tvb.com

 
 
tvb.com
 

小生慌

廣兄講錯咗一點,就係我唔係咩半退休人士,我係以前做過投資公司,而家出嚟單幹賺錢啫,屬於所謂嘅粉領一族,或者Soho族,所以先相對清閒少少,畢竟唔駛對住老細朝見口晚見面受老闆氣啫。

發表於 Posted on: 2018-02-13 13:13

湖海洗我胸襟
帖數 Posts: 5489
回頂端 / Top
失覺失覺。原來楚兄係Soho族。不如咁講喇,係度打躉嘅都係一班有心又肯花時間的資深觀眾。好似Jessica所講的,職場壓力其實邊度都有,若能搵到個適合自己的地方讓情緒有發洩的出路又可享受下吹水之樂也未嘗不可。

發表於 Posted on: 2018-02-13 14:02

廣角鏡
帖數 Posts: 357
回頂端 / Top
記得嗰時候化解職場壓力嘅方法之一就係喺騰訊QQ嗰度立個group,然後拉晒啲員工入去,喺入面鬧老細。但當然,現實上我地都知道老細對我地仲係比較好嘅,之不過純粹為咗減壓。於是咪喺個group度鬧老細。

發表於 Posted on: 2018-02-13 18:39

湖海洗我胸襟
帖數 Posts: 5489
回頂端 / Top
現今社會上忠心員工已絕無僅有,城市變化人均質素不斷把水平拉低,一班對公司有建樹而看不到將來嘅員工,默默耕耘要接受低回報率嘅工作,部份稱之為綠葉演員,受盡欺壓從沒機會發揮內在潛能,愛回家呢種節目就可被創造為綠葉訓練場,一批新舊演員亦創造了可塑性形象,大小姐歐瑞偉被炮製出突破演繹,已多次提及唔試就必然死路一條,試過成功就可創造雙贏局面,許家傑而家觀眾只記得佢係送水輝,見好就應該食住條水繼續去馬,多名演員個勢一起就被公司立即剎停,又將班有線幫搬出場,想唔死都難,藝人形象是做娛樂圈首要條件,不斷推d藝人公開拍拖博宣傳,對於置佢於死地, 樂此不疲運用呢招,自招滅亡吧!

發表於 Posted on: 2018-02-13 20:37

係咁先
帖數 Posts: 1245
回頂端 / Top
有批人成日批評網民只懂網上打飛機毫無建樹,上層真係唔懂分析那些是建設性提議,那些是惡意批評嗎?你有你講佢有佢做,咁咪繼續不停懷舊,翻炒囉,公司要死你唔比咩,晚晚只懂宣傳誇平台收視,可想而知內部混亂情況何等嚴峻,爆破性製作嚴重失缺,破壞性創造就不斷來臨!

發表於 Posted on: 2018-02-13 20:59

係咁先
帖數 Posts: 1245
回頂端 / Top
何廣沛形象比較乾淨健康,點知又推朱晨麗出嚟同佢制造緋聞,搞死佢至安樂乎?朱晨麗當佢臭四喇,無財無勢會揀佢?咪玩野喇,朱小姐,累死個後生仔呀!

發表於 Posted on: 2018-02-13 21:08

係咁先
帖數 Posts: 1245
回頂端 / Top
意見接受,態度照舊
============================
大公司病,係咁架喇,睇開啲喇。目前預測係至少喺可以預見嘅10-20年內,如無意外應該都仲係一台獨大。

發表於 Posted on: 2018-02-13 21:50

湖海洗我胸襟
帖數 Posts: 5489
回頂端 / Top
一班默默耕耘的綠葉真係十年都難逢一潤,難得捱左咁耐有運到遇到個突出的角色意外彈了出來,但咁又點?公司唔識打蛇隨棍上去製造雙贏局面,讓大好機會白白溜走,只因佢地不在力捧名單上嘛,你估你係狄狄仔朱晨麗咩?膠層根本完全漠視民意更不懂變通執生。

馬明都話仲有機會,但何遠東,送水輝,大小姐,KC呢?亞東,大小姐佢地仲有下次的提名機會嗎?結果大小姐又做番個無名的村姑甲,亞東又會繼續做某人的肥細佬乙囉。佢地嘅演藝生涯可能最燦爛就是這刻,可惜是一閃即逝!

