tvb.com

 
 
tvb.com
 

小生慌

請到樓主你係TVB福分呀~! 起碼你係真心畀意見想TVB好,就唔似得D私心重膠層,自己上位之後就不避嫌去推自己老公上位,家陣家族生意乎?駛唔駛嗌埋堂哥表弟姨媽姑家入嚟佔多席啊?在公司七國咁亂被外敵圍攻的時候,沒有出過半點力,沒有大的貢獻就平步青雲,真係天理何在? 陳博士請著D咁嘅人做膠層就不難明白他點解沒有傳媒命,一涉足傳媒業,定必損手爛腳......

發表於 Posted on: 2018-02-12 20:29

Toy claw 公仔機
帖數 Posts: 2730
回頂端 / Top
有心改革的,就必需重新打做,節目編排重新定位吧,綜藝節目邊個受歡迎就唔怕再做,好似鼎爺咁兩輯就應收起,肥媽拍幾輯都睇到厭喇,不停dddd,收工吧,演員部應揾專責部門做觀眾喜好調查喇,套套翠如展鵬乜都死喇,試吓假如套套發哥偉仔華仔,睇吓觀眾反應會點?定必反感的,物以稀為貴呀,過濾吓喇,政府打造創新科技,電視台就不斷懷舊,應留就棄,應棄就留,次次麥美欣六號,比觀眾抖吓氣喇,大佬,成日將焦點集中在一星期嗰五晚劇集,20:30到22:30為何定必要不斷播劇,而家無人會再晚晚坐定定等睇劇喇,仲係7,80年代咩,上網煲劇好過喇,被告人四日就已經全套睇晒,過癮到爆炸,一星期播一集嘅日劇,有追看性反之吸引,好似doctor X咁個個星期會追看,吸晴非常,踩過界策略絕對成功的,可惜比內地一早播晒,擺晒上網,咪敗家囉!給別人先行仲要跟人尾,搞乜呀,博士!等摺乎??

發表於 Posted on: 2018-02-12 22:45

係咁先
帖數 Posts: 1674
回頂端 / Top
而家仲怪d高層做乜,俗語話擒賊先擒王,當年六叔六嬸打理得頭頭是道,獎罰分明,揀人眼光明顯獨到, 禮義週週,六嬸鬧人笑住嚟鬧高層次的, 欽點演員得就繼續用唔得就飛,態度正確,博士未夠頂班,黑口黑面就獲尊重嗎? 用人唯親,富豪級人物李生對基層員工極有禮貌,竟主動叫我地早晨,心感温暖!而家…………,唉!

發表於 Posted on: 2018-02-13 1:02

係咁先
帖數 Posts: 1674
回頂端 / Top
睇咗上邊的信息明曬明得好緊要!
但大惑不解、唔明點解,既然李澤楷何麗全挖走咁多無線幕後幕前員工,理應其它電視台嘅節目有別於TVB? 但每天從綱上見到D節目類型啊、模式啊又係一鬼樣? 並無睇到小小超既然咁有錢亦搞唔出什麼新嘢??

發表於 Posted on: 2018-02-13 4:30

JessicaTvb
帖數 Posts: 850
回頂端 / Top
OK,我明有機會應該走勿再蹉跎歲月,但留心到過去十年離開咗既一D一線小生花旦、港姐、有口碑綠葉在外打拼,都只係得短時間既機會? 比如 張可宜林保儀馬德鐘康華吳啟華鄧x文楊儀陳慧珊; 佢地當中有人要搞生意、中文大學進修或者轉行教書,0k 好似樂童咁而家又係只能去重開嘅ATV亞洲電視,大家有目共睹個邊D節目又係炒冷飯或改個名同東張西望差唔多?

