tvb.com

 
 
tvb.com
 

小生慌

最佳劇集? 造馬就可以造到啦? 但收視肯定唔會係全年第一﹐就算唔係砲灰檔。杜梅心裡有數﹐從劇名到內容未開拍已經受質疑不睇好﹐要不然部劇都唔使擺咁多九十年代出道觀眾喜愛既無線舊人加影圈的娜姐劉心悠花邊新聞羅琳﹐開頭宣傳只得蕭和馬明﹐後來還需加入馬浚偉。

我既理解無線近搵D舊人回巢拍劇目的同依部劇做法差不多﹐知道自家劇本質量撐不起收視﹐亦知道仍有相當二十點收視觀眾喜歡九十年代出道既演員。既然依部係合拍劇﹐莫非明知不被睇好﹐仍開拍搞咁大堆頭﹐是否是迎合內地人的口味?

發表於 Posted on: 2018-04-15 4:03

JessicaTvb
帖數 Posts: 542
回頂端 / Top
我估計收視還是可以的,不竟製作大陣容勁,感到梅小姐雄心勃勃志在必得的樣子。
不過回望過去…金枝慾孽2!呵呵……會步金枝慾孽2的後塵嗎?

發表於 Posted on: 2018-04-15 9:43

coogt5026
帖數 Posts: 879
回頂端 / Top
飛虎之潛行極戰 已播在 my tv super﹐係今年算OK好睇一部除左波士早晨。

發表於 Posted on: 2018-04-15 10:17

JessicaTvb
帖數 Posts: 542
回頂端 / Top
很多網上熱捧逆缘,特别是内地觀眾,但我覺得是普通料子,到現在為止還沒什麽情節特别值得欣賞,反而三個女人一個因和波士早晨比較好睇,所以口味這東西真是因人而異

發表於 Posted on: 2018-04-15 10:36

coogt5026
帖數 Posts: 879
回頂端 / Top
我估計收視還是可以的,不竟製作大陣容勁,感到梅小姐雄心勃勃志在必得的樣子。
不過回望過去…金枝慾孽2!呵呵……會步金枝慾孽2的後塵嗎?
============================================================
我唔知套劇係咪騰訊定制。因為騰訊嘅作風係追爆款劇,hit劇。所以一般嚟講,騰訊比較喜歡玩啲續集嘢。如果確實係咁嘅話,咁就乜都好理解。

TVB自己肯定唔睇好,所以先掟落去嗰個檔期。畢竟套劇播又唔係,唔播又唔係。

發表於 Posted on: 2018-04-15 11:31

湖海洗我胸襟
帖數 Posts: 5280
回頂端 / Top
我覺得E+任何檔期都對套劇影響吾大,睇下舊年台慶檔冇套收得就知,反而超級炮灰檔乘勝狙擊可以入到10大排第8就知擋期已經吾再重要!我對深宮計好有信心,因為有馬浚偉,劉心悠,尤其馬仔好耐冇睇佢D劇喇!

發表於 Posted on: 2018-04-15 12:14

cakatg
帖數 Posts: 789
回頂端 / Top
【張繼聰主持金像獎】冇份播就唔採訪? 爾冬陞:我覺得冇必要

25,004
建立時間 (HKT): 0414 16:59

第三十七屆香港電影金像獎頒獎典禮將於聽晚假文化中心舉行,金像奬董事局主席爾冬陞(小寶)、司儀張繼聰同蔡卓妍(阿Sa)今日參與拜神儀式,同場仲有ViuTV總經理人魯庭暉。

未知係咪因爲聽晚金像奬頒獎禮由ViuTV作現場直播嘅關係,今日無綫冇派人採訪呢個活動,小寶就話:「我知,好奇怪囉,點解唔嚟採訪。」覺唔覺得無綫好小器?佢表示:「大老闆係黎生(黎瑞剛),我識嘅,我覺得冇必要,我哋唔係針對TVB,我哋係政府資助,我哋係需要投標,唔可以因為同你friend而俾你,唔得㗎!可能係商業上嘅競爭,但我覺得冇必要,有機會我要協調吓,就算轉播唔到,都喺其他渠道做吓。」但係聽晚就已經係頒獎禮喎?佢話:「將來囉!」
提到今屆搵嚟被無綫封殺嘅阿聰做司儀,阿聰指上年已接呢個司儀工作。咁啱無綫喺上年已經封殺佢,阿聰表示:「我唔記時間,係敏感,但我冇諗。」
精選娛聞,喺晒《娛果》

