都可以當上主角時,便知這班高層不止嚴重弱視,慧眼欠奉,盲眼就差不多。

發表於 Posted on: 2017-10-13 5:28

廣角鏡
帖數 Posts: 175
回頂端 / Top
TVB男演員老化情況嚴重,青黃不接。其實也有些有潛質的年輕演員或曾個別在劇集中引起觀眾關注的新人可以試下栽培的,例如黃得生,何廣沛, 沈震軒, 朱敏瀚,張彥博,阮政峰, 李豪… 等等。只是 TVB 永遠沒有把握最好的時機亦沒有眼光和膽色。

就如鄭俊弘奪得《星夢傳奇》冠軍時粉絲團人强馬壯人氣大盛,那時曾盛傳出他會同一班年輕演員拍套青春勵志劇的。那本是個捧新人大好機會,結果不知又何故無疾而終呢?

發表於 Posted on: 2017-10-13 5:35

廣角鏡
帖數 Posts: 175
回頂端 / Top
港劇係一種情懷,一種文化,好似香港電影咁,會萎縮會衰退但就應該不會即時死亡嘅。我識得好多移居海外的uncles aunties, 電視由朝到晚都係開住TBB㗎....再者,若免費牌照真係咁冇價值,王生李生這些生意人也不會爭崩頭,而電視劇亦是TBB最賺錢的一個獨門武器。目前的TBB講得上係做獨市生意(其他台的劇集還未成氣候),歸根究底係依家班管理層欠缺搞免費電視的經驗和料吧?之前為左慳錢慳力,就用外購劇充數敷衍觀眾,結果收視有眼睇啦?依家就步緊香港電影後塵,不思進取不斷用大堆頭番炒以前的風光大製作「巾幗3」「老表3」「使徒2」,你問下自己你覺得好唔好睇?就算你覺得好睇都冇用,收視已經講明一切!之後還有「溏心3」「宮心2」陸續有嚟(就連「男臣」咁樣的渣劇都唔怕冒險話開拍續集),仲要套套30集以上,問你怕未?拍咩劇觀眾冇得話事啫,但睇咩劇,觀眾唔會連呢樣嘢都要TBB幫佢揸埋主意囉。結果點?「雜警」在被百般打壓冇乜宣傳被擺係炮灰檔播都錄得成20點收視同「踩過界」看齊(終於明白點解TBB要咁做,因為如果放係黃金檔跑出贏過晒D台慶劇,TBB真係會好冇face)!余小姐的港姐台慶綜藝節目已經搞到一塌糊塗,就唔好踩過腳入劇組喇,專心搞好自己個範吧,選D真係有認受性的港姐出來好好栽培,就自然唔會花旦荒啦!小生荒就更不是問題,好多都由訓練班出來,缺少的,只係一個機會!

=====

再沒討論價值,電視產業已經衰落,只會逐漸萎縮,免費牌照都唔知爭嚟做乜,年年蝕錢年年做,跟本沒競爭空間,勝在大陸資金做後盾,否則十年內必步Atv後塵

發表於 Posted on: 2017-10-13 8:13

Toy claw 公仔機
帖數 Posts: 1094
回頂端 / Top
韓劇,日劇或美劇都一樣需要小生,中生和老生,根本不存在什麼老化問題,係睇你拍咩題材用咩人來講! 韓劇金師傅都係中生擔大旗,最緊要搵啱人選去演,唔好為捧而捧,將角色改到亂七八糟去遷就演員。之前「親親我好媽」又被雪藏又盛,套劇及演員係掂嘅,一樣會跑出,江嘉敏也是因為咁而鋒芒漸露!

李添勝監製捧人真係好有一手,前後幫TBB捧紅過幾多人!?你話古仔演技好好嗎?唔見得囉(拍電影咁耐都未得過一次影帝),但佢和李若彤的「神鵰」卻令人津津樂道,連國內的觀眾都一致讚好。佢連黎耀祥咁嘅外型和條件都有本事將佢點石成金,真係好佩服佢睇人的眼光!結果TBB點樣對人呀? 一兩套劇失守就拍條片踩人,真係令人好反感!而事實上TBB放風聲話換人開拍「巾幗3」之時,觀眾已經話罷睇,TBB還一意孤行你有你罷睇佢有佢繼續開拍,收視不似如期也應該在預算之內。

咁當然,靠李監製一人之力,當然也無法成事,他成功背後,也是全靠一班默默耕耘的編審編劇支撐著,交出好劇本,加上演員自己又爭氣,才會水到渠成。我真心希望TBB好好善待這些凡事以觀眾及公司利益為大前提,為TVB及觀眾立下過不少汗馬功勞的一群,他們是值得尊重的!

發表於 Posted on: 2017-10-13 8:46

Toy claw 公仔機
帖數 Posts: 1094
回頂端 / Top
我覺得同韓流嘅衝擊都有多少關係。加上而家香港內地都出現“過度競爭”(《華爾街日報》提出嘅詞匯)嘅問題,所以其實香港內地而家嘅問題並唔係冇競爭嘅問題,而係相反──Overcompete。

發表於 Posted on: 2017-10-13 10:31

帥到掉渣
帖數 Posts: 3908
回頂端 / Top
老化不是問題?如果你嗰套係夕陽劇或懷舊劇由老中生擔正恰如其分就係冇問題嘅。
但現在係講緊TVB沒有遠見致力栽培力捧年青新人去接班搞到青黃不接,中間斷左層呀!

