tvb.com

 
 
tvb.com
 

王晶作品好睇之作!

咁馮x鳳可能係誰人?
咁賀加俊可能係邊個?拍拍下瞓覺…
昆叔講個"拍嚟拍去四個女角,四十歲人仲梳孖辨,係時候比新人機會",四個女角即係?

發表於 Posted on: 2019-01-26 11:16

睇下點
帖數 Posts: 179
回頂端 / Top
回想以前在戲院看電影真是趣味盎然,
(當年看電影是件很隆重的事,容後再談)
在80年代之前有早場公餘場,
早場在早上10:30 (多數是很陳舊的粤語片偶爾也有日本和台灣片)
公餘場在下午5:30 (大多數是很陳舊的外語片)
在最早期前座兩毫子,中座四毫子,後座七毫子,樓座壹元
到70年代初前座兩元,取消中座全都是後座五元
正場當然不是這個價錢喇。
那個年代戲院在商業市場自動分成三個大派別(台灣片和左派片屬捱打弱勢),可以説三强分立三雄爭霸局面,就是粤語片~早期就是任劍輝,白雪仙,余麗珍,曹達華,于素秋,到中期就是陳寶珠,蕭芳芳雄霸粤語片影壇時代。
邵氏有自己院線專放映自己出品的電影。(冇有怕,頂得住)
外語片俗稱西片,這三大分流,點解會咁樣嘅,原來是觀眾自己同自己分流,原因就是....往事只能回味,戲院逸事影迷趣事待續再談!
言歸本劇第十集,今集真係笑到肚痛,吳業坤飾演這個墨基演得很活潑可愛,將原本的麥基用風趣手法來呈現真的有神來之筆是本劇的開心果表演得很特出非常好!
鄭則仕演技再上高峰在本劇有多種演繹手法。
明珠,芬芳,小燕的角色形象設計師值得一讚,設計得很惹笑生動而三位也演得中規中矩,明珠演出純真而帶穏重的性格的風韻,小燕演得很惹笑生動與墨基共同令本劇娛樂性生色不少,尤其是芬芳演得真有幾分似年輕版的蕭芳芳的韻味!當然不要忘了李施華的生動喜劇細胞入木三分的演出。
本集懷舊古董看點~大生銀行的支票.#

發表於 Posted on: 2019-01-26 11:52

永亮
帖數 Posts: 3230
回頂端 / Top
不好意思插左你們的隊,
因為我只得壹個電腦,
所以在我用倉頡出帖時不知這段期間的情形。

發表於 Posted on: 2019-01-26 12:12

永亮
帖數 Posts: 3230
回頂端 / Top
印象中彌敦道附近戲院,睇黃飛鴻,好似最後一套99集,成地花生,不過戲院花生特別好味!
大丸隔離邵氏院缐翡翠明珠,睇邵氏武陕片,不過D片大多5賣坐,國語片啩,當然東南亞賣坐。
西片院缐多好多,不過星期尾正場,就算超大戲院,未必買到飛。

番翻嚟,5止大新張支票,D五蚊十蚊紙,真係道具有對白,其實大台商業考慮移廠去深圳,外景先至係香港,可能有着數。
誇世代吳業坤已經露出演員光環,佢不如改行為做,"演員兼歌手"

發表於 Posted on: 2019-01-26 16:01

睇下點
帖數 Posts: 179
回頂端 / Top
搞不清楚劇集的年代背景, 如果是50/60年代, 劇中出現的佈景和年份不對....印象中頭兩集增出現過李小龍電影的畫布, 加上龍四成日唱的那首"矇矓的月, 淡淡的星...."這首歌, 兩者都不是這年代的.... 仲有牛仔褲是那一年才流行的呢.... 大大百貨應該是70年代中期才有的吧

發表於 Posted on: 2019-01-27 21:37

耶魯士
帖數 Posts: 6
回頂端 / Top
佢話60年代啫,又冇確切話係50/60定60/70。從黃樹棠、大勇嗰兩個唔收規嘅警察來睇,應該係比較接近廉政公署成立嘅年代。即60年代後期。

