tvb.com

 
 
tvb.com
 

小生慌

馬明被利用及出賣咪樣辦囉,耕耘十七年人脈關係唔夠就必定被做炮灰,只是幫別人抬轎成就他人,舊年小弟已多次預視浩信係贏梗,年頭到年尾高層已部署一切,只有我一個在討論區強調馬明是輸梗的,商業機構點會講民意,一年比一年利潤下降,睇業績就知道一切,盲目吹捧藝人結果只係三輸局面,地產覇主成功不是單靠幸運的,預視清晰眼光獨到咪成功之道!

發表於 Posted on: 2018-02-14 1:57

係咁先
帖數 Posts: 1674
回頂端 / Top
講真,其實我覺得TVB係有啲睇細咗自己頒獎禮嘅份量。

如果單純就TVB嚟講,頒獎禮只不過係一個公司年會咁上下,個視帝份量輕到冇人有。咁樣搞傑出員工,搞豬肉獎咩問題都冇喇。就算今年你頒畀浩信馬明都冇所謂。

但問題就在,如果TVB只係TVB咁簡單,以上嘅問題根本唔會成為問題。問題就在TVB唔係僅僅係TVB。

講返段歷史。1970s嗰陣,TVB仲係利氏嘅企業嗰時,喺同為利氏旗下嘅利舞台舉辦咗第一屆港姐。如果TVB只係TVB嘅話,呢一屆香港小姐只不過係TVB自己嘅美女選拔賽。

但係當年TVB嘅港姐就代表咗香港,甚至話代表咗東方嘅審美觀。所以先會有全球聚焦。TVB嘅視帝實際上份量要比影帝要重。

但係而家TVB只係將自己嘅視帝睇成傑出員工獎,所以變成咗咁仆嘅嘢。

發表於 Posted on: 2018-02-14 2:36

湖海洗我胸襟
帖數 Posts: 5916
回頂端 / Top
慣性收視呢個tvb固有名詞明顯已逐漸被打破,光輝歲月一台獨大仲可維持十多廿十年呢個觀點絕對有所保留,只可說是或有可能,現今所謂統計數字可信性自覺已不可跟往昔同日而語,水份可能極高的,商業機構廢物回收循環再造環保意識極高,響應政府不斷聘用中老年僱員,只可惜無間斷污染螢幕,向觀眾製造虛擬幻象,VR科技大派用場吧!

發表於 Posted on: 2018-02-14 2:48

係咁先
帖數 Posts: 1674
回頂端 / Top
記得當年讀書時候老師講過嘅一個真實嘅商業故事,就係百事可樂(Pepsi Cola)係點樣因為可口可樂嘅一個決策失誤導致。

當年百事可樂新崛起,搞咗個試飲等等好多嘢。然後可口可樂亂晒陣腳,跟住推出咗一種新口味嘅可樂以競爭,然後做咗個市場調查,市場反應係新口味嘅可樂要比原來口味嘅好。於是可口可樂公司決定全面推出新可樂,停用舊嘅生產線。

結果數以百萬計嘅投訴蜂擁而來,而原來可口可樂公司嘅嘢已經成為咗美國嘅文化象徵。其實而家嘅TVB感覺就好似當年嘅可口可樂公司咁,以為TVB只係TVB,所以有星馬頒獎禮呢啲豬肉獎,頒獎禮就造馬,頒畀自己喜歡嘅員工就算。

但其實卻已經係香港嘅一個文化象徵。所以話TVB其實主要問題係睇錯咗自己嘅position。所以導致咁多問題。

發表於 Posted on: 2018-02-14 2:49

湖海洗我胸襟
帖數 Posts: 5916
回頂端 / Top
我都記得KC以前做過主角,不過唔知點的,之後一直做綠葉(在維基紀律,佢起碼擔過三套劇的第一男主角,應該係迴響不好彈唔起吧)。佢身手的確幾好,佢的陶總管亦幾深入民心, 呢D或者就係不同人不同際遇吧,依家呢個年紀可以再度紅起來也很不錯,有云牡丹雖好也需要綠葉扶持,咪睇少TVB的綠葉,很多在國內都有市有價吃香得很的,苑瓊丹就係最好例子....

https://zh.m.wikipedia.org/zh-hant/歐瑞偉

發表於 Posted on: 2018-02-14 6:56

Toy claw 公仔機
帖數 Posts: 2730
回頂端 / Top
可能佢地(藝人們)覺得拍拖係他們的自由吧,班後生最鍾意就係搬「人權」出嚟講,但娛樂圈本來就有娛樂圈的規則,就算美日韓都好,不倫戀等一般會引起社會一片譁然,在亞洲影壇基本上會被判死,好似九把刀咁,紅左拋棄拍拖十年的女友劈腿周亭羽即被封為世紀渣男,人氣急轉直下;小室哲哉亦要為偷食護士公開道歉宣佈退引。主要因為藝人係role model, 言行舉止都會受到矚目,觀眾對他們會有一定幻想(除非本身係靠「壞」的形象跑出),一旦幻想破滅,就只剩下討厭,翻不了身。不過TVB依家班食塞米膠層卻不理會咁多,完全懶理形象建設,只要係自己心頭好,還可以主持照做,劇集照拍,形象差一樣照谷照捧,根本完全失晒分寸~!不過有三晶喺度,cheap都可以係皇道,又洗乜驚呢。

................

