tvb.com

 
 
tvb.com
 

小生慌

首先,我想問,文偉鴻又未離開TVB,點解大製作不是交畀自己TVB的舊人反而要由外判去操刀?話晒文偉鴻舊年的「城寨英雄」也是代表作嚟喎,是膠層認為他不能勝任嗎?

蘇監製如果認承拍前傳,就要懂得尊重文偉鴻,理應用致敬的手法就不是要急不及待去表現自己,又或索性推左去算了啦,膠層自己亦有話語權,話晒係「前傳」,唔可以話任你點舞就點舞。不過被高薪挖去港視個班反骨咩質素,就早已經心裡有數,當其時成班友仔集體辭職仲唱衰TVB,搞到TVB元氣大傷,而當中王維基最想撬嘅係李添勝(新聞都亦有大肆報導過,http://jgospel.net/family-talk/entertainment/tvb編劇集體辭職-眾多藝人工作擱淺.c36578.aspx),但李監製份人就係咁重情誼,不為銀彈攻勢所動,講到尾,都係請佢地及劉梅班反骨回巢的膠層懵上心!!

事實上呢D問題「巾幗3」的時候就已經出現過,李添勝監製死貓就自己一個人啃晒(令自己名譽受損),但TVB內部就完全沒有認真去檢討過呢個問題,反而仲變本加厲,家陣所有續集死晒就死剩「深宮計」,就算收視OK,失敗率都高達75% (四套裡面已經仆左3套)!聞說「三生三世」和「射雕」的名導演都係出身自TVB,在六叔手栽培了咁多人才,睇怕遲早敗晒係呢班山頭主義膠層手上,真係冇眼睇佢喇!

發表於 Posted on: 2018-02-10 18:13

Toy claw 公仔機
帖數 Posts: 2728
回頂端 / Top
首先,我想問,文偉鴻又未離開TVB,點解大製作不是交畀自己TVB的舊人反而要由外判去操刀?話晒文偉鴻舊年的「城寨英雄」也是代表作嚟喎,是膠層認為他不能勝任嗎?

蘇監製如果認承拍前傳,就要懂得尊重文偉鴻
================================================
據我所知嘅係,拍前傳本來就係文偉鴻嘅意思。而且晨早係有放風出嚟話係咁,但當時文偉鴻因為有另一部製作《同盟》要搞,所以就分唔到身去搞《使徒2》(亦即是話原定都係由佢負責),所以最後就只能夠暫時換監製(TVB嘅制度係比較趕),至於點解會係蘇萬聰負責就唔知道嘞。

發表於 Posted on: 2018-02-10 18:34

湖海洗我胸襟
帖數 Posts: 5908
回頂端 / Top
既然明知要開拍「使徒2」,點解還要文偉鴻拍「同盟」?

發表於 Posted on: 2018-02-10 19:07

Toy claw 公仔機
帖數 Posts: 2728
回頂端 / Top
我睇番維基紀錄,兩套劇開拍時間差不多,你係文偉鴻的話,對呢班膠層你會作何感想?

發表於 Posted on: 2018-02-10 19:20

Toy claw 公仔機
帖數 Posts: 2728
回頂端 / Top
據我所知,使徒行者拍完之後,由於有見收視口碑皆好,所以係打算開前傳續集之類。之後拍完《城寨英雄》後,文就開始搞《同盟》。

所以應該話係貪字得個貧之故。因為城寨嗰啲係原來文偉鴻本身喜歡嘅戲劇類型。所以《城寨》之後就火速搞《同盟》。估計係當前傳等確定好故事劇本之類,怕且咁啱撞期。所以導致咁嘅情況發生。

發表於 Posted on: 2018-02-10 20:02

湖海洗我胸襟
帖數 Posts: 5908
回頂端 / Top
所以話到底劇集也好綜藝節目也罷。 請問TVB管理層:到底係比觀眾睇? 還是比監制導演自己睇呢? 還是純屬比制作人員享受制作過程自己成品而以?

「明知劇本唔得還拍板照開?」香港近來有句口頭禪:係無得簡。明罷缺創作人材,何來有美國每年1000個成品去選擇? OK 從地理面積相對不能同美國比唔公平,咁起碼嘅100個成品我估可能都無?