而且免費電視起碼60年代後期啦。

發表於 Posted on: 2019-01-28 14:09

湖海洗我胸襟
帖數 Posts: 5877
回頂端 / Top
我在之前上幾段的討論中曾説過這劇集的懷舊事物還原得很細緻很精美,真的會有很多觀眾朋友在這些細緻位和劇情的發展引發位看得不投入看得不明不白,因為是對那些年代不清楚!因為還原得太精美細緻了!叫好未必會叫座,真替本劇可惜!
首先我嘗試再由頭為大家解析懐舊的景點位也許希望可以幫助大家觀看本劇!
在第壹集的開始以經説出本劇大概發生於何年代了,
大家還記得鄭則仕坐的那輛汽車嗎!
這輛車還原得很精美和很相似的復刻版 ~ 平治250se Coupe
這是在香港60年代至70年代中期的其中的名車,
是大富大貴的家庭才可擁有,在這年代和它出名的還有(勞斯萊斯)(Jaguar 積架)(福特雷鳥)(寳馬)(雪鐵龍)被稱為四門大房車。
是那個年代有身份的名人,大富翁家庭喜愛用的名牌車。
而且大家還記得有場戲小燕爬水渠落街食宵夜身上只得五毫子去食雲呑麵,在香港1950年至1965年左右~小碗雲呑麵即細湧賣三毫子,中湧賣五毫子,大湧賣七毫子。(順帶提示正確用語應寫為細用,中用,大用,是有出處的因不在本話題從畧)
還有在劇中的墨基曾説(你輸咗五千蚊以經可以買半層樓呀)
在香港1950年代至1968年左右九千元至壹萬元左右,可以買六百呎左右的唐樓了,如果供樓花還會更平!
而且龍四常常愛唱着的那句歌 ~ 朦朧的月,暗淡的星
是1969年電影(今天不回家)甄珍的成名作,也是姚蘇蓉主唱的成名歌曲其中的歌詞。所以可以説明本劇起源於60年代。而用真實人物用投影的模擬手法來襯托(荷里活)的劇名(容後有機會再解析再談)
首先來看看副線路李施嬅這條支線,是條線是很重要的助燃劑,
因為她帶領着三個影響60至70年代初的粤語片時代的女演員,我猜測也是本劇精采之處!首先來看看當年真實人物所主演的電影對當年和日後的港產片的重要影響。也有的是在本劇出現過用作為題材的片段。
陳寳珠 ~ (女殺手) (莫負青春)(娘惹之戀)(玉女添丁)(天劍絕刀)(六指琴魔)(彩色青春)
蕭芳芳 ~ (窗)(火燒紅蓮寺)(玉女親情)(飛女正傳)(彩色青春)
薛家燕 ~ (血掌印)(六指琴魔)(飛女正傳)(彩色青春)
以上都是對當年粤語片有很大的影響。
以上的有些和本劇有關聯,有些和牛仔褲興起有影響,也有日後港產片的影響,和當年粉絲團的紛爭,這種種有機會再談.#

發表於 Posted on: 2019-01-28 20:06

永亮
帖數 Posts: 3230
回頂端 / Top
其實我覺得應該仲有幾個人,畢竟影壇七公主暫時知道三個,劉溫馨嘅薛家燕,文凱玲嘅陳寶珠同埋陳雅思嘅蕭芳芳。除非王子涵都係其中一位「公主」。

發表於 Posted on: 2019-01-29 11:40

湖海洗我胸襟
帖數 Posts: 5877
回頂端 / Top
首先來看看本集第 11 集的懷舊事物。
Salvatore Ferragamo 飛甩雞毛 ~ 是很出名意大利鞋設計師的名字。在香港60年代穿這些鞋是身份的象徵,尤其是有錢人和明星很愛用的名牌,和當時的山打皮鞋不相伯仲。
在本集開頭那拍片場景雷達華的氈帽和乾濕䄛就是模仿還原曹達華電影(999離奇三兇手)這片當年很受歡迎曹達華也因此有華探長和乾濕䄛神探的稱號的渾名。
明珠那場拍片場景(見他,吻他,殺他)就是模擬還原1968年由陳寶珠,呂奇主演的電影(愛他,想他,恨他)。真係二次創作(惡攪)係咪好好笑呢!
今集笑中有淚李施嬅乜嘢都由我頂,也説盡在片場和電影圈的黑幕和辛酸史!湯鎮業飾演的文雄今次真的柔情和霸氣兼備演得很真確親切,我在上次看他的電視劇以是九年前的(大丫鬟)我用演得很可愛來形容他在這劇的沈淵,怕事又怕老婆連親生女也不敢相認結果死於非命。今次這個文雄虎虎有威,壹個有多樣化演技的演員今次也為了女人,看看會否給 I. C. A. C 玩到也死於非命!好戲等着上演!