發表於 Posted on: 2018-02-13 4:31

JessicaTvb
帖數 Posts: 850
回頂端 / Top
講真香港觀眾有幾多咁得閒喺討論區打躉吹水畀意見的?看來都係班海外觀眾或班退休人仕可能對昔日TVB仲有些少情意結和關注才有閒情上網google資料作分析討論居多。

其實現今TVB搞成咁個問題癥結原因都好明顯,樓主根本在第一頁已一語道破,中間咁多頁大家亦只是不斷重覆在插已發生的事實而巳。要鬧就鬧最大粒嗰個昏君管理不善縱容下屬胡作妄為吧。殼王唔同六叔,目光短視,根本無心致力發展本地影視行業,甚麽培訓培育人才計劃?十年樹木太費時失事了便把老將回收循環再用。創新咁冒險便狂loop翻炒舊橋。點去與時並進呢又?黑面老闆根本懶理員工有冇歸屬感毫無人情味,處事態度手法賞罰不公亦實難服眾。

很難得樓主唔係齋鬧亦有建設性提議,可惜管理層除了沒有廣納賢才之能亦無納諫之德。
講真,現今新亞視ViuTV等對手實在太弱未能構成威脅,相信TVB未來方向發展方針亦不會有突破。 網民再插多一百頁都係嘥氣。

發表於 Posted on: 2018-02-13 8:04

廣角鏡
帖數 Posts: 519
回頂端 / Top
樓主有朋友或親人在TVB打過工?我公司的外國人CEO每個早上經過office都會大大聲同staff講good morning, 啲staff對他的尊重也是由心發出,覺得呢D都係一種管理智慧。

D人喜歡去日本shopping主要係享受那種服務態度。記得一次遇著某百貨公司開門,見到D員工排開一列對迎門而入的客人鞠躬講「歡迎光臨」真係印象深刻。日本人一般亦講究禮儀,很少會態度惡劣相向。

其實情緒是會互相影響的,香港的前線壓力很大,又成日遇到D態度惡劣的客人,若大家都燥底,就好容易產生衝撞。如果做客的可以態度好DD多點體諒少點無理要求,前線工作者感受到別人對自己的appreciation, 相信服務心態也會截然不同。

..................

而家仲怪d高層做乜,俗語話擒賊先擒王,當年六叔六嬸打理得頭頭是道,獎罰分明,揀人眼光明顯獨到, 禮義週週,六嬸鬧人笑住嚟鬧高層次的, 欽點演員得就繼續用唔得就飛,態度正確,博士未夠頂班,黑口黑面就獲尊重嗎? 用人唯親,富豪級人物李生對基層員工極有禮貌,竟主動叫我地早晨,心感温暖!而家…………,唉!

發表於 Posted on: 2018-02-13 8:15

Toy claw 公仔機
帖數 Posts: 2730
回頂端 / Top
就好似TVB咁,敵對方不斷用銀彈進攻,真係有幾多個人招架得住?人望高處,你走唔怪得你,但也沒有必要為討好新東家去踩自己的舊公司舊同事啫?!踩得咁盡仲有面返去嗰下真係夠晒厚顏無恥囉.....

你諗下,人地出double, 還有一班員工不為金錢誘惑所動,甘願在咁惡劣環境挨批同公司共進退,證明人間也不乏有情誼之人,樓主講得最中point就係陳博士根本欠缺呢方面的管理智慧,獎罰不分明,不懂人情世故,呢點真係陳博士的一個大失敗。

發表於 Posted on: 2018-02-13 8:31

Toy claw 公仔機
帖數 Posts: 2730
回頂端 / Top
所以我咪講囉,來來去去都同一班人,又點會有什麼新驚喜?你估小小超和危機王真係貪佢地的「才華」,旨在花錢打擊TVB而已。講真,綜藝節目係完完全全靠主持的功力,台灣的綜藝就比香港優勝,他們討論的內容千奇百怪極具心思,主持控制氣氛手法一流,我試過睇到流眼淚。

.............
睇咗上邊的信息明曬明得好緊要!
但大惑不解、唔明點解,既然李澤楷何麗全挖走咁多無線幕後幕前員工,理應其它電視台嘅節目有別於TVB? 但每天從綱上見到D節目類型啊、模式啊又係一鬼樣? 並無睇到小小超既然咁有錢亦搞唔出什麼新嘢??