再講綜藝節目嘅主持,明明有實力有質素有豐富詞匯經驗嘅投閒置散或放逐邊彊,放D外國長大嘅什麼麥美乜以及其它港乜去主持大型節目等於趕走觀眾;所以我嘅七八成也包括睇孟非的非誠勿擾,重點並不是睇配對,而係睇主持功力、睇大陸社會問題嘅變迁。

發表於 Posted on: 2018-02-11 0:52

JessicaTvb
帖數 Posts: 846
回頂端 / Top
夠膽講一句:無線無一個女主持可以比美臺灣出名女主持陶晶瑩,豐富詞匯係必須經過個人努力用功並非落選海外長大乜姐求其上場跟稿讀可以辦到,臨場反應快更係陶晶瑩嘅天份。
縂之依家個班乜姐啊學是學非啊在鏡頭前面不知所謂,好似隻顛X 係咁肺,非常非常討厭。

發表於 Posted on: 2018-02-11 1:25

JessicaTvb
帖數 Posts: 846
回頂端 / Top
仲討論乜鬼監製導演,係節目節奏明顯已經比不上上一代水平,還正在倒退中,劇名不斷翻炒仲不斷翻拍,不停用老舊部救亡,亞姐司棋淑儀家燕媽媽由70年代姐仔拍到而家,仲做緊一綫,唉!!往後亦會不斷重覆,直到永遠,港人以往成功在於節奏明快,創造力突出,抓緊起步點,而家反而要跟別人尾,就嚟連尾燈都見唔到,仲有咁多人發表埋d乜專業意見,懶有見地,長篇大論,高層連基本都未能做好,仲點會用心搞d乜新思維,專用d跟民意對抗嘅垃圾演員,觀眾喜好係乜完全沒有派人做專業調查,只要高層鐘意,糞便都可當作面膜,以往小弟評論嘅毒藥演員一一應驗,翻查一下評論吧,無演技無樣貌的,竟可以被評論到神級及女神BB,商業機構利字行先是理所當然,產品沒質素何來有理想回報(利),簡單講當年南韓跟港尾,現今要跟返轉頭,發哥係佢地超級偶像,現今受歡迎名字已變成韓星吧!

發表於 Posted on: 2018-02-11 21:34

係咁先
帖數 Posts: 1667
回頂端 / Top
一句講晒無人材呀大佬,假如是人材都走晒喇,仲留在回收站做乜呢?仲有人叫梁家樹返tvb救亡,你班人簡直冥頑不靈!自取滅亡

發表於 Posted on: 2018-02-11 21:41

係咁先
帖數 Posts: 1667
回頂端 / Top
星期日炮手休息,比較安全,哈哈!

發表於 Posted on: 2018-02-11 22:09

係咁先
帖數 Posts: 1667
回頂端 / Top
其實TVB最錯就係出唔起錢聘請好似樓主這樣有遠見的人才去管理........

發表於 Posted on: 2018-02-12 8:41

Toy claw 公仔機
帖數 Posts: 2728
回頂端 / Top
發覺香港人最喜歡就係人云亦云,人鬧自己跟住鬧,不理客觀事實,只懂剝花生,只在乎發洩自己的情緒!

之前港視高價撬走TVB一大班幕後,幾十個幕後齊齊跳槽搞到TVB雞毛鴨血,D觀眾完全唔會體諒TVB留番落嚟的藝人幕後有幾辛苦,劇集質素下降就只管鬧TVB同埋D幕後,而班離巢反骨就只懂在TVB傷口灑鹽,好啦,危機台就開唔成喇,D人就人插自己跟住插但又唔睇清楚究竟人地係咪真心想搞免費電視?!

到今日,班由有線NOW跳槽過去TVB的膠層為了鞏固自己的山頭就不顧舊人感受高調請番晒D反骨諗住可以在TVB大展拳腳(唔該大家mark大對眼睇清楚,D高成本的台慶劇啊,4K實景劇啊,全部都係出自同一班跳去Now啊港視啊班反骨手嘅),啲所謂高質劇有足夠資金足夠時間,都可以拍到垃圾咁,收視不升反跌,你又有咩好講?你口中所講的「人才」咪返晒去TVB囉,結果又點?係真人才的話,呢班人就去晒大陸撈到風生水起啦,仲有咁多時間係度怨天怨地搵藉口去掩飾自己的低收視和不中用?

話TVB唔俾機會D後生咩?唔該搞清楚究竟係TVB唔俾機會定觀眾唔俾機會定還是係班後生自己唔爭氣?唔通叫人企埋一邊等佢地慢慢龜速咁爬住上?做乜韓國藝人可以咁勁個個能歌善舞? 大佬,人地有付出㗎,你要TVB好似韓國公司咁嚟訓練班後生?有冇問過人地的虎爸虎媽肯唔肯過你?咪一味只懂得「怨」「搵藉口」但就唔好好研究下個現況(明明自己唔夠競爭力失去優勢畀人超越又賴話人工奀,D老海鮮阻住D後生上位),成日話英殖好,咪睇得民粹主義咁好,英國佬都自身難保要靠攏大陸啦......