何廣沛形象比較乾淨健康,點知又推朱晨麗出嚟同佢制造緋聞,搞死佢至安樂乎?朱晨麗當佢臭四喇,無財無勢會揀佢?咪玩野喇,朱小姐,累死個後生仔呀!

發表於 Posted on: 2018-02-14 7:43

Toy claw 公仔機
帖數 Posts: 2730
回頂端 / Top
湖海兄呢次講得有point, 不過就咁,佢地唔係唔知道視帝和港姐這些獎項在香港人心目中的地位和份量,只不過佢地的思維太過狹窄,諗住用D負面輿論去炒熱,用了經營細台手法去經營大台。 就好似報紙咁,都有分大報,網報和小報(tabloid), 陳博士的作法就係請了小報的老編去head大報,整體形象,當然亦會變得小報化了,不登大雅之堂,咪愚昧囉。

發表於 Posted on: 2018-02-14 8:01

Toy claw 公仔機
帖數 Posts: 2730
回頂端 / Top
盲嘅都睇到大台部署成年都為咗谷紅王浩信啦,但估吾到為捧一個咁嘅人佢竟然利用其他演員嚟炒熱個頒獎禮去制造煙幕,不惜一切落重注喺一個形象咁差嘅人身上而令到咁多人失望同憤怒值吾值得啫……

發表於 Posted on: 2018-02-14 8:37

cakatg
帖數 Posts: 1097
回頂端 / Top
阿田舊年有四五套劇上,因為話想拎長假,結果連五強都不入......呢D咁嘅頒獎,配角急升變主角,真係笑大人個口! TVB點解畀到人一個「冇人才」的假象? 咪就係自己一手做成囉~! 堂堂一間廿一世紀的上市公司,當成家族生意經營,仲皇親國戚,靠介紹入職,靠關係上位,有乜理由唔倒退......

發表於 Posted on: 2018-02-14 9:04

Toy claw 公仔機
帖數 Posts: 2730
回頂端 / Top
50金禧年都竟然求其成咁,造馬造到令人忍無可忍,無線冇曬公信力架喇,以後所有頒獎大台自已玩曬佢,取消投票吧!,2018年就歆點袁偉豪同蔡思貝視帝視後,或信號冧莊二封,狄狄仔男喜,高層們皆大歡喜……

發表於 Posted on: 2018-02-14 9:31

cakatg
帖數 Posts: 1097
回頂端 / Top
之前在這討論區亦指出過,請外援捧自己人係徒勞無功之計,結果又再次印證了,把我的隨口嗡化為秘笈(事實),哈!

杜生高調邀宣萱返嚟拍劇,臨門卻狠狠伸人一腳,用完即棄,真係當人係乜?
證明佢真係好努力好努力....想盡辦法.....去糟蹋自己公司的企業形象,杜生係得嘅!!!!!

發表於 Posted on: 2018-02-14 10:01

Toy claw 公仔機
帖數 Posts: 2730
回頂端 / Top
原來杜×克是被派入大台的二五仔,他正在一步一步令無記走上滅亡之路,哈哈……
尊重外援?宣萱其一,還有請撈家回來拍劇,给他什麽配搭,簡直就是侮辱!
剛見到有網民說:收視+口碑+熱度+人氣都敵不過有通稿,通稿的威力能蓋過所有數據……現在事實擺在目前就是這樣!

發表於 Posted on: 2018-02-14 10:35

coogt5026
帖數 Posts: 967
回頂端 / Top
哈,一定係,除非唔係......

發表於 Posted on: 2018-02-14 10:51

Toy claw 公仔機
帖數 Posts: 2730
回頂端 / Top
用細公司管理大公司嘅問題就係咁。細公司普遍係家庭式經營,因為來來去去幾丁人,所以獎項啊咩嗰啲嘢咪求其作算。

不過話時話,蔡思貝算係比較值得捧嘅人之一,朱晨麗係要被打造成新版陳法拉。不過當年陳法拉上位都有好多人詬病架喇。蔡思貝佢都係翻版,不過佢翻版嗰個要比陳法拉勁咗多少,係翻版中森明菜,佢同中森明菜差唔多一個樣,唔知係蔡思貝有意整成佢咁嘅樣定係天生真係咁。

發表於 Posted on: 2018-02-14 10:54

湖海洗我胸襟
帖數 Posts: 5916
回頂端 / Top
『朱小姐,累死個後生仔呀!』
-------------------------------------------------------------------
哼﹑其實落選港姐單文柔何其唔係﹐一般落選的一般沒有什麼幕前演技天份同努力無關﹐咁咪睇準時機主動話做人地的時裝顧問其實趁機接近﹐利用展鵬人氣﹐繼而取得觀眾目光注意度。其實當初蘋果報導一出展鵬人氣的確有受過影響﹐係同盟幫左佢以及佢自己不停鏡頭前聰明留有餘地既說法。

發表於 Posted on: 2018-02-14 11:36

JessicaTvb
帖數 Posts: 850
回頂端 / Top
都已過適婚年齡,陳展鹏就算不和單文柔也會和其他人,不要執著他和誰一起,重要是他們一起開心就夠,娶妻求淑女,單小姐還是不錯的,祝福他們吧!

