tvb.com

 
 
tvb.com
 

小生慌

一句講晒無人材呀大佬,假如是人材都走晒喇,仲留在回收站做乜呢?仲有人叫梁家樹返tvb救亡,你班人簡直冥頑不靈!自取滅亡

發表於 Posted on: 2018-02-11 21:41

深思
帖數 Posts: 1008
回頂端 / Top
星期日炮手休息,比較安全,哈哈!

發表於 Posted on: 2018-02-11 22:09

深思
帖數 Posts: 1008
回頂端 / Top
其實TVB最錯就係出唔起錢聘請好似樓主這樣有遠見的人才去管理........

發表於 Posted on: 2018-02-12 8:41

Toy claw 公仔機
帖數 Posts: 1703
回頂端 / Top
發覺香港人最喜歡就係人云亦云,人鬧自己跟住鬧,不理客觀事實,只懂剝花生,只在乎發洩自己的情緒!

之前港視高價撬走TVB一大班幕後,幾十個幕後齊齊跳槽搞到TVB雞毛鴨血,D觀眾完全唔會體諒TVB留番落嚟的藝人幕後有幾辛苦,劇集質素下降就只管鬧TVB同埋D幕後,而班離巢反骨就只懂在TVB傷口灑鹽,好啦,危機台就開唔成喇,D人就人插自己跟住插但又唔睇清楚究竟人地係咪真心想搞免費電視?!

到今日,班由有線NOW跳槽過去TVB的膠層為了鞏固自己的山頭就不顧舊人感受高調請番晒D反骨諗住可以在TVB大展拳腳(唔該大家mark大對眼睇清楚,D高成本的台慶劇啊,4K實景劇啊,全部都係出自同一班跳去Now啊港視啊班反骨手嘅),啲所謂高質劇有足夠資金足夠時間,都可以拍到垃圾咁,收視不升反跌,你又有咩好講?你口中所講的「人才」咪返晒去TVB囉,結果又點?係真人才的話,呢班人就去晒大陸撈到風生水起啦,仲有咁多時間係度怨天怨地搵藉口去掩飾自己的低收視和不中用?

話TVB唔俾機會D後生咩?唔該搞清楚究竟係TVB唔俾機會定觀眾唔俾機會定還是係班後生自己唔爭氣?唔通叫人企埋一邊等佢地慢慢龜速咁爬住上?做乜韓國藝人可以咁勁個個能歌善舞? 大佬,人地有付出㗎,你要TVB好似韓國公司咁嚟訓練班後生?有冇問過人地的虎爸虎媽肯唔肯過你?咪一味只懂得「怨」「搵藉口」但就唔好好研究下個現況(明明自己唔夠競爭力失去優勢畀人超越又賴話人工奀,D老海鮮阻住D後生上位),成日話英殖好,咪睇得民粹主義咁好,英國佬都自身難保要靠攏大陸啦......

發表於 Posted on: 2018-02-12 9:44

Toy claw 公仔機
帖數 Posts: 1703
回頂端 / Top
樓主好野﹐要不一言不發﹐要不句句到肉。

今時今日到處都不如上一代的水平。可能正如之前大家所推論﹐一步步步著亞視後塵囉?

其實馬來西亞星光薈萃頒獎典禮2017許紹雄講的一番說話已經一針見血: 通常D年輕既後生仔都站著﹐而所有既前輩卻座著在哪裡 !