發表於 Posted on: 2018-02-13 22:26

廣角鏡
帖數 Posts: 357
回頂端 / Top
確實,其實一直都唔覺得小生或者花旦荒,反而綠葉嗰方面要比較荒啲。

發表於 Posted on: 2018-02-13 22:49

湖海洗我胸襟
帖數 Posts: 5489
回頂端 / Top
不過幕前嘅荒尚算好解決,難嘅係幕後荒,幕後荒先大劑。

發表於 Posted on: 2018-02-13 22:50

湖海洗我胸襟
帖數 Posts: 5489
回頂端 / Top
馬明都話仲有機會,但何遠東,送水輝,大小姐,KC呢?亞東,大小姐佢地仲有下次的提名機會嗎?結果大小姐又做番個無名的村姑甲,亞東又會繼續做某人的肥細佬乙囉。佢地嘅演藝生涯可能最燦爛就是這刻,可惜是一閃即逝!
================================================
類似嘅嘢李國麟晨早講過,好似話唔知咩時候李國麟接受採訪話馬明點點,有冇覺得唔抵之類嘅說話,李國麟嘅話就係係都係戥自己唔抵先。遊戲規則擺咗喺嗰處,跟嘅就有主角做,甚至視帝都有得你攞,唔跟咪冇得攞囉。

馬蹄露最光輝嗰陣咪《真情》嗰陣囉。TVB仲額外喺頒獎典禮增添最厭惡角色大獎。然後成為甘草之類。

正式話頭,即使俾你今日攞咗個最佳男主角視帝又如何,到年紀大咗又咪一樣要轉型成為甘草。綠葉升呢之後又係甘草,難聽啲講句叫做“他朝君體也相同”。不過至於你話嘅KC歐瑞偉,其實佢當年都受TVB捧。好似話係銀河七星之一員,係做男主角㗎,但點講呢,紅唔起。唔係話TVB冇捧過佢。吳卓羲嗰啲又係,你估冇捧過佢咩,但係紅唔起。

KC算係第二春,但年紀已經大咗,年紀啱嘅時候TVB捧過但紅唔起,而家年紀大咗先來第二春……

發表於 Posted on: 2018-02-13 23:29

湖海洗我胸襟
帖數 Posts: 5489
回頂端 / Top
證明一樣野唔係力谷就會紅,劇本角色配合發揮至係皇道,試吓力谷送水輝睇吓點,包保趴街,某部份演員唔係力谷就得,祥仔一個柴九角色就爆紅,之前拍乜都死,以往發仔咪票房毒藥,一個mark哥就發左達吧,假如叫吳業坤拍英雄本色睇吓結果會如何?某些事情絕對可預視的!

發表於 Posted on: 2018-02-14 1:26

係咁先
帖數 Posts: 1245
回頂端 / Top
捉到鹿唔識脫角咪呢d囉

發表於 Posted on: 2018-02-14 1:30

係咁先
帖數 Posts: 1245
回頂端 / Top
馬明被利用及出賣咪樣辦囉,耕耘十七年人脈關係唔夠就必定被做炮灰,只是幫別人抬轎成就他人,舊年小弟已多次預視浩信係贏梗,年頭到年尾高層已部署一切,只有我一個在討論區強調馬明是輸梗的,商業機構點會講民意,一年比一年利潤下降,睇業績就知道一切,盲目吹捧藝人結果只係三輸局面,地產覇主成功不是單靠幸運的,預視清晰眼光獨到咪成功之道!