發表於 Posted on: 2018-02-14 12:25

hin227
帖數 Posts: 1034
回頂端 / Top
中森明菜個樣:https://rr.img.naver.jp/mig?src=http%3A%2F%2Fimgcc.naver.jp%2Fkaze%2Fmission%2FUSER%2F20161224%2F71%2F7306501%2F41%2F250x250x1e1688d0547cea7634d56bda.jpg%2F300%2F600&twidth=300&theight=600&qlt=80&res_format=jpg&op=r

https://iwiz-chie.c.yimg.jp/im_siggcIhZ6vXbyFAYCjOokZOmuQ---x320-y320-exp5m-n1/d/iwiz-chie/que-13155334798

兩個人好似樣,但論年紀,中森可以做佢阿媽。

發表於 Posted on: 2018-02-14 13:09

湖海洗我胸襟
帖數 Posts: 5916
回頂端 / Top
90後都應該冇乜人會識中森明菜啦,唔通湖海兄審美眼光還同你爸爸的年代一樣?XD 其實蔡思達本身有自己的特色,又夠青春逼人,公司除了栽培,更應該要好好「指引」佢,盡量建立好個形象先至係最重要!

發表於 Posted on: 2018-02-14 13:25

Toy claw 公仔機
帖數 Posts: 2730
回頂端 / Top
至於朱晨麗,形象又點比得上法拉,差得遠囉.....

發表於 Posted on: 2018-02-14 13:37

Toy claw 公仔機
帖數 Posts: 2730
回頂端 / Top
90後都應該冇乜人會識中森明菜啦,唔通湖海兄審美眼光還同你爸爸的年代一樣?XD 其實蔡思達本身有自己的特色,又夠青春逼人,公司除了栽培,更應該要好好「指引」佢,盡量建立好個形象先至係最重要!
=================================
重點問題係我唔係90後,係80後呢。

發表於 Posted on: 2018-02-14 14:44

湖海洗我胸襟
帖數 Posts: 5916
回頂端 / Top
不過蔡思貝之前都覺得算佢幾靚,但及唔上Ali呢啲。哈哈。

發表於 Posted on: 2018-02-14 14:46

湖海洗我胸襟
帖數 Posts: 5916
回頂端 / Top
都係各花入各眼,所以就各有各支持者 。一向都認為蔡思貝樣子清秀,稱得上明眸皓齒,正如楼上網友所講佢青春逼人,呢D就係佢嘅本錢!
好似有D人唔算靚仔靚女,但有個人魅力做戲有味道咁咪會多中意囉!有D靚得嚟又比人一種膚淺嘅感覺,所以審美眼光真係好個人嘅……

發表於 Posted on: 2018-02-14 15:32

coogt5026
帖數 Posts: 967
回頂端 / Top
其實單文柔有乜問題? 話佢高調, 咁黃心穎仲高調N倍馬明事業有無影響? 袁偉豪呢PAIR咪又高調有無影響?

一來當初男方話只係話形象顧問普通朋友, 轉頭就壹仔封面一齊行IKEA, 已經被人覺得講大話唔大方, 咁關個女仔乜事?

二來有無見前面講嗰兩PAIR人, 女仔微博IG俾人洗版咁鬧? 可能未必全係鵬粉所為, 但俾傳媒加鹽加醋, 外人就以為陳生班粉咁"狼黎", 咪又入哂男方數

發表於 Posted on: 2018-02-14 17:40

nickkl
帖數 Posts: 31
回頂端 / Top
盤古初開,娛圈拍拖新聞確是仕途死穴,全數低調進行的,高調的除非可開花結果,尚有生機,假如不斷斷纜,不停尋找新伴侶作為娛樂一部份,就認真要祝佢好運,有人不斷說拍拖乃正常不過行為,娛樂圈規則咁都唔識,就咪扮正義,藝人形象乃致勝條件之一,唔係娛圈工作人士話之你晚晚換情人,關人鬼事,試吓揾個一線男星不停換畫的,睇吓佢星途如何?袁偉豪再有差池就必完蛋吧,尤其新一代演員未學行先學走,前途就此玩完了!

發表於 Posted on: 2018-02-14 18:45

係咁先
帖數 Posts: 1674
回頂端 / Top
你班幕後打手,明明已經出post五分鐘後就立即被刪除!不如取消討論區喇,打壓文字言論,呢度係XX咩,要否先寫悔過書至可再發表言論?最多咪唔再寫囉,咁少氣!

發表於 Posted on: 2018-02-14 20:41

係咁先
帖數 Posts: 1674
回頂端 / Top