發表於 Posted on: 2018-02-12 9:44

Toy claw 公仔機
帖數 Posts: 2728
回頂端 / Top
樓主好野﹐要不一言不發﹐要不句句到肉。

今時今日到處都不如上一代的水平。可能正如之前大家所推論﹐一步步步著亞視後塵囉?

其實馬來西亞星光薈萃頒獎典禮2017許紹雄講的一番說話已經一針見血: 通常D年輕既後生仔都站著﹐而所有既前輩卻座著在哪裡 !

發表於 Posted on: 2018-02-12 12:38

JessicaTvb
帖數 Posts: 846
回頂端 / Top
哈哈,話時話,好似英國現任首相Teresa May帶著史上最大嘅外交團訪問中國,所以話靠攏中國都講得啱。

其實針對娛樂事業,有一個說法,但個人唔敢話靠譜,只係聽過呢個說法。就係話一個地區經濟低迷嘅時候,往往娛樂事業就會十分發達,反之亦然。即是話,如果地區經濟由低迷走向復甦嘅話,娛樂事業就會不升反降。

而家好似話香港製造業開始復甦。全球經濟正式復甦之中。唔知兩者有冇關係嘞。

發表於 Posted on: 2018-02-12 14:57

湖海洗我胸襟
帖數 Posts: 5908
回頂端 / Top
每個工種每樣工作都需要培訓及經驗累積,不是一朝一夕就立即出現,人材當然會出走喇,舊嘅唔走新嘅點嚟,仲成日討論人材回歸,人材是必會隨時間而被淘汰,舊思維必需要被淘汰才有新生機,舊的只可作為一種參考改進橋樑,tvb近十數年來何來新的?件件捱足十幾年至攞出來當新人用,楊潮凱張景淳早前只有小弟第一個點出被人浪費吧,而家至肯用,為時已晚,小生都已經變中佬,假如有另一電視台挖角,第一時間就走喇,肥東擺明在tvb沒將來,有機會就走吧,勿再蹉跎歲月,有批演員必是潛質無限的,局限在tvb發展,只死路一條!一級人材乃型男梁烈唯衛志豪李潤庭囉,乜鬼娛樂三兄弟就當寶,仲以為自己好掂,其實觀眾對呢批人已極之反感,肥媽六號已用到絕路喇,仲做?節目制作用人策略必需大刀闊斧作出改革才有機殺出另一片天,優勢係有硬件但不懂利用,軟件就用水貨,想唔死都難!

發表於 Posted on: 2018-02-12 16:37

係咁先
帖數 Posts: 1667
回頂端 / Top
插啲嘢,就來過年嘞。

睇返下啲賀年MV輕鬆下:

https://v.youku.com/v_show/id_XMjc0NjY5NDQ=.html?spm=a2h0k.8191407.0.0&from=s1.8-1-1.2&f=1769495

咁啱明年都係狗年,都幾應景下。

發表於 Posted on: 2018-02-12 17:14

湖海洗我胸襟
帖數 Posts: 5908
回頂端 / Top
導師們,攞番批粵語長片出嚟做教材吧,比d後生仔認識吓以往香港社會景況,當年前輩演出非比尋常,劇本百看不厭,功力無限,現今想睇番都難,不懂運用當年優質產品用作資源培訓,年青富貴一代認為幸福是理所當然,捱一兩通宵比死更難受,IG沒有得騙人的,年青一代現今責任是吃喝玩樂,乜勤奮抵得諗唔怕蝕底之類已蕩然無存,尊師重道更不在話下,只要忠於自己就話之你老幾,睇吓班落選港姐就知,件件貪威識食,勤奮工作咪玩喇,咁麻煩!

發表於 Posted on: 2018-02-12 17:22

係咁先
帖數 Posts: 1667
回頂端 / Top
問題之前的跳槽潮對TVB打擊甚大,已經大大影響了TVB的運作,就好似李添勝的「巾幗3」咁,原定張華標寫,結果張離開公司,搵張個徒弟葉廣蔭去寫,就搞出個大頭佛,公司都七國咁亂,劇集不夠人手寫,新人又唔夠料幫唔到手,啲較為senior的員工已經做到有氣冇地透仲邊有時間閒心去幫手栽培新人? 斷層也冇計,可以點?!

