tvb.com

 
 
tvb.com
 

小生慌

即係話,依家的劇已缺少了「港劇特色」,好明顯係啦.....好似「使徒2」咁,都唔知係咩色......

發表於 Posted on: 2017-10-10 8:29

Toy claw 公仔機
帖數 Posts: 597
回頂端 / Top
即係話,依家的劇已缺少了「港劇特色」,好明顯係啦.....好似「使徒2」咁,都唔知係咩色......
==========================================================
好色,俗稱鹹濕。詞源hamshop,原係英國啲中下階層去嘅妓院。

發表於 Posted on: 2017-10-10 8:44

帥到掉渣
帖數 Posts: 3526
回頂端 / Top
嚟緊有(溏心風暴3)主題港式茶餐廳,濃厚香港味道,到時又睇吓㸃..

發表於 Posted on: 2017-10-10 11:01

daddeyaa
帖數 Posts: 958
回頂端 / Top
而家終於肯認使徒2唔得咩,之前讚到天上有,你班tvb鎗手真廢,咁易中計,,唔怪得公司衰到咁喇,台慶亮燈真係垃圾陣容,人材呢?各位高層,講就天下無敵,有人材就唔使用回流垃圾喇!溏心3又睇吓點孭鑊,又係回流老鬼,家豪小清喎,哈哈!

發表於 Posted on: 2017-10-10 20:41

深思
帖數 Posts: 553
回頂端 / Top
樓主多疑症發作?邊隻眼見到人讚使徒2讚到上天?!

================
而家終於肯認使徒2唔得咩,之前讚到天上有,你班tvb鎗手真廢,咁易中計,,

發表於 Posted on: 2017-10-11 7:36

Toy claw 公仔機
帖數 Posts: 597
回頂端 / Top
維基若真係咁滿意佢旗下的「猛將」和「作品」就不會下令將拍起的劇大肆剪輯剪到一顏一忽......

發表於 Posted on: 2017-10-11 8:40

Toy claw 公仔機
帖數 Posts: 597
回頂端 / Top
大肆剪輯都知,證明有睇喇,我一套都未睇過喎,只睇使徒行者2,死未!哈哈

發表於 Posted on: 2017-10-11 21:11

深思
帖數 Posts: 553
回頂端 / Top
去使徒行者2討論區睇睇,又最佳,又力讚好睇,呢邊討論區就力數唔好,你班友夾吓囗供先喇,一擊即散,廢材?人材?

發表於 Posted on: 2017-10-12 5:52

深思
帖數 Posts: 553
回頂端 / Top
樓主睇得「使徒2」多,當晒所有人係卧底和黑警?咁你為什麼還繼續在TBB討論區留言呢?

發表於 Posted on: 2017-10-12 6:58

Toy claw 公仔機
帖數 Posts: 597
回頂端 / Top
維基台的劇,話冇睇就呃你,咪就睇過兩套咁大把(「客家女人」係拍得幾好睇,就只有呢套睇得。其他的,不提也罷。)!咁係王生自己到處同傳媒吹話自己為了要令劇情緊湊才下令一剪再剪,見佢同佢的猛將踩TBB踩得咁狠又讚到自家劇咁好,點都要自己睇過才知龍與鳳,邊有人好似大台咁,買貨唔驗貨就貿貿然信晒人投資幾千萬落去,睇完「使徒2」你咪可以判斷有幾好囉(咁各人心中有把尺,喜歡讚或彈,也是大家的自由,我自問就讚唔落)。

發表於 Posted on: 2017-10-12 6:58

Toy claw 公仔機
帖數 Posts: 597
回頂端 / Top
好些人睇使徒行者2﹐係為咗睇某啲回流演員。

發表於 Posted on: 2017-10-12 7:46

JessicaTvb
帖數 Posts: 359
回頂端 / Top
大家都好熱烈在此平臺討論咗 TVB 近年小生慌導致劇集質數下降嘅種種根源﹐但都忘記咗當年八十﹑九十年代﹐聽聞以前無線啲編劇係圍繞著在已經定咗某位小生和花旦個人特點善長嘅而落筆﹐如此好自然啲小生和花旦更發揮得淋漓盡致。

發表於 Posted on: 2017-10-12 8:17

JessicaTvb
帖數 Posts: 359
回頂端 / Top
大肆剪輯都知,證明有睇喇,我一套都未睇過喎,只睇使徒行者2,死未!哈哈
發表於 Posted on: 2017-10-11 21:11
深思
>>>>>>>>>>>>>>>>>>>>>>>>>>>>>>>>>>>>>>>>>>>>>>

當時有報導過王生剪片之事,唔駛睇過都知。

發表於 Posted on: 2017-10-12 8:21

冷眼橫眉
帖數 Posts: 286
回頂端 / Top
講番捧新人,少少資料重溫,當年周潤發拍《江湖小子》同《狂潮》,劉德華拍《獵鷹》同《神鵰》,黃日華拍《過客》同《射鵰》,梁朝偉拍《新紮師兄》同《鹿鼎記》,古天樂拍《神鵰》,以至林峰拍《尋秦記》,嗰陣時佢地全部都仲係好新嘅新人,點解當時TVB又會夠膽畀佢地擔大旗咁呢?唔通當年班幕後高層更加有眼光乎~?

發表於 Posted on: 2017-10-12 8:35

冷眼橫眉
帖數 Posts: 286
回頂端 / Top
所以話呢 劇本的重要性 劇本嘅化學作用 劇本功不可沒!
當年電視係唯一娛樂﹐但現時多咗網路﹐so﹐對劇本故事要求就更高 係唔係 !