本劇集有多個組合都擦出很多奇妙美麗的火花很生動很好睇。
首先先談談龍四和丁小雨這對組合,是本劇重要主幹組合。
我相信是巧合,所以我用巧合來行文!
真的這麽巧合的相似這對組合竟然和 1973 年的壹套外語電影(Paper Moon)如果照字面譯是紙月亮,
但香港繹作(大老千與小鬼頭)如果有看過這套西片的朋友都知道我想講什麽喇!這片中的老千仔專呃的無知婦女只得小小錢渡日,因為接受以前的女朋友在死前托付將十歲的女兒送回家鄉,起初兩人都不喜歡大家,這小女孩食着香煙更冷笑這大叔用這麽低級手法去呃這麽小錢,於是提議大家合作用(天仙局)千術去騙人,就是這樣大小老千仔穿州過省都呃到好多錢,怎知有日來到這個鎮大老千遇到風韻尤存的洒店老闆娘,兩人更互相愛慕,大老千向小女孩就話我唔走啦!
妳自己返鄉下啦,在分手的那刻大家原來才發現,大家相依為命這期間都產生了父女的愛的感情.........電影完畢。
係咪和本劇的龍四和丁小雨這組合很相似呢!.#

發表於 Posted on: 2019-01-29 16:52

永亮
帖數 Posts: 3230
回頂端 / Top
湯鎮業我最記得係《天龍八部》,佢演段譽嗰部。呂有慧當時演甘寶寶,發現除咗黃日華外,呂有慧又係兩版《天龍八部》都有做,黃日華82版演虛竹,97版演喬峰,呂有慧82版演甘寶寶,97版就演刀白鳳。反正兩版都係演段正淳嘅情人。

發表於 Posted on: 2019-01-29 18:12

湖海洗我胸襟
帖數 Posts: 5877
回頂端 / Top
你唔講起都咁嬲
講起真把幾火
話説在1982年我去行街
行吓行吓去到紅磡寶石戲院
在大堂看見寫着今天放映(新天龍八部)
再看看的劇照和演員名單,嘩,不得了吔。
湯鎮業 ~ 段譽
陳玉蓮 ~ 王語嫣
黄日華 ~ 虚竹
徐少强 ~ 蕭鋒
林珍奇 ~ 阿朱
惠天賜 ~ 慕容复
李龍基 ~ 段正淳
高雄 ~ 鳩摩智
導演蕭笙
我即刻二話不説,快快去買票樁入去睇喇!
點知道大半部戲都是那座大寺院啲演員行出行入。
講三講四 ~ 真係添膿伯步,咁就冇咗三十元!

發表於 Posted on: 2019-01-29 19:32

永亮
帖數 Posts: 3230
回頂端 / Top
嗰套電影我咁啱大個咗後尾下載過來睇。大部分古仔同劇版出入唔大。

發表於 Posted on: 2019-01-29 20:33

湖海洗我胸襟
帖數 Posts: 5877
回頂端 / Top
連劇裏面D私家車都玩埋懷舊,十二集用咗部富豪p1200,唔知跟著會不會show off 埋60年代個部水陸兩棲amphibicar呢?