最廢就係呢班新膠層,仲走去引入班叛將加以重用,D舊人點會有不難受的道理?唔心淡就假,結果所謂的換新血就變成換左啲「瘀血」返嚟,台前係咁幕後又係咁,所以我也鼓勵D有料嘅,真係有好路數,不妨出去創下搏下,等TVB班膠層自己受下都好嘛!

用粵語長片做教材當然冇問題,有問題係班後生,會嫌你老土呢。根本環境變了,人的質素也變了,自己競爭力不夠還自以為是,受不起打磨就一味只想走捷徑靠關係上位,有料的就被埋沒被投閒置散,TVB有乜理由不沒落,呢D咪叫做自作孽不可活囉~!

發表於 Posted on: 2018-02-12 18:14

Toy claw 公仔機
帖數 Posts: 2728
回頂端 / Top
搵D舊新聞幫大家喚番D舊記憶,可想而知班TVB膠層有幾咁不近人情.....

......................

TVB被李澤楷王維基挖空 幕後製作人員集體跳槽
http://news.sina.com 2011年09月22日 17:30 鳳凰衛視
  信息時報9月23日報道 香港TVB年初股權變動後,繼花旦小生逃亡潮,又輪到幕後製作人員集體跳槽,轉投到王維基和李澤楷創辦的兩家電視台。“電訊魔童”王維基創辦的城市電訊,以及“小小超”李澤楷旗下的電訊盈科,搶在免費電視牌照發放之前,分秒必爭招兵買馬,務求挖走無線精英,鞏固自身勢力,好應對明年一觸即發的電視大戰。王維基計劃以高一倍的人工挖走TVB150人;李澤楷早前亦以加薪最多一倍半,成功搶走TVB綜藝科約30名幕後精英,邵逸夫方逸華的百億電視王國面臨被掏空。

  無線急救揚言加工資

  面對大批人馬被兩大機構挖走,TVB高層擔心人心不穩,連日開會商討應對措施。昨日,製作資源部總監樂易玲和戲劇總監曾麗珍表示,TVB會加工資,也會體諒員工辛勞。一方面重申TVB40年電視王國有良好發展前景,另一方面強調願意跟員工溝通對話,希望能留住人心。而外事部副總監曾醒明在接受信息時報採訪時,承認如今的工作量比過去大了很多,工作壓力也隨之上升。“拿宣傳來說,現在也比以前辛苦,做更多的事。但這是因為公司運營環境的改變,我們理解很多幕後人員的工作負荷。”他表示,TVB將會在明年1月前重新審視員工的資歷及工作狀況,爭取在那之前向公司爭取加薪。有報道稱,即便是加薪,幅度也在50%左右,比起競爭對手100%的加幅,可謂是望塵莫及。

  對於有報道指,TVB高層對員工親疏有別,平日嘴臉也相當難看,讓低下層有冤無路訴,曾醒明則說,不論在哪裏工作都會有不愉快的情況發生,員工可以在每周例會跟上級反映,或者以郵件及書面的方式向公司反映情況,希望員工能夠開誠佈公解決問題。

發表於 Posted on: 2018-02-12 18:26

Toy claw 公仔機
帖數 Posts: 2728
回頂端 / Top
無線沒計劃招人填空缺

  對於戲劇組方面人員流失嚴重,甚至有指會影響到TVB目前正在拍攝的多部劇集,包括陳法拉、郭晉安主演的《東西宮略》,以及鐘嘉欣、馬浚偉主演的《當旺爸爸》等,曾醒明認為數字太誇張,表示截至昨天為止,只收到不超過10人的辭職信。“整個戲劇發展分部有280多人,其中編劇占80多人,其他是非戲劇的資料搜集同編寫員,這次走得比較多的是編劇和資料搜集員。”他承認,TVB台前幕後肯定是其他電視台的挖角對象,但公司早已未雨綢繆,早前開辦的編劇班已培訓十多人,目前正在見習階段。雖然近10人離巢,但曾醒明表示,TVB暫時無計劃要對外招聘,還認為挖角潮對公司運作影響不大,歡迎有新的電視台加入良性競爭。他承認無線前副創作主任張華標去年10月離職,帶來的影響要大於這次的辭職風波,當時近20人跟他一起離職,轉投台灣一家電視台。今年不少編劇過檔“城電”,張華標原本也是王維基的挖角對象,無線早前也想請他回巢,但因新東家輓留,張華標已婉拒王維基好意。