發表於 Posted on: 2018-04-15 15:26

Toy claw 公仔機
帖數 Posts: 1877
回頂端 / Top
我覺得E+任何檔期都對套劇影響吾大,睇下舊年台慶檔冇套收得就知,反而超級炮灰檔乘勝狙擊可以入到10大排第8就知擋期已經吾再重要!我對深宮計好有信心,因為有馬浚偉,劉心悠,尤其馬仔好耐冇睇佢D劇喇!
===========================================================
豈止舊年,前幾年都係,亂晒大龍。其實最差嗰年係2016年。2017雖然都好亂,但起碼開始逐步走出困局。2016年其實情況仲差。

https://zh.wikipedia.org/wiki/%E7%84%A1%E7%B6%AB%E9%9B%BB%E8%A6%96%E5%8A%87%E9%9B%86%E6%94%B6%E8%A6%96%E5%88%97%E8%A1%A8#2010年代

發表於 Posted on: 2018-04-15 17:04

湖海洗我胸襟
帖數 Posts: 5280
回頂端 / Top
最緊要係世界盃檔期
最近每屆世盃無記都會安排最唔睇好既劇係嗰段時間播
原本「深宮計」係今年賀歲劇
點知低處未算低
仲延遲到世盃期播放
可見大台根本唔太睇好呢套野

發表於 Posted on: 2018-04-15 18:16

KathyYau
帖數 Posts: 286
回頂端 / Top
現今要遷就內地觀眾囗味是必然事實,北笑點跟港笑點完全不一樣,以往港劇是要用腦思考,內地囗味是要腦殘風格,有博士學者話睇韓劇會引致腦殘,可能內地觀眾睇得太多吧,星爺拍幾套垃圾戲出嚟為攞內地票房,水準差到嚇人,內地觀眾爭住買飛入場睇,睇完竟然話好睇,港豬跟內地觀眾看點分歧顯而易見,以往星爺電影內地人跟本不感覺好笑,代表笑點不一樣,跟本難以比較好看或唔好看的!

發表於 Posted on: 2018-04-15 18:21

深思
帖數 Posts: 1099
回頂端 / Top
金像獎拍呢d電影有乜辦法影圈唔玩完,娛樂界已經完蛋,內地娛樂事業已經侵吞港娛,評論跟本已經沒價值,寫手只為抒發一下情緒吧了!乜鬼降魔的遊戲繼續自尋死路,往後嘩眾取寵題材(禁),反映社會實況的(禁),邊緣題材的(禁),教壞小朋友的,挑戰道德底線的(禁),只可拍爭產權鬥黑警臥底等題目,懂歌頌偉大主席就可暢通無阻了

發表於 Posted on: 2018-04-15 21:37

深思
帖數 Posts: 1099
回頂端 / Top
可能唔睇好呢套劇的係資方(出錢的騰訊或企鵝), 之前套「糖心」咁嘅收視,仲要畀梅監製暗串話D翻版係因為中國先播,咁我係騰訊或企鵝就一定吞唔落呢啖氣和呢隻死貓㗎喇,所以才要求TVB也要一定同步播出?!真係天曉得囉~
..............
最緊要係世界盃檔期
最近每屆世盃無記都會安排最唔睇好既劇係嗰段時間播
原本「深宮計」係今年賀歲劇
點知低處未算低
仲延遲到世盃期播放
可見大台根本唔太睇好呢套野

發表於 Posted on: 2018-04-15 22:16

Toy claw 公仔機
帖數 Posts: 1877
回頂端 / Top
第37屆香港電影金像獎頒獎典禮花絮: 張繼聰做司儀﹐無線冇派人採訪拜神儀式呢個活動,而楚原又自爆曾被六嬸嫌棄﹐往後TVB 永久唔需要考慮直播香港電影金像獎頒獎禮﹐有咁多避諱?