發表於 Posted on: 2018-02-12 12:38

JessicaTvb
帖數 Posts: 449
回頂端 / Top
哈哈,話時話,好似英國現任首相Teresa May帶著史上最大嘅外交團訪問中國,所以話靠攏中國都講得啱。

其實針對娛樂事業,有一個說法,但個人唔敢話靠譜,只係聽過呢個說法。就係話一個地區經濟低迷嘅時候,往往娛樂事業就會十分發達,反之亦然。即是話,如果地區經濟由低迷走向復甦嘅話,娛樂事業就會不升反降。

而家好似話香港製造業開始復甦。全球經濟正式復甦之中。唔知兩者有冇關係嘞。

發表於 Posted on: 2018-02-12 14:57

湖海洗我胸襟
帖數 Posts: 4959
回頂端 / Top
每個工種每樣工作都需要培訓及經驗累積,不是一朝一夕就立即出現,人材當然會出走喇,舊嘅唔走新嘅點嚟,仲成日討論人材回歸,人材是必會隨時間而被淘汰,舊思維必需要被淘汰才有新生機,舊的只可作為一種參考改進橋樑,tvb近十數年來何來新的?件件捱足十幾年至攞出來當新人用,楊潮凱張景淳早前只有小弟第一個點出被人浪費吧,而家至肯用,為時已晚,小生都已經變中佬,假如有另一電視台挖角,第一時間就走喇,肥東擺明在tvb沒將來,有機會就走吧,勿再蹉跎歲月,有批演員必是潛質無限的,局限在tvb發展,只死路一條!一級人材乃型男梁烈唯衛志豪李潤庭囉,乜鬼娛樂三兄弟就當寶,仲以為自己好掂,其實觀眾對呢批人已極之反感,肥媽六號已用到絕路喇,仲做?節目制作用人策略必需大刀闊斧作出改革才有機殺出另一片天,優勢係有硬件但不懂利用,軟件就用水貨,想唔死都難!

發表於 Posted on: 2018-02-12 16:37

深思
帖數 Posts: 1008
回頂端 / Top
插啲嘢,就來過年嘞。

睇返下啲賀年MV輕鬆下:

https://v.youku.com/v_show/id_XMjc0NjY5NDQ=.html?spm=a2h0k.8191407.0.0&from=s1.8-1-1.2&f=1769495

咁啱明年都係狗年,都幾應景下。

發表於 Posted on: 2018-02-12 17:14

湖海洗我胸襟
帖數 Posts: 4959
回頂端 / Top
導師們,攞番批粵語長片出嚟做教材吧,比d後生仔認識吓以往香港社會景況,當年前輩演出非比尋常,劇本百看不厭,功力無限,現今想睇番都難,不懂運用當年優質產品用作資源培訓,年青富貴一代認為幸福是理所當然,捱一兩通宵比死更難受,IG沒有得騙人的,年青一代現今責任是吃喝玩樂,乜勤奮抵得諗唔怕蝕底之類已蕩然無存,尊師重道更不在話下,只要忠於自己就話之你老幾,睇吓班落選港姐就知,件件貪威識食,勤奮工作咪玩喇,咁麻煩!

發表於 Posted on: 2018-02-12 17:22

深思
帖數 Posts: 1008
回頂端 / Top
問題之前的跳槽潮對TVB打擊甚大,已經大大影響了TVB的運作,就好似李添勝的「巾幗3」咁,原定張華標寫,結果張離開公司,搵張個徒弟葉廣蔭去寫,就搞出個大頭佛,公司都七國咁亂,劇集不夠人手寫,新人又唔夠料幫唔到手,啲較為senior的員工已經做到有氣冇地透仲邊有時間閒心去幫手栽培新人? 斷層也冇計,可以點?!

最廢就係呢班新膠層,仲走去引入班叛將加以重用,D舊人點會有不難受的道理?唔心淡就假,結果所謂的換新血就變成換左啲「瘀血」返嚟,台前係咁幕後又係咁,所以我也鼓勵D有料嘅,真係有好路數,不妨出去創下搏下,等TVB班膠層自己受下都好嘛!

用粵語長片做教材當然冇問題,有問題係班後生,會嫌你老土呢。根本環境變了,人的質素也變了,自己競爭力不夠還自以為是,受不起打磨就一味只想走捷徑靠關係上位,有料的就被埋沒被投閒置散,TVB有乜理由不沒落,呢D咪叫做自作孽不可活囉~!