發表於 Posted on: 2018-02-14 1:57

係咁先
帖數 Posts: 1245
回頂端 / Top
講真,其實我覺得TVB係有啲睇細咗自己頒獎禮嘅份量。

如果單純就TVB嚟講,頒獎禮只不過係一個公司年會咁上下,個視帝份量輕到冇人有。咁樣搞傑出員工,搞豬肉獎咩問題都冇喇。就算今年你頒畀浩信馬明都冇所謂。

但問題就在,如果TVB只係TVB咁簡單,以上嘅問題根本唔會成為問題。問題就在TVB唔係僅僅係TVB。

講返段歷史。1970s嗰陣,TVB仲係利氏嘅企業嗰時,喺同為利氏旗下嘅利舞台舉辦咗第一屆港姐。如果TVB只係TVB嘅話,呢一屆香港小姐只不過係TVB自己嘅美女選拔賽。

但係當年TVB嘅港姐就代表咗香港,甚至話代表咗東方嘅審美觀。所以先會有全球聚焦。TVB嘅視帝實際上份量要比影帝要重。

但係而家TVB只係將自己嘅視帝睇成傑出員工獎,所以變成咗咁仆嘅嘢。

發表於 Posted on: 2018-02-14 2:36

湖海洗我胸襟
帖數 Posts: 5489
回頂端 / Top
慣性收視呢個tvb固有名詞明顯已逐漸被打破,光輝歲月一台獨大仲可維持十多廿十年呢個觀點絕對有所保留,只可說是或有可能,現今所謂統計數字可信性自覺已不可跟往昔同日而語,水份可能極高的,商業機構廢物回收循環再造環保意識極高,響應政府不斷聘用中老年僱員,只可惜無間斷污染螢幕,向觀眾製造虛擬幻象,VR科技大派用場吧!

發表於 Posted on: 2018-02-14 2:48

係咁先
帖數 Posts: 1245
回頂端 / Top
記得當年讀書時候老師講過嘅一個真實嘅商業故事,就係百事可樂(Pepsi Cola)係點樣因為可口可樂嘅一個決策失誤導致。

當年百事可樂新崛起,搞咗個試飲等等好多嘢。然後可口可樂亂晒陣腳,跟住推出咗一種新口味嘅可樂以競爭,然後做咗個市場調查,市場反應係新口味嘅可樂要比原來口味嘅好。於是可口可樂公司決定全面推出新可樂,停用舊嘅生產線。

結果數以百萬計嘅投訴蜂擁而來,而原來可口可樂公司嘅嘢已經成為咗美國嘅文化象徵。其實而家嘅TVB感覺就好似當年嘅可口可樂公司咁,以為TVB只係TVB,所以有星馬頒獎禮呢啲豬肉獎,頒獎禮就造馬,頒畀自己喜歡嘅員工就算。

但其實卻已經係香港嘅一個文化象徵。所以話TVB其實主要問題係睇錯咗自己嘅position。所以導致咁多問題。

發表於 Posted on: 2018-02-14 2:49

湖海洗我胸襟
帖數 Posts: 5489
回頂端 / Top
我都記得KC以前做過主角,不過唔知點的,之後一直做綠葉(在維基紀律,佢起碼擔過三套劇的第一男主角,應該係迴響不好彈唔起吧)。佢身手的確幾好,佢的陶總管亦幾深入民心, 呢D或者就係不同人不同際遇吧,依家呢個年紀可以再度紅起來也很不錯,有云牡丹雖好也需要綠葉扶持,咪睇少TVB的綠葉,很多在國內都有市有價吃香得很的,苑瓊丹就係最好例子....

https://zh.m.wikipedia.org/zh-hant/歐瑞偉

發表於 Posted on: 2018-02-14 6:56

Toy claw 公仔機
帖數 Posts: 2040
回頂端 / Top
可能佢地(藝人們)覺得拍拖係他們的自由吧,班後生最鍾意就係搬「人權」出嚟講,但娛樂圈本來就有娛樂圈的規則,就算美日韓都好,不倫戀等一般會引起社會一片譁然,在亞洲影壇基本上會被判死,好似九把刀咁,紅左拋棄拍拖十年的女友劈腿周亭羽即被封為世紀渣男,人氣急轉直下;小室哲哉亦要為偷食護士公開道歉宣佈退引。主要因為藝人係role model, 言行舉止都會受到矚目,觀眾對他們會有一定幻想(除非本身係靠「壞」的形象跑出),一旦幻想破滅,就只剩下討厭,翻不了身。不過TVB依家班食塞米膠層卻不理會咁多,完全懶理形象建設,只要係自己心頭好,還可以主持照做,劇集照拍,形象差一樣照谷照捧,根本完全失晒分寸~!不過有三晶喺度,cheap都可以係皇道,又洗乜驚呢。

................