發表於 Posted on: 2019-01-30 11:17

睇下點
帖數 Posts: 179
回頂端 / Top
回應睇下點賀加俊可能係邊個?60年代至70年代初嘅粵語片導演中,大多數都係粗製濫造,好少講求藝術,除了龍剛導演,但是在第十二集裡賀加俊一場戲重拍五十次,而且冇劇本靠現場口頭教戲,佢嘅原型應該為80年代王家衛導演。

發表於 Posted on: 2019-01-30 14:07

華弟三世
帖數 Posts: 68
回頂端 / Top
王家衛學似我同學話齋,佢嘅電影係得佢自己先睇得明。當年佢同劉鎮偉夾份開電影公司,如果唔係劉鎮偉啲商業片頂住,靠佢啲片晨早死得。

發表於 Posted on: 2019-01-30 23:29

湖海洗我胸襟
帖數 Posts: 5877
回頂端 / Top
真係佢唔講你都唔會知,原型係楚原叔,因為最新一集佢要拍嘅片係《玉女添丁》,所以原型係楚原叔。

發表於 Posted on: 2019-01-31 23:05

湖海洗我胸襟
帖數 Posts: 5877
回頂端 / Top
賀家俊嘅原型係楚原叔,真係估佢唔到。

發表於 Posted on: 2019-01-31 23:06

湖海洗我胸襟
帖數 Posts: 5877
回頂端 / Top
納下眼,玉女添丁男主角呂奇跟舒奇係有三分似

發表於 Posted on: 2019-02-02 0:36

睇下點
帖數 Posts: 179
回頂端 / Top
仲有一啲其他原型,例如黃樹棠嘅關權,應該係個洋人ICAC,王晶嘅另一部電影《金錢帝國》之中黃秋生嘅角色,咁啱兩個演呢個角色嘅都係姓黃。

大勇嘅角色原型個人覺得應該係曾志偉佢老豆曾啓榮。

發表於 Posted on: 2019-02-02 17:26

湖海洗我胸襟
帖數 Posts: 5877
回頂端 / Top
樓上果位, 你唔好UP得就UP

曾志偉佢老豆曾啓榮係因為涉嫌貪污而被通緝,逃亡至臺灣。

大勇有貪過汚咩??

發表於 Posted on: 2019-02-02 17:41

wWfOOg88
帖數 Posts: 121
回頂端 / Top
唔知點解人總彈王晶的作品,但他紅了好多藝人而片又好賣得。他好識揀選角色的藝人。故事有頭有路又logical, 睇佢的電影是要費神,若不,求其咁睇的確覺得攔。

發表於 Posted on: 2019-02-04 20:21

marlee2211
帖數 Posts: 289
回頂端 / Top
終於知道王子涵個角色原型係邊個,答案係鄭佩佩。

發表於 Posted on: 2019-02-07 12:51

湖海洗我胸襟
帖數 Posts: 5877
回頂端 / Top
本劇以進入結局篇了, 原本還有很多地方可以討論的, 相信大家都知道這裡快將結束所有資料都會 刪除所以再寫討論沒有意思了. 所以很簡單擇扼要的先行和大家討論總結相信會是最後討論的劇集了.
鄭則仕和湯鎮業在本劇中的演技是超額的演出了. 先説湯鎮業. 他在電影(血衣天使)他運用那種喪心病狂殘酷狠毒的演繹風格, 相比本劇的他那種邪惡深邃的眼神和奸佞詭詐的表情以將他的奸角升華了! 待續再談.#

發表於 Posted on: 2019-02-14 20:56

永亮
帖數 Posts: 3230
回頂端 / Top
到時如果仲打算玩,另外register一個new account咯。

發表於 Posted on: 2019-02-14 21:09

湖海洗我胸襟
帖數 Posts: 5877
回頂端 / Top
"...這裡快將結束所有資料都會刪除所以再寫討論沒有意思了..." 同意,呢度就好似一間半世紀嘅餐廳,因為租金貴要結束,大家喺度留下不少文跡,一下子話要刪除就刪除,冇晒之前講開嘅題目內容,可惜用咗咁多心機時間寫嘅文章會永久delete ,見慣見熟嘅版友茶客,有好多時大家對答就好似係餐廳打招呼講兩句一樣,大家 (好多亦都會用新名) 要由一張陌生嘅白紙開始,搞到冇晒興趣,以後唔會再上嚟新地方寫 (新的唔會參與)!!過去數年喺呢度嘅時光會係一個回憶,喺呢度學到唔少野亦都增加見聞,可惜可惜 !!

發表於 Posted on: 2019-02-15 1:00

提子蛋糕
帖數 Posts: 1110
回頂端 / Top