發表於 Posted on: 2017-10-12 8:46

JessicaTvb
帖數 Posts: 359
回頂端 / Top
再舉家陣備受「重用」嘅陳展鵬為例,資料顯示,佢1994年開始幫TVB拍劇,但係直至2002年佢轉投ATV嘅8年期間,佢一直都只係做緊閒角。而喺ATV,佢都要等到2007年嘅《笨小孩》,先至算係做到主角。即使佢喺2009年返番TVB,都仲要捱到去2011年嘅《真相》,先至終於正式擔當主角,屈指一數,當年都已經係煎PAN入行嘅第17個年頭喇,陰功豬!

發表於 Posted on: 2017-10-12 8:53

冷眼橫眉
帖數 Posts: 286
回頂端 / Top
又講下馬國明,佢喺1999年加入TVB,直至2003年拍《衝上雲霄》期間,一直都只係跑龍套。即使拍左《衝上》,成為S4之一,但係情況似乎冇咩改善,最叻都只係做到第二男主角。最終去到2007年,佢先至喺《律政新人王2》正式算係男一。可惜之後始終浮浮沉沉,偶然做下男一,但係始終都只係做男二(甚或男三)居多。最威係2012年嘅《ON CALL 1》,不但做男一,仲有得提名爭下視帝,雖然明知只係陪跑,都總算飲得杯落。不過睇番轉頭,呢年都已經係馬明入行嘅第13年喇,都咪話唔心酸!

發表於 Posted on: 2017-10-12 9:13

冷眼橫眉
帖數 Posts: 286
回頂端 / Top
上述情況,到底係同人唔同命,定係TVB高層早已冇左捧新人嘅眼光同膽色,大家自行判斷。

發表於 Posted on: 2017-10-12 9:20

冷眼橫眉
帖數 Posts: 286
回頂端 / Top
陳展鵬挨足18年先上到一線位,佢上位被嘲笑速度似蝸牛,亦經過幾次歸零,其間亦做過地盤工,都幾坎坷㗎……

發表於 Posted on: 2017-10-12 9:28

cakatg
帖數 Posts: 540
回頂端 / Top
咁當然,個人魅力亦好重要。好似古天樂咁,當年出道嘅《婚姻物語》,主角係鄭伊健同陳松伶,古仔喺劇入面只係做公司同事,屬三、四線,兼且仲係新人,但係個劇出街,觀眾都好留意呢個唇紅齒白嘅靚仔同事。結果後尾李添勝拍《神鵰》,就搵左古仔做楊過,果然一炮而紅。所以話,除左有冇伯樂,隻馬係咪千里馬都好重要。

發表於 Posted on: 2017-10-12 10:55

冷眼橫眉
帖數 Posts: 286
回頂端 / Top
依家捧人捧得太「硬銷」喇,觀眾唔buy唔like仲要夾硬逼觀眾啃,好似洪永城咁,變左收視毒藥都仲劇接劇........

劇本亦係好大問題,「使徒2」「老表3」咁嘅爛劇本想捧人,好難囉!

發表於 Posted on: 2017-10-12 11:19

Toy claw 公仔機
帖數 Posts: 597
回頂端 / Top
小生荒/花旦荒的起因,我覺得講來講去都離不開以下三點

1. 高層大近視,用人同捧人的眼光都好有問題(連坤哥,洪生咁嘅質素都硬捧逼觀眾啃,點解唔將機會留俾其他更勤力更有潛質的演員?)
2. 劇本唔掂/冇誠意/冇得發揮 (揾視帝視后演收視都仆直,何況係新人?)
3. 年輕藝人自己唔爭氣,不把演技練好,觀眾自然投入唔到,俾觀眾鬧少D都偷笑了。

發表於 Posted on: 2017-10-12 11:47

Toy claw 公仔機
帖數 Posts: 597
回頂端 / Top
我又唔認為大台唔捧新人喎,而家班二線小生唔係上位做男主角咩,黎諾懿,張振朗,王浩信,袁偉豪,楊明,譚俊彥都做男一啦,相反真正一線嗰班而家似掛頭排但做次要角色帶新人多啲喎,刚上位嗰D除咗要努力睇表現外,仲要睇運氣同機會先至容易跑到出嚟!

發表於 Posted on: 2017-10-12 12:00

coogt5026
帖數 Posts: 832
回頂端 / Top
既然樓上提到黎諾懿,又不妨睇番佢嘅歷史。其實佢都已經算係比較有運,由於樣子唔錯(有人話佢似陳百強喎),入行冇耐,2003年已經有得喺《四葉草》入面做男一(雖云個劇以SELL女為主),但係之後打回原形,硬係做埋晒啲二打六(例如喺《衝上雲霄》都只係做過其中一集嘅職員丙),偶然先至有得做下啲單元入面嘅重要角色。一直等到2012年嘅《愛回家》,總算憑住「神之馬壯」令觀眾留低多少少印象。講到跳出SIT COM正式做到連續劇嘅男一,就要去到今年嘅《燦爛的外母》,不過距離當年嘅《四葉草》,又已經過咗成14年矣!

發表於 Posted on: 2017-10-12 14:08

冷眼橫眉
帖數 Posts: 286
回頂端 / Top
所以,如果畀黎諾懿做男一都叫做捧「新」人,似乎個「新」字真係要重新定義至得囉。

發表於 Posted on: 2017-10-12 14:09

冷眼橫眉
帖數 Posts: 286
回頂端 / Top