  電視大戰一觸即發

  “電訊魔童”王維基創辦的城市電訊,“小小超”李澤楷旗下的電訊盈科,以及有線電視,在前年開始申請免費電視牌照。香港廣管局已完成審批,商務及經濟發展局最快一個月內提交行政會議拍板。明年香港將增加3間免費電視台,與無線及亞視競爭。

  王維基軍團

  挖走猛將:唐基明

  主戰場:戲劇組的製作和創作兩大部門

  軍團陣容:計劃挖走150人,目前已有50人加盟。(包括編審和編劇30人,監製、導演和助導20人)

  制勝法寶:銀彈攻勢,以一倍以上工資挖角。

  攻佔步驟:

  1.主動逐一致電戲劇部台前幕後,不論身份高低,只求逐個擊破。曾醒明承認無線薪金太低,一般初級編劇人工不足1萬,編審不足2萬。盡管無線今年7月曾經加薪,但幅度最高不超過30%,對於輓留人心作用不大,所以當其他機構高薪挖角,員工都樂意跳槽。

  2.面談議價詢問要求。據悉,王維基禮賢下士求合作,不斷約見無線監製、導演、編審和小生花旦,馬德鐘、佘詩曼、駱應鈞和林保怡等人。

  3.承諾廣闊發展前景。王維基曾表示,城電電視開台後,希望每年自製260小時劇集。據知接觸過的演員明年將為該台拍劇,今年監製無線劇集《怒火街頭》的唐基明也會為該台製作一出新劇,男主角已接觸馬德鐘,預計明年3月開拍。

發表於 Posted on: 2018-02-12 18:27

Toy claw 公仔機
帖數 Posts: 2728
回頂端 / Top
李澤楷軍團

  挖走猛將:何麗全

  主戰場:綜藝組,主要是音樂節目和娛樂節目。

  軍團陣容:綜藝科30人,並計劃挖走跟無線有合約的歌手。

  制勝法寶:大打感情牌,先向熟人下手,還幫忙解決合同問題,一條龍服務。

  攻佔步驟:

  1.無線前綜藝節目製作總監何麗全,3月離開無線電視轉投李澤楷率領的Now電視旗下,擔任電訊盈科電視及新媒體首席總裁及製作部總經理一職。

  2.何麗全過檔後,即以加薪100%至150%以上從舊公司綜藝科挖走資深幕後製作人員約30人。

  3.何麗全頻頻向無線綜藝員及四大唱片公司歌手投橄欖枝,有消息稱,他向挖角對象承諾,如果合約尚未完結,會代賠合約金。

發表於 Posted on: 2018-02-12 18:28

Toy claw 公仔機
帖數 Posts: 2728
回頂端 / Top
最後,只係想講,凡事有因必有果,要人對你忠誠,首先就要睇你自己點樣去對人......

發表於 Posted on: 2018-02-12 18:30

Toy claw 公仔機
帖數 Posts: 2728
回頂端 / Top
培訓就係最基礎做法,公司跟本就沒有從基本做起,以往有五虎,個個出人頭地,威風一時,往後就奧運六星,有成有敗正常不過,再往後呢???就沒有吧,所有好戲演員走得就已經走,死得就已死吧,沒計劃培訓接班,何有進步空間?不停接收舊部可以話係互惠態度,但舊部得益必大過tvb,公司算盤明顯打錯了,舊部不停在外唱衰tvb,司棋姐夏雨哥在無記(viu嗰個)頒獎禮上台明剃公司眼眉的,公司以往行政手法是會永不錄用,將其黑名單,而家竟要做契弟揾番人地拍劇,垃圾到咁程度仲唔認輸都唔得喇!

發表於 Posted on: 2018-02-12 18:40

係咁先
帖數 Posts: 1667
回頂端 / Top
咁係啊,TVB的確係對啲員工唔夠尊重。學阿姐話齋,真係應該薪金多啲啲,山頭文化少啲啲。

發表於 Posted on: 2018-02-12 18:51

湖海洗我胸襟
帖數 Posts: 5908
回頂端 / Top
公仔哥冇謂揶揄我吧,管理層點會理我呢d魚毛蝦仔講乜,廢話一篇算吧,某部份年青一代說話真冇天裝不近人情,巴士意外後竟對一位前輩說,好彩我從來不搭巴士,有錢真係大晒嗎!

發表於 Posted on: 2018-02-12 20:00

係咁先
帖數 Posts: 1667
回頂端 / Top