發表於 Posted on: 2018-02-13 8:43

Toy claw 公仔機
帖數 Posts: 2730
回頂端 / Top
13號零晨時分,又唔知發生什麼事,不能一次性發表回應,迫於無奈分開發佈,結果最後一段也不能成功發出。 哼、

發表於 Posted on: 2018-02-13 8:58

JessicaTvb
帖數 Posts: 850
回頂端 / Top
會員朋友廣兄未免太武斷,一般海外華人同香港人的生活差不多緊張,雖然工時比香港正常八小時,但早晚花在路上的時間加起來簡直可以找份臨時工作賺錢。討論區打躉吹水畀意見做法同FB差不多對吧? 請問明白個中的享受或情緒發洩的感受嗎?就正因爲職場上的壓力需要找出路。
「人類社會都需要共同話題」

發表於 Posted on: 2018-02-13 9:27

JessicaTvb
帖數 Posts: 850
回頂端 / Top
@Jessica,可能亦算是武斷嘅,我之所以作出如此推論純粹是在這裡觀察所得。
在這主題裡經常發言的幾位會員,如樓主和湖海洗我胸襟皆為(半)/退休人士,而其他人看來都是海外觀眾居多數。反而這些與昔日TVB同長大有些經歷的觀眾看著那變遷尚懂珍惜亦有更多的感慨。相比香港的觀眾特別是年青的一群,多以行動說話,那有心思或時間同你在TVB討論區語重心長苦口婆心的作出提議檢討勸諭?

難得TVB仍有有心觀眾群如樓主咁肯一針見血反映意見和作出有建設性的提議,但現在的膠層是否肯廣納意見順應民意作出改變呢?從最近的頒獎禮,劇集節目的安排,重用的藝員,未來製作的方針路向....等等事項已證明了........「意見接受,態度照舊」。講多無謂,仲唔心淡咩?

發表於 Posted on: 2018-02-13 10:37

廣角鏡
帖數 Posts: 519
回頂端 / Top
廣兄講錯咗一點,就係我唔係咩半退休人士,我係以前做過投資公司,而家出嚟單幹賺錢啫,屬於所謂嘅粉領一族,或者Soho族,所以先相對清閒少少,畢竟唔駛對住老細朝見口晚見面受老闆氣啫。

發表於 Posted on: 2018-02-13 13:13

湖海洗我胸襟
帖數 Posts: 5916
回頂端 / Top
失覺失覺。原來楚兄係Soho族。不如咁講喇,係度打躉嘅都係一班有心又肯花時間的資深觀眾。好似Jessica所講的,職場壓力其實邊度都有,若能搵到個適合自己的地方讓情緒有發洩的出路又可享受下吹水之樂也未嘗不可。

發表於 Posted on: 2018-02-13 14:02

廣角鏡
帖數 Posts: 519
回頂端 / Top
記得嗰時候化解職場壓力嘅方法之一就係喺騰訊QQ嗰度立個group,然後拉晒啲員工入去,喺入面鬧老細。但當然,現實上我地都知道老細對我地仲係比較好嘅,之不過純粹為咗減壓。於是咪喺個group度鬧老細。

發表於 Posted on: 2018-02-13 18:39

湖海洗我胸襟
帖數 Posts: 5916
回頂端 / Top
現今社會上忠心員工已絕無僅有,城市變化人均質素不斷把水平拉低,一班對公司有建樹而看不到將來嘅員工,默默耕耘要接受低回報率嘅工作,部份稱之為綠葉演員,受盡欺壓從沒機會發揮內在潛能,愛回家呢種節目就可被創造為綠葉訓練場,一批新舊演員亦創造了可塑性形象,大小姐歐瑞偉被炮製出突破演繹,已多次提及唔試就必然死路一條,試過成功就可創造雙贏局面,許家傑而家觀眾只記得佢係送水輝,見好就應該食住條水繼續去馬,多名演員個勢一起就被公司立即剎停,又將班有線幫搬出場,想唔死都難,藝人形象是做娛樂圈首要條件,不斷推d藝人公開拍拖博宣傳,對於置佢於死地, 樂此不疲運用呢招,自招滅亡吧!

發表於 Posted on: 2018-02-13 20:37

係咁先
帖數 Posts: 1674
回頂端 / Top
有批人成日批評網民只懂網上打飛機毫無建樹,上層真係唔懂分析那些是建設性提議,那些是惡意批評嗎?你有你講佢有佢做,咁咪繼續不停懷舊,翻炒囉,公司要死你唔比咩,晚晚只懂宣傳誇平台收視,可想而知內部混亂情況何等嚴峻,爆破性製作嚴重失缺,破壞性創造就不斷來臨!