發表於 Posted on: 2018-02-12 18:14

Toy claw 公仔機
帖數 Posts: 1703
回頂端 / Top
搵D舊新聞幫大家喚番D舊記憶,可想而知班TVB膠層有幾咁不近人情.....

......................

TVB被李澤楷王維基挖空 幕後製作人員集體跳槽
http://news.sina.com 2011年09月22日 17:30 鳳凰衛視
  信息時報9月23日報道 香港TVB年初股權變動後,繼花旦小生逃亡潮,又輪到幕後製作人員集體跳槽,轉投到王維基和李澤楷創辦的兩家電視台。“電訊魔童”王維基創辦的城市電訊,以及“小小超”李澤楷旗下的電訊盈科,搶在免費電視牌照發放之前,分秒必爭招兵買馬,務求挖走無線精英,鞏固自身勢力,好應對明年一觸即發的電視大戰。王維基計劃以高一倍的人工挖走TVB150人;李澤楷早前亦以加薪最多一倍半,成功搶走TVB綜藝科約30名幕後精英,邵逸夫方逸華的百億電視王國面臨被掏空。

  無線急救揚言加工資

  面對大批人馬被兩大機構挖走,TVB高層擔心人心不穩,連日開會商討應對措施。昨日,製作資源部總監樂易玲和戲劇總監曾麗珍表示,TVB會加工資,也會體諒員工辛勞。一方面重申TVB40年電視王國有良好發展前景,另一方面強調願意跟員工溝通對話,希望能留住人心。而外事部副總監曾醒明在接受信息時報採訪時,承認如今的工作量比過去大了很多,工作壓力也隨之上升。“拿宣傳來說,現在也比以前辛苦,做更多的事。但這是因為公司運營環境的改變,我們理解很多幕後人員的工作負荷。”他表示,TVB將會在明年1月前重新審視員工的資歷及工作狀況,爭取在那之前向公司爭取加薪。有報道稱,即便是加薪,幅度也在50%左右,比起競爭對手100%的加幅,可謂是望塵莫及。

  對於有報道指,TVB高層對員工親疏有別,平日嘴臉也相當難看,讓低下層有冤無路訴,曾醒明則說,不論在哪裏工作都會有不愉快的情況發生,員工可以在每周例會跟上級反映,或者以郵件及書面的方式向公司反映情況,希望員工能夠開誠佈公解決問題。

發表於 Posted on: 2018-02-12 18:26

Toy claw 公仔機
帖數 Posts: 1703
回頂端 / Top
無線沒計劃招人填空缺

  對於戲劇組方面人員流失嚴重,甚至有指會影響到TVB目前正在拍攝的多部劇集,包括陳法拉、郭晉安主演的《東西宮略》,以及鐘嘉欣、馬浚偉主演的《當旺爸爸》等,曾醒明認為數字太誇張,表示截至昨天為止,只收到不超過10人的辭職信。“整個戲劇發展分部有280多人,其中編劇占80多人,其他是非戲劇的資料搜集同編寫員,這次走得比較多的是編劇和資料搜集員。”他承認,TVB台前幕後肯定是其他電視台的挖角對象,但公司早已未雨綢繆,早前開辦的編劇班已培訓十多人,目前正在見習階段。雖然近10人離巢,但曾醒明表示,TVB暫時無計劃要對外招聘,還認為挖角潮對公司運作影響不大,歡迎有新的電視台加入良性競爭。他承認無線前副創作主任張華標去年10月離職,帶來的影響要大於這次的辭職風波,當時近20人跟他一起離職,轉投台灣一家電視台。今年不少編劇過檔“城電”,張華標原本也是王維基的挖角對象,無線早前也想請他回巢,但因新東家輓留,張華標已婉拒王維基好意。