那批年紀唔細嘅老中生中女套套劇都自己減十幾廿歲去扮後生角色,見到佢地扮無知純情去演繹那些與年齡不相乎的「青春」角色真係毛管戙晒!亦可能因為咁,D編劇往往索性不顧年齡差別錯配鴛鴦和胡亂設定人物關係;才有林嘉華配姚子羚,姜大偉蓋世寶做兄妹,依家仲有李司棋同Bosco做姊弟添!

發表於 Posted on: 2017-10-13 12:43

廣角鏡
帖數 Posts: 175
回頂端 / Top
係人都會老,係劇都需要老中小生,所以我一開始才質問點解得TVB咁奇怪專揾老生演中生,專揾中生演後生?

真係TVB冇晒人選嗎?訓練班出來的,香港先生嗰D去晒邊?你自己亦舉了一大班例子出嚟,TVB點解唔揾啱人選去演(俾個機會人也俾個機會自己,栽培到新人,亦是自己公司的資產),呢樣才是我真正質疑的重點!

TVB所面對的斷層問題,歸根究底亦是TVB的決策問題!

發表於 Posted on: 2017-10-13 13:03

Toy claw 公仔機
帖數 Posts: 1094
回頂端 / Top
依家TVB仲有一個大問題,做主持的,唱歌的,1到4號表情都未做得掂就一個二個走捷徑走去演戲,仲在重頭劇擔到正(4S好歹都叫做出身自訓練班),咁嘅環境底下,成間公司士氣低落,仲點有前景可言?

發表於 Posted on: 2017-10-13 13:20

Toy claw 公仔機
帖數 Posts: 1094
回頂端 / Top
鬼咩,而家包括TVB在內,個個都想搵快錢。爾個咪我所引用嘅overcompetition──過度競爭囉。

美國華爾街嗰邊研究中國問題時提出嘅概念。過度競爭,唔止TVB,就講家下啲父母,一個個怪獸家長,要個細路又學爾樣,又學嗰樣,補習補到唔停。

所以之前TVB提倡嘅“停落來,諗一諗”係好啱嘅。

發表於 Posted on: 2017-10-13 14:07

帥到掉渣
帖數 Posts: 3908
回頂端 / Top
不過其實《反黑》嗰處都有多少問題。

例如1986年嗰時並未係叫OCTB,而係叫O記或者反黑組。而且當時嘅警察制服係綠色嘅,當時叫軍裝,爾啲嘢都可以抄返當年TVB嘅《新紮師兄》等劇集攞資料。

而且當時係叫皇家香港警察。皇家名銜係1969年英國政府因香港警隊鎮壓六七暴動有功而頒贈。因此1969年開始到1997年回歸前,香港警察都係自稱皇家香港警察。

發表於 Posted on: 2017-10-13 14:13

帥到掉渣
帖數 Posts: 3908
回頂端 / Top
香港現行警察制服係2003年先換嘅。以前都係綠色軍裝。

發表於 Posted on: 2017-10-13 14:42

帥到掉渣
帖數 Posts: 3908
回頂端 / Top
覺得無記捧人唔係睇質素,好可能係睇合約長短同高層喜好,好似近期好大資源集中捧王浩信,佢ge劇宣傳勁過大制作又套套好角色,其實同王質素差不多ge 小生大把,張振朗演技自然實在過佢,仲有翟威廉,許家傑,楊潮凱,張景淳等等都有濳質,但係就—直做二打六,連配角都不如,如果比多D機會佢哋做下男二,男三再捧上就唔會青黃不接,小生慌係高層做成
利申:對事不對人,王粉咪鬧我

發表於 Posted on: 2017-10-13 16:58

36k
帖數 Posts: 38
回頂端 / Top
更正,發仔喺《江湖小子》係主角,唔係二打六。

發表於 Posted on: 2017-10-13 17:29

冷眼橫眉
帖數 Posts: 301
回頂端 / Top
多謝樓上更正。
嘩,咁樣發哥的星途真係一帆風順羨煞旁人了!!
唔知當時邊個咁有膽識呢?

發表於 Posted on: 2017-10-13 17:42

廣角鏡
帖數 Posts: 175
回頂端 / Top
認同36K。人選唔係話冇(大把咁多),係睇TBB肯不肯俾機會人。王浩信受力捧也是因為憑EU跑出吧?!TBB依家捧人態度確是比以前更保守更冇膽色。

但另一邊廂,有線過嚟的,星夢剛簽番嚟的,未通過能力測試就給予擔大旗的機會又點解釋?仲有李思捷,做戲得咩?講唔係因為背景及因為高層喜好而受捧都冇人信啦。競爭的確係有,只係唔多夠公平咁啫!

發表於 Posted on: 2017-10-13 17:57

Toy claw 公仔機
帖數 Posts: 1094
回頂端 / Top
FYI,當年《江湖小子》原先係伍衛國搭王允材雙生,由於王允材意外斷腳,臨時搵左新人周潤發替代。

發表於 Posted on: 2017-10-13 19:39

冷眼橫眉
帖數 Posts: 301
回頂端 / Top