發表於 Posted on: 2018-04-16 8:17

JessicaTvb
帖數 Posts: 542
回頂端 / Top
黃秋生在37屆香港電影金像獎頒獎禮上一番說話【編劇既元素: 出人意表﹑情理之中﹑意料之外】。
之所以對以上依番說話咁有感覺&興趣﹐因為當我睇今年播出既劇: 波士﹑三個女人/只睇五集﹑果欄﹑逆緣/只睇五集 時有留心到劇裏好缺乏以上元素﹐要不然點會總有種感覺差D乜野! 我唔係幫著內地電視劇講好話﹐的確依家D無線劇情不及美日內地劇既故事性強﹑意料之外﹑情理之中。

當然記得明白無奈的無線有收視保證既幕後人員都北上發展。

發表於 Posted on: 2018-04-16 9:12

JessicaTvb
帖數 Posts: 542
回頂端 / Top
第37屆香港電影金像獎頒獎典禮花絮: 張繼聰做司儀﹐無線冇派人採訪拜神儀式呢個活動,而楚原又自爆曾被六嬸嫌棄﹐往後TVB 永久唔需要考慮直播香港電影金像獎頒獎禮﹐有咁多避諱?
==========================================================
唔知你有冇聽過一句話叫「商場如戰場」,「同行如敵國」?無綫應該頗為奉行呢個政策。楚原應該都有多少故意迎合港娛,故有此語。

發表於 Posted on: 2018-04-16 9:44

湖海洗我胸襟
帖數 Posts: 5280
回頂端 / Top
當然懂得&聽過明白「商場如戰場,同行如敵國」。但咁就奇喇? 來近點樣面對馬浚偉亮相ATV而處理深宮計這件事? 多的是離巢無線舊員工出現在其它電視臺。 哦拍劇那一刻是無線員工播出時已為對頭電視臺就雪藏部劇? 總不能不停用冷藏辦法處理依類事情? 豈不是搞死自己??

好似林子善婚宴﹐胡杏兒站在一行現役tvb藝人中間﹐而娛樂新聞台報道時逐一讀出所有這一行人的名字﹐唯獨沒有讀出胡杏兒。

發表於 Posted on: 2018-04-16 10:39

JessicaTvb
帖數 Posts: 542
回頂端 / Top
好心無線俾D大台風範出嚟啦,正一小家種

發表於 Posted on: 2018-04-16 10:50

cakatg
帖數 Posts: 789
回頂端 / Top
來近點樣面對馬浚偉亮相ATV而處理深宮計這件事? 多的是離巢無線舊員工出現在其它電視臺。 哦拍劇那一刻是無線員工播出時已為對頭電視臺就雪藏部劇?
=============================================================
ATV算係已經死咗嘅電視台,自然唔會計較咁多。而且佢經已係自由身。係咁,陳國邦咪咁囉。TVB一直就係咁做嘢,所以制度係比較嚴苛嘅。可以話TVB小氣,不近人情。但亦有睇法認為正正係因為咁嘅制度先造就TVB當年嘅輝煌。

發表於 Posted on: 2018-04-16 11:53

湖海洗我胸襟
帖數 Posts: 5280
回頂端 / Top
只懂懷緬以往光輝歲月,唔怪得用人永遠用番老牌藝人喇,應該拍套全老人劇集賀台慶至啱,修哥羅蘭姐汪亞姐司棋及淑儀家燕姐,劇名叫“溏心姥姥使徒計宮心”就得,加上三哥亞叻撐場,王晶自編自導全台寶物共冶一爐,想跨平台收視唔過50點都唔得!哈哈哈哈

發表於 Posted on: 2018-04-16 18:29

深思
帖數 Posts: 1099
回頂端 / Top
王浩信啲卑鄙無恥下流手段, 收買傳媒請打手吹大自己, 作古仔中傷人哋,
更加唔會支持佢, 更加更加討厭佢, 為搶視帝, 出動埋老婆囡囡同膠層食飯,
但仲成日背妻媾女扮暖男, 有事求老婆幫拖, 冇事偷食當老婆透明,
如此世紀賤男, 盡快消失 x unlimited x unlimited x unlimited

拒看任何有膠信任何節目或劇集!強烈要求 cut 曬兄弟所有有膠信戲份!

