tvb.com

 
 
tvb.com
 

不喜大陸劇,幾時可做完

幾時才做完,不喜歡看大陸劇,希望此時段放TVB香港自己藝人所拍的電視劇。

發表於 Posted on: 2018-08-27 4:33

slky
帖數 Posts: 126
回頂端 / Top
我亞妹都話,又播大陸劇,TVB就0黎變鳳凰衛視,話個女主角殺人放火做盡壞事,都話佢係好人、係情有可原,教壞人,個女主角根本係套劇裡面的大魔王,做壞事的頻率仲多個劇中0既所謂「壞人」……佢話根本係反映現在中國的政治現實……

我就覺得套劇無新意,于正算肯正正經經拍翻一套似椒的劇,但「抄考」痕跡都好明顯,除0左D戲服搵故宮D師傅做,其他的場景的道具,好聽D叫「簡樸」,難聽D叫「簡陋」,佢套戲D髮型,都唔係跟足歷史,要捉佢套戲有乜問題,仲有好多……

發表於 Posted on: 2018-08-27 5:29

Argenteuil
帖數 Posts: 420
回頂端 / Top
以我所知,明朝的家具、建築、衣飾都偏向簡約,後來中晚明,衣飾先偏向繁複,清皇室不准後宮侈美,所以衣飾不華麗鮮艷,但建築和家具不在此限,所以你見到清皇宮的樑柱都係好多顏色,好鮮艷,于正搞0個隻顏色(反正我唔覺得係乜0野「莫蘭迪色」),將原本衣飾顏色唔算鮮艷的清朝服裝,搞到更加沉,完全違反中國傳統審美觀,講求平衡的原則。

我見過有人話呢套0野似鬼片,農曆7月開電視見到,嚇到即刻轉台,又話個女主角個樣,成個「刻薄相」,更難聽舷說話都有,只能夠講,話套0野好睇、好靚0個D人,審美能力真係差過以前D人,水平跌0西……真係睇得D「二手貨」(例如韓國個D人同服飾根本二手,中國再抄)多,都會覺得二手山寨係正貨……唉……

大陸D人猛讚,其實套0野根本無特別,我估套0野應該似當年《鐵達尼號》咁,開始的時候(大約幾年)就不停畀人讚,但近呢幾年係越來越多人踩,批評說話極難聽,我估呢套下場同《鐵達尼號》一樣……

發表於 Posted on: 2018-08-27 5:49

Argenteuil
帖數 Posts: 420
回頂端 / Top
唔好意思,「于正算肯正正經經拍翻一套似椒的劇」應該係「于正算肯正正經經拍(返)一套似(樣)的劇」

發表於 Posted on: 2018-08-27 5:54

Argenteuil
帖數 Posts: 420
回頂端 / Top
補充一句,睇TVB個款,似乎上半年主要用大陸劇填充時間,下半年就主打自己拍的劇,用0黎「賀台慶」用(似乎係咁),老實講,全年我都只係期待TVB0個套恐怖片,其他都無興趣,結果畀《延禧攻略》一0野踢走,套恐怖片唔0係農曆7月播,唔通等萬聖節呀~~~~???其實TVB高層有無(用)腦……

發表於 Posted on: 2018-08-27 6:05

Argenteuil
帖數 Posts: 420
回頂端 / Top
樓主,女主角有做壞事嗎?佢只不過用手段來懲罰返害佢或害佢身邊既人既人,我唔覺得佢有錯,人地女主角都表明左,邊個要搞搞陣,佢就會有法子對付,脾氣火爆,惹唔起,少說話多做事,我覺得你地冇睇到前面同扭曲左女主角

發表於 Posted on: 2018-08-27 8:25

blue90
帖數 Posts: 1131
回頂端 / Top
我撑妳,先撩者賤!吳美人加油。

發表於 Posted on: 2018-08-27 9:01

fattyychan
帖數 Posts: 75
回頂端 / Top
樓主

我同你一樣,
希望快快播完,
討厭的大陸劇
我和家人都好討厭睇。

發表於 Posted on: 2018-08-27 9:34

Christina
帖數 Posts: 4134
回頂端 / Top
Agree, Draggy drama ZZzz but nice costumes. Skip here and there till the end watch the whole ep to save time...Lol

發表於 Posted on: 2018-08-27 12:38

sukiyaki
帖數 Posts: 4502
回頂端 / Top
blue90,其實呢,你的閱讀理解能力係唔係有問題???抑或雙眼有事???我引述我阿妹講的說話,你係度寫咁多,關我鬼事,你同我阿妹講啦……仲有,你寫乜鬼「樓主」,你睇清楚開題個人名先啦,我撘嘴0架咋……還是你打錯字呀???

講返正題,你講0個D 0野都唔係重點,或者你根本唔知重點係邊,打咁多都無用……

問題主要有兩個:第一,是罪名同所得懲罰不相稱

好似你偷0野,但判你死刑,你覺得咁叫「公道」???好似玲瓏咁,無錯,佢係賊贓嫁禍畀