發表於 Posted on: 2018-02-13 20:59

係咁先
帖數 Posts: 1674
回頂端 / Top
何廣沛形象比較乾淨健康,點知又推朱晨麗出嚟同佢制造緋聞,搞死佢至安樂乎?朱晨麗當佢臭四喇,無財無勢會揀佢?咪玩野喇,朱小姐,累死個後生仔呀!

發表於 Posted on: 2018-02-13 21:08

係咁先
帖數 Posts: 1674
回頂端 / Top
意見接受,態度照舊
============================
大公司病,係咁架喇,睇開啲喇。目前預測係至少喺可以預見嘅10-20年內,如無意外應該都仲係一台獨大。

發表於 Posted on: 2018-02-13 21:50

湖海洗我胸襟
帖數 Posts: 5916
回頂端 / Top
一班默默耕耘的綠葉真係十年都難逢一潤,難得捱左咁耐有運到遇到個突出的角色意外彈了出來,但咁又點?公司唔識打蛇隨棍上去製造雙贏局面,讓大好機會白白溜走,只因佢地不在力捧名單上嘛,你估你係狄狄仔朱晨麗咩?膠層根本完全漠視民意更不懂變通執生。

馬明都話仲有機會,但何遠東,送水輝,大小姐,KC呢?亞東,大小姐佢地仲有下次的提名機會嗎?結果大小姐又做番個無名的村姑甲,亞東又會繼續做某人的肥細佬乙囉。佢地嘅演藝生涯可能最燦爛就是這刻,可惜是一閃即逝!

發表於 Posted on: 2018-02-13 22:26

廣角鏡
帖數 Posts: 519
回頂端 / Top
確實,其實一直都唔覺得小生或者花旦荒,反而綠葉嗰方面要比較荒啲。

發表於 Posted on: 2018-02-13 22:49

湖海洗我胸襟
帖數 Posts: 5916
回頂端 / Top
不過幕前嘅荒尚算好解決,難嘅係幕後荒,幕後荒先大劑。

發表於 Posted on: 2018-02-13 22:50

湖海洗我胸襟
帖數 Posts: 5916
回頂端 / Top
馬明都話仲有機會,但何遠東,送水輝,大小姐,KC呢?亞東,大小姐佢地仲有下次的提名機會嗎?結果大小姐又做番個無名的村姑甲,亞東又會繼續做某人的肥細佬乙囉。佢地嘅演藝生涯可能最燦爛就是這刻,可惜是一閃即逝!
================================================
類似嘅嘢李國麟晨早講過,好似話唔知咩時候李國麟接受採訪話馬明點點,有冇覺得唔抵之類嘅說話,李國麟嘅話就係係都係戥自己唔抵先。遊戲規則擺咗喺嗰處,跟嘅就有主角做,甚至視帝都有得你攞,唔跟咪冇得攞囉。

馬蹄露最光輝嗰陣咪《真情》嗰陣囉。TVB仲額外喺頒獎典禮增添最厭惡角色大獎。然後成為甘草之類。

正式話頭,即使俾你今日攞咗個最佳男主角視帝又如何,到年紀大咗又咪一樣要轉型成為甘草。綠葉升呢之後又係甘草,難聽啲講句叫做“他朝君體也相同”。不過至於你話嘅KC歐瑞偉,其實佢當年都受TVB捧。好似話係銀河七星之一員,係做男主角㗎,但點講呢,紅唔起。唔係話TVB冇捧過佢。吳卓羲嗰啲又係,你估冇捧過佢咩,但係紅唔起。

KC算係第二春,但年紀已經大咗,年紀啱嘅時候TVB捧過但紅唔起,而家年紀大咗先來第二春……

發表於 Posted on: 2018-02-13 23:29

湖海洗我胸襟
帖數 Posts: 5916
回頂端 / Top
證明一樣野唔係力谷就會紅,劇本角色配合發揮至係皇道,試吓力谷送水輝睇吓點,包保趴街,某部份演員唔係力谷就得,祥仔一個柴九角色就爆紅,之前拍乜都死,以往發仔咪票房毒藥,一個mark哥就發左達吧,假如叫吳業坤拍英雄本色睇吓結果會如何?某些事情絕對可預視的!

發表於 Posted on: 2018-02-14 1:26

係咁先
帖數 Posts: 1674
回頂端 / Top
捉到鹿唔識脫角咪呢d囉

發表於 Posted on: 2018-02-14 1:30

係咁先
帖數 Posts: 1674
回頂端 / Top