發表於 Posted on: 2018-04-17 7:53

忽然一周
帖數 Posts: 23
回頂端 / Top
了解樓主係講笑﹐以我觀察依堆人如果拍劇或搞節目現時都不會有太多粉絲﹐恐怕連二十點都無?

睇過有一個貼『現時TVB一姐是誰?』汪明荃係大部份選擇﹐睇到依個結果其實都幾令人嘆息!

就睇睇李某某佢話:「都半退休啦,佢地既存在係幫公司,但冇位俾你做都冇辦法﹐冇野發揮,咁都要諗嚇其它』。又睇睇唐文龍提到: 香港地做演員,其實並不如大家想像中的華麗﹐有很多演員係辛苦又只賺得微薄薪水﹐佢地最低工資真係令人心酸﹐住過千八蚊租金的房,要食快餐慳錢度日。 所以某程度上一D藝人離開係逼於無奈!

依家既#1係D生意人﹐而管理層又咁“百花齊放”﹐我始終係箇一句辦電視臺根本不適合私營企業﹐如果抱著搞電視臺係為左掙錢﹐畢如搞將來AI機械人也無法取代既生活必須品生意更為實際搞乜鬼電視臺? 有一位無線舊員工(上港臺節目受訪) 九幾年被招回港做開慌牛搞左依家的有線﹐結局如何大家在香港既朋友比我清楚! 十年後佢亦離開左喇。

好的制作叫好叫座必定有D失敗作品墊底這是規律! 其實昨日電影金像獎楚原叔一番說話﹐除左借助一年一度(唔知今時還算不算) 觸目既香港金像獎頒獎禮一吐冤屈﹐另一就係強調現實與規律 !!!

最後講個實例: 港臺網站(政府基構) 供老百姓重溫節目﹐但TVB呢只係部份或更多的是文字又或者地區問題將海外TVB粉拒於門外﹐一旦有人將每天六點半新聞報導&新聞透視擺上youtube 不到一個月必定被 kill。

但反觀viutv 佢地的六點半﹑8點﹑午間新聞報導大大方每天youtube 有人更新安然存在。

發表於 Posted on: 2018-04-17 8:28

JessicaTvb
帖數 Posts: 542
回頂端 / Top
(逆缘)收視终於出來了,首週7天誇平台平均收視26.7~
這個收視在意料之中,沒有驚喜也不失望!

發表於 Posted on: 2018-04-17 9:20

coogt5026
帖數 Posts: 879
回頂端 / Top
我始終係箇一句辦電視臺根本不適合私營企業﹐如果抱著搞電視臺係為左掙錢
==============================================================
咁係啊,其實唔好話內地嗰隻,我所知道嘅係即使歐美地區,其實好多大企業基本上都有政府參股。佔有一定比例嘅股權。政府靠啲股權獲取紅利後將其補助俾中小企業用。

而至於荷李活,其實係有政府資金參與,並非純商業。斷估日本可能都係咁。學似香港咁影視圈係純商業嘅其實真係比較少見。

至於內地更加,主流嘅基本都係公營電視台。

發表於 Posted on: 2018-04-17 12:59

湖海洗我胸襟
帖數 Posts: 5280
回頂端 / Top
內地肯定啦﹐咁多限制﹐只有公營才可以有完全話事權嘛!

發表於 Posted on: 2018-04-17 13:32

JessicaTvb
帖數 Posts: 542
回頂端 / Top
你好似合拍劇咁,點解會啲質素略為差咗咁呢。其實一個原因就係要喺內地播出嘅話,要先審後播。咁就導致編劇監製啊會綁手綁腳,因為有審查,必然好多限制,尤其係內地嗰啲審查制度。

咁樣落來嘅結果勢必然會導致拍出來嘅劇集效果大打折扣。

發表於 Posted on: 2018-04-17 14:43

湖海洗我胸襟
帖數 Posts: 5280
回頂端 / Top