何廣沛形象比較乾淨健康,點知又推朱晨麗出嚟同佢制造緋聞,搞死佢至安樂乎?朱晨麗當佢臭四喇,無財無勢會揀佢?咪玩野喇,朱小姐,累死個後生仔呀!

發表於 Posted on: 2018-02-14 7:43

Toy claw 公仔機
帖數 Posts: 2040
回頂端 / Top
湖海兄呢次講得有point, 不過就咁,佢地唔係唔知道視帝和港姐這些獎項在香港人心目中的地位和份量,只不過佢地的思維太過狹窄,諗住用D負面輿論去炒熱,用了經營細台手法去經營大台。 就好似報紙咁,都有分大報,網報和小報(tabloid), 陳博士的作法就係請了小報的老編去head大報,整體形象,當然亦會變得小報化了,不登大雅之堂,咪愚昧囉。

發表於 Posted on: 2018-02-14 8:01

Toy claw 公仔機
帖數 Posts: 2040
回頂端 / Top
盲嘅都睇到大台部署成年都為咗谷紅王浩信啦,但估吾到為捧一個咁嘅人佢竟然利用其他演員嚟炒熱個頒獎禮去制造煙幕,不惜一切落重注喺一個形象咁差嘅人身上而令到咁多人失望同憤怒值吾值得啫……

發表於 Posted on: 2018-02-14 8:37

cakatg
帖數 Posts: 855
回頂端 / Top
阿田舊年有四五套劇上,因為話想拎長假,結果連五強都不入......呢D咁嘅頒獎,配角急升變主角,真係笑大人個口! TVB點解畀到人一個「冇人才」的假象? 咪就係自己一手做成囉~! 堂堂一間廿一世紀的上市公司,當成家族生意經營,仲皇親國戚,靠介紹入職,靠關係上位,有乜理由唔倒退......

發表於 Posted on: 2018-02-14 9:04

Toy claw 公仔機
帖數 Posts: 2040
回頂端 / Top
50金禧年都竟然求其成咁,造馬造到令人忍無可忍,無線冇曬公信力架喇,以後所有頒獎大台自已玩曬佢,取消投票吧!,2018年就歆點袁偉豪同蔡思貝視帝視後,或信號冧莊二封,狄狄仔男喜,高層們皆大歡喜……

發表於 Posted on: 2018-02-14 9:31

cakatg
帖數 Posts: 855
回頂端 / Top
之前在這討論區亦指出過,請外援捧自己人係徒勞無功之計,結果又再次印證了,把我的隨口嗡化為秘笈(事實),哈!

杜生高調邀宣萱返嚟拍劇,臨門卻狠狠伸人一腳,用完即棄,真係當人係乜?
證明佢真係好努力好努力....想盡辦法.....去糟蹋自己公司的企業形象,杜生係得嘅!!!!!

發表於 Posted on: 2018-02-14 10:01

Toy claw 公仔機
帖數 Posts: 2040
回頂端 / Top
原來杜×克是被派入大台的二五仔,他正在一步一步令無記走上滅亡之路,哈哈……
尊重外援?宣萱其一,還有請撈家回來拍劇,给他什麽配搭,簡直就是侮辱!
剛見到有網民說:收視+口碑+熱度+人氣都敵不過有通稿,通稿的威力能蓋過所有數據……現在事實擺在目前就是這樣!

發表於 Posted on: 2018-02-14 10:35

coogt5026
帖數 Posts: 900
回頂端 / Top