tvb.com

 
 
tvb.com
 

小生慌

Tvb 已經多年沒有小生, 培育新人機制完全失敗,老態畢露,做吓諮詢工作喇,浪費人材,靚仔但沒有觀眾緣,有性格的,高層又唔敢博,唯有用班老鬼頂住多年,沒落了!!

發表於 Posted on: 2017-10-03 3:57

深思
帖數 Posts: 699
回頂端 / Top
女演員就用晒有線亞視舊部,班港姐又完全沒觀眾緣,套套都揾亞田定欣頂,睇得多都悶喇,善用人材吧,多試用新面孔喇,咁大平台唔識點運用資源,等收檔吧,賣晒比大陸好過,用大陸演員樣貌標緻,青春無敵,賣盤吧!!

發表於 Posted on: 2017-10-03 4:08

深思
帖數 Posts: 699
回頂端 / Top
三哥亞叻家燕媽媽六七十歲,仲可以做男一女一,笑死街坊,多試用小鮮肉小小花喇,橫掂都係輸,為何不殺出一條血路,博吓!!以舊帶新喇,楊潮凱,張景淳,咪幾好使,仲有班港男點解唔試?有潛力嫁,考慮吓喇

發表於 Posted on: 2017-10-03 4:19

深思
帖數 Posts: 699
回頂端 / Top
例如親親妳好媽,江嘉敏咪突出囉,唔試就浪費左好演員,何遠東演藝必然高水平,扮儍又得,扮變態又得,保證有前途,多用吧妳

發表於 Posted on: 2017-10-03 4:28

深思
帖數 Posts: 699
回頂端 / Top
聽落有點悲,但確實如此。

發表於 Posted on: 2017-10-03 8:39

Toy claw 公仔機
帖數 Posts: 1094
回頂端 / Top
得老人家睇電視,用多咗新人,都唔知邊個打邊個。

發表於 Posted on: 2017-10-03 9:57

點話點好
帖數 Posts: 3781
回頂端 / Top
唔覺得
我like睇資深演員與好戲之人擔正,好過d唔識演戲嘅小鮮肉
再講要睇小鮮肉,幾時都唔會揀tvb,內地、韓國都開始出現小鮮肉過剩問題

發表於 Posted on: 2017-10-03 13:19

收視冠軍
帖數 Posts: 17
回頂端 / Top
其實又唔駛話要刻意hard sell 咩小鮮肉或小小花(呢樣也是我頂唔住韓劇的原因之一,我反而喜歡看D故事性較強的劇集),只要故事好,搵啱人選演,跑出的機會自然就會大D.....

發表於 Posted on: 2017-10-03 13:37

Toy claw 公仔機
帖數 Posts: 1094
回頂端 / Top
TVB又唔係話冇演員,係唔明點解硬係要專揾中年演青少年,老年演中年,好奇怪的現象......

發表於 Posted on: 2017-10-03 13:38

Toy claw 公仔機
帖數 Posts: 1094
回頂端 / Top
仲有一點需要強調嘅,演員的演技亦很重要!而演技呢家嘢,亦唔係話年紀越大演技就越好....樓主點名的倆位「一哥一姐」正好說明呢點的最佳例子! 香港藝人要向日韓及大陸藝人嘅精神看齊至得,他們好多年紀輕輕廿零歲已經練得一身好演技。

發表於 Posted on: 2017-10-03 14:07

Toy claw 公仔機
帖數 Posts: 1094
回頂端 / Top
劇集要賣埠去新加星,馬來西亞,越南,美加等有華人嘅地方,藝人要有名氣先有價,(楊潮凱,張景淳)都無人識,d劇㸃賣埠呀!

發表於 Posted on: 2017-10-03 16:49

daddeyaa
帖數 Posts: 856
回頂端 / Top
繼續用老牌演員,跟本自取滅亡,唯一辦法就係以老帶新,劇本質數已經極不穩定,幸好沒其他競爭對手,否則已經一早衰落,老牌演員遲早會退,咁唔通用到人死至心息?到時至諗已經為時已晚,咪變Atv翻版!

發表於 Posted on: 2017-10-03 20:48

深思
帖數 Posts: 699
回頂端 / Top
評論已經證明觀眾老化嚴重,仲依賴班老鬼演員支撐大局,咁使鬼再開訓練班,繼續用回流演員咪得囉,之前套套陳豪,黎耀祥,而家套套展鵬,浩信,何來競爭力?新五虎去了那裏??亞叻,三哥,仲有呢?

發表於 Posted on: 2017-10-03 21:02

深思
帖數 Posts: 699
回頂端 / Top
確實應該向美劇、日劇參攷,但韓劇就咪嘞,韓劇好多都係抄港劇橋。不過由於受日本文化影響,所以先跟日本模式。

如果要論質素嘅話,美劇排第一無異議,日劇第二,第三應該到港劇。但香港近年來好多人過於北望神州,學咗一啲大陸唔係幾好嘅作風,導致質素略有下降。

加上一台獨大十幾年,確實係有多少不思進取。雖然之前TVB已經開始醒悟,將個心開始擺返香港,但似乎未夠。不過學杜汶澤喺佢部電影《開飯啦!》,改革係啱嘅,但都要顧及傳統至得。

發表於 Posted on: 2017-10-03 21:19

帥到掉渣
帖數 Posts: 3908
回頂端 / Top
唔試就永遠冇人識,賣埠年年要靠老鬼,以前舊五虎唔試有人識咩?照咁講羅蘭姐,謝老四咪仲要做男一女一?家燕姐,汪亞姐要繼續扮少女?