  電視大戰一觸即發

  “電訊魔童”王維基創辦的城市電訊,“小小超”李澤楷旗下的電訊盈科,以及有線電視,在前年開始申請免費電視牌照。香港廣管局已完成審批,商務及經濟發展局最快一個月內提交行政會議拍板。明年香港將增加3間免費電視台,與無線及亞視競爭。

  王維基軍團

  挖走猛將:唐基明

  主戰場:戲劇組的製作和創作兩大部門

  軍團陣容:計劃挖走150人,目前已有50人加盟。(包括編審和編劇30人,監製、導演和助導20人)

  制勝法寶:銀彈攻勢,以一倍以上工資挖角。

  攻佔步驟:

  1.主動逐一致電戲劇部台前幕後,不論身份高低,只求逐個擊破。曾醒明承認無線薪金太低,一般初級編劇人工不足1萬,編審不足2萬。盡管無線今年7月曾經加薪,但幅度最高不超過30%,對於輓留人心作用不大,所以當其他機構高薪挖角,員工都樂意跳槽。

  2.面談議價詢問要求。據悉,王維基禮賢下士求合作,不斷約見無線監製、導演、編審和小生花旦,馬德鐘、佘詩曼、駱應鈞和林保怡等人。

  3.承諾廣闊發展前景。王維基曾表示,城電電視開台後,希望每年自製260小時劇集。據知接觸過的演員明年將為該台拍劇,今年監製無線劇集《怒火街頭》的唐基明也會為該台製作一出新劇,男主角已接觸馬德鐘,預計明年3月開拍。

發表於 Posted on: 2018-02-12 18:27

Toy claw 公仔機
帖數 Posts: 1703
回頂端 / Top
李澤楷軍團

  挖走猛將:何麗全

  主戰場:綜藝組,主要是音樂節目和娛樂節目。

  軍團陣容:綜藝科30人,並計劃挖走跟無線有合約的歌手。

  制勝法寶:大打感情牌,先向熟人下手,還幫忙解決合同問題,一條龍服務。

  攻佔步驟:

  1.無線前綜藝節目製作總監何麗全,3月離開無線電視轉投李澤楷率領的Now電視旗下,擔任電訊盈科電視及新媒體首席總裁及製作部總經理一職。

  2.何麗全過檔後,即以加薪100%至150%以上從舊公司綜藝科挖走資深幕後製作人員約30人。

  3.何麗全頻頻向無線綜藝員及四大唱片公司歌手投橄欖枝,有消息稱,他向挖角對象承諾,如果合約尚未完結,會代賠合約金。

發表於 Posted on: 2018-02-12 18:28

Toy claw 公仔機
帖數 Posts: 1703
回頂端 / Top
最後,只係想講,凡事有因必有果,要人對你忠誠,首先就要睇你自己點樣去對人......

發表於 Posted on: 2018-02-12 18:30

Toy claw 公仔機
帖數 Posts: 1703
回頂端 / Top
培訓就係最基礎做法,公司跟本就沒有從基本做起,以往有五虎,個個出人頭地,威風一時,往後就奧運六星,有成有敗正常不過,再往後呢???就沒有吧,所有好戲演員走得就已經走,死得就已死吧,沒計劃培訓接班,何有進步空間?不停接收舊部可以話係互惠態度,但舊部得益必大過tvb,公司算盤明顯打錯了,舊部不停在外唱衰tvb,司棋姐夏雨哥在無記(viu嗰個)頒獎禮上台明剃公司眼眉的,公司以往行政手法是會永不錄用,將其黑名單,而家竟要做契弟揾番人地拍劇,垃圾到咁程度仲唔認輸都唔得喇!