發表於 Posted on: 2017-10-03 21:19

深思
帖數 Posts: 699
回頂端 / Top
編審呢個位,以前個個精英,溏心風暴,巾幗梟雄,宮心計,近期dd已經數到刀下留人,親親妳好媽,踩過界,毫無人材,個個返晒大陸揾食,人工高福利好,無辦法!係人都走

發表於 Posted on: 2017-10-03 21:34

深思
帖數 Posts: 699
回頂端 / Top
想知你心中嘅老鬼大約幾多歲?
一係小鮮肉,一係老鬼,咁冇咗中間嗰D?其實中間嗰班先至係中流砥柱

發表於 Posted on: 2017-10-03 21:41

cakatg
帖數 Posts: 561
回頂端 / Top
我睇劇一般都以美劇為主,港劇為輔。

美劇主要興睇啲奇幻、科幻類嘅,所以個人鐘意睇吸血鬼、超英爾啲題材嘅。

超英題材其實覺得就好似我地嘅武俠文化噉。前身應該以歐洲騎士小說為先驅。

發表於 Posted on: 2017-10-03 21:48

帥到掉渣
帖數 Posts: 3908
回頂端 / Top
五十仲要扮小生,八十歲謝老四,七十亞叻仲要扮中佬,咁都唔叫老鬼叫哥仔咩!好彩仲有個鎮台之寶譚玉瑛頂住,賣埠冇佢就大獲!

發表於 Posted on: 2017-10-03 22:06

深思
帖數 Posts: 699
回頂端 / Top
李寳安返亞視喇,余小姐返有線,六嬸返Tvb坐陣,重整旗鼓,冗員無限,網民仲有智慧過你地,好快又會比人block acc. ,期待,哈哈

發表於 Posted on: 2017-10-03 22:20

深思
帖數 Posts: 699
回頂端 / Top
返亞視有線?噉真係撞鬼囉。點返?亞視有線執咗笠,點返?你咁叻,返俾我睇睇。

發表於 Posted on: 2017-10-03 23:06

帥到掉渣
帖數 Posts: 3908
回頂端 / Top
哈,其實我都想問好耐,點解TVB新老闆會㨂亞視和有線的人來領導 TVB?

發表於 Posted on: 2017-10-03 23:25

Toy claw 公仔機
帖數 Posts: 1094
回頂端 / Top
以舊帶新的最大問題係...冇番咁上下份量的角色,外援或他們的粉絲也未必肯制喎(結果,想捧的對象又咪做不成男一女一).....其實我覺得,凡事都有第一次,只要大台肯俾機會去捧,出鏡率多左,曝光率高左,自然多人識,係有料的話,觀眾也會信服及慢慢接受這些新臉孔,美國的大製作電影也是專起用新人(例如Megan Fox也是被Michael Bay所發掘,Hunger Game的Jennifer Shrader Lawrence也一樣,因為一開始冇人識,片酬冇咁高嘛)。咁當然,機會亦係留俾有準備的人嘅,人地promote得你,當事人自己也要有能力去駕馭至得嘅。

個人認為,TVB有今日的困境最大問題係一台獨大自視過高的後遺症,樣樣講關係多過講能力較實力,加上睇人和捧人的眼光都極差(專㨂D演技差沒什麼觀眾緣的人來捧),就講下今年的劇集吧,D所謂高成本實景製作,無論台前或幕後都已大量起用外援和大卡士,結果又點啫?D劇本又唔見得特別高水平(搞到觀眾罵聲四起就有)? !收視不升反降,甚至比舊年更頹添!

發表於 Posted on: 2017-10-03 23:36

Toy claw 公仔機
帖數 Posts: 1094
回頂端 / Top
其實係因為梁家樹退休,陳志雲涉貪,兩個高層唔喺處,再加上李嘉誠準備要開ViuTV撬走唔少TVB高層,所以TVB先焗住要從外面搵人頂上。於是咪有余詠珊入來囉。

而由於余詠珊曾於有線以及亞視供職,於是咪簽咗好多亞視舊將同埋好多有線人返來囉。不過其實之前已經有部分有線人同亞視嘅人喺處。

好似梁嘉琪噉,佢晨早已經被TVB撬咗過去。梁嘉琪係因為當年喺有線主持《怪談》節目時候一喊成名。嗰時《怪談》節目可以話係風靡東南亞,包括台灣同馬拉,TVB收到風就撬人過檔。當時嘅TVB係會搵啲已經有一定名氣嘅人嚟。

加上亞視新十年長期收視低迷,製作自然開始減少,咪逐漸有人過檔囉,而且TVB同亞視嘅藝員以前經常兩邊走。後來亞視執笠,仲更加。

發表於 Posted on: 2017-10-03 23:38

帥到掉渣
帖數 Posts: 3908
回頂端 / Top
見大家對TVB發展史及權鬥咁有興趣,有人亦曾作過有關的詳盡分析,不妨一看...

https://m.sohu.com/a/141653920_236339/?pvid=000115_3w_a&strategyid=00014

發表於 Posted on: 2017-10-04 6:56

廣角鏡
帖數 Posts: 175
回頂端 / Top