發表於 Posted on: 2018-02-12 18:40

深思
帖數 Posts: 1008
回頂端 / Top
咁係啊,TVB的確係對啲員工唔夠尊重。學阿姐話齋,真係應該薪金多啲啲,山頭文化少啲啲。

發表於 Posted on: 2018-02-12 18:51

湖海洗我胸襟
帖數 Posts: 4959
回頂端 / Top
公仔哥冇謂揶揄我吧,管理層點會理我呢d魚毛蝦仔講乜,廢話一篇算吧,某部份年青一代說話真冇天裝不近人情,巴士意外後竟對一位前輩說,好彩我從來不搭巴士,有錢真係大晒嗎!

發表於 Posted on: 2018-02-12 20:00

深思
帖數 Posts: 1008
回頂端 / Top
請到樓主你係TVB福分呀~! 起碼你係真心畀意見想TVB好,就唔似得D私心重膠層,自己上位之後就不避嫌去推自己老公上位,家陣家族生意乎?駛唔駛嗌埋堂哥表弟姨媽姑家入嚟佔多席啊?在公司七國咁亂被外敵圍攻的時候,沒有出過半點力,沒有大的貢獻就平步青雲,真係天理何在? 陳博士請著D咁嘅人做膠層就不難明白他點解沒有傳媒命,一涉足傳媒業,定必損手爛腳......

發表於 Posted on: 2018-02-12 20:29

Toy claw 公仔機
帖數 Posts: 1703
回頂端 / Top
有心改革的,就必需重新打做,節目編排重新定位吧,綜藝節目邊個受歡迎就唔怕再做,好似鼎爺咁兩輯就應收起,肥媽拍幾輯都睇到厭喇,不停dddd,收工吧,演員部應揾專責部門做觀眾喜好調查喇,套套翠如展鵬乜都死喇,試吓假如套套發哥偉仔華仔,睇吓觀眾反應會點?定必反感的,物以稀為貴呀,過濾吓喇,政府打造創新科技,電視台就不斷懷舊,應留就棄,應棄就留,次次麥美欣六號,比觀眾抖吓氣喇,大佬,成日將焦點集中在一星期嗰五晚劇集,20:30到22:30為何定必要不斷播劇,而家無人會再晚晚坐定定等睇劇喇,仲係7,80年代咩,上網煲劇好過喇,被告人四日就已經全套睇晒,過癮到爆炸,一星期播一集嘅日劇,有追看性反之吸引,好似doctor X咁個個星期會追看,吸晴非常,踩過界策略絕對成功的,可惜比內地一早播晒,擺晒上網,咪敗家囉!給別人先行仲要跟人尾,搞乜呀,博士!等摺乎??

發表於 Posted on: 2018-02-12 22:45

深思
帖數 Posts: 1008
回頂端 / Top
而家仲怪d高層做乜,俗語話擒賊先擒王,當年六叔六嬸打理得頭頭是道,獎罰分明,揀人眼光明顯獨到, 禮義週週,六嬸鬧人笑住嚟鬧高層次的, 欽點演員得就繼續用唔得就飛,態度正確,博士未夠頂班,黑口黑面就獲尊重嗎? 用人唯親,富豪級人物李生對基層員工極有禮貌,竟主動叫我地早晨,心感温暖!而家…………,唉!

發表於 Posted on: 2018-02-13 1:02

深思
帖數 Posts: 1008
回頂端 / Top
睇咗上邊的信息明曬明得好緊要!
但大惑不解、唔明點解,既然李澤楷何麗全挖走咁多無線幕後幕前員工,理應其它電視台嘅節目有別於TVB? 但每天從綱上見到D節目類型啊、模式啊又係一鬼樣? 並無睇到小小超既然咁有錢亦搞唔出什麼新嘢??

發表於 Posted on: 2018-02-13 4:30

JessicaTvb
帖數 Posts: 449
回頂端 / Top
OK,我明有機會應該走勿再蹉跎歲月,但留心到過去十年離開咗既一D一線小生花旦、港姐、有口碑綠葉在外打拼,都只係得短時間既機會? 比如 張可宜林保儀馬德鐘康華吳啟華鄧x文楊儀陳慧珊; 佢地當中有人要搞生意、中文大學進修或者轉行教書,0k 好似樂童咁而家又係只能去重開嘅ATV亞洲電視,大家有目共睹個邊D節目又係炒冷飯或改個名同東張西望差唔多?

發表於 Posted on: 2018-02-13 4:31

JessicaTvb
帖數 Posts: 449
回頂端 / Top
講真香港觀眾有幾多咁得閒喺討論區打躉吹水畀意見的?看來都係班海外觀眾或班退休人仕可能對昔日TVB仲有些少情意結和關注才有閒情上網google資料作分析討論居多。

其實現今TVB搞成咁個問題癥結原因都好明顯,樓主根本在第一頁已一語道破,中間咁多頁大家亦只是不斷重覆在插已發生的事實而巳。要鬧就鬧最大粒嗰個昏君管理不善縱容下屬胡作妄為吧。殼王唔同六叔,目光短視,根本無心致力發展本地影視行業,甚麽培訓培育人才計劃?十年樹木太費時失事了便把老將回收循環再用。創新咁冒險便狂loop翻炒舊橋。點去與時並進呢又?黑面老闆根本懶理員工有冇歸屬感毫無人情味,處事態度手法賞罰不公亦實難服眾。

很難得樓主唔係齋鬧亦有建設性提議,可惜管理層除了沒有廣納賢才之能亦無納諫之德。
講真,現今新亞視ViuTV等對手實在太弱未能構成威脅,相信TVB未來方向發展方針亦不會有突破。 網民再插多一百頁都係嘥氣。

發表於 Posted on: 2018-02-13 8:04

廣角鏡
帖數 Posts: 345
回頂端 / Top
樓主有朋友或親人在TVB打過工?我公司的外國人CEO每個早上經過office都會大大聲同staff講good morning, 啲staff對他的尊重也是由心發出,覺得呢D都係一種管理智慧。

D人喜歡去日本shopping主要係享受那種服務態度。記得一次遇著某百貨公司開門,見到D員工排開一列對迎門而入的客人鞠躬講「歡迎光臨」真係印象深刻。日本人一般亦講究禮儀,很少會態度惡劣相向。

其實情緒是會互相影響的,香港的前線壓力很大,又成日遇到D態度惡劣的客人,若大家都燥底,就好容易產生衝撞。如果做客的可以態度好DD多點體諒少點無理要求,前線工作者感受到別人對自己的appreciation, 相信服務心態也會截然不同。

..................

而家仲怪d高層做乜,俗語話擒賊先擒王,當年六叔六嬸打理得頭頭是道,獎罰分明,揀人眼光明顯獨到, 禮義週週,六嬸鬧人笑住嚟鬧高層次的, 欽點演員得就繼續用唔得就飛,態度正確,博士未夠頂班,黑口黑面就獲尊重嗎? 用人唯親,富豪級人物李生對基層員工極有禮貌,竟主動叫我地早晨,心感温暖!而家…………,唉!

發表於 Posted on: 2018-02-13 8:15

Toy claw 公仔機
帖數 Posts: 1703
回頂端 / Top
就好似TVB咁,敵對方不斷用銀彈進攻,真係有幾多個人招架得住?人望高處,你走唔怪得你,但也沒有必要為討好新東家去踩自己的舊公司舊同事啫?!踩得咁盡仲有面返去嗰下真係夠晒厚顏無恥囉.....

你諗下,人地出double, 還有一班員工不為金錢誘惑所動,甘願在咁惡劣環境挨批同公司共進退,證明人間也不乏有情誼之人,樓主講得最中point就係陳博士根本欠缺呢方面的管理智慧,獎罰不分明,不懂人情世故,呢點真係陳博士的一個大失敗。

發表於 Posted on: 2018-02-13 8:31

Toy claw 公仔機
帖數 Posts: 1703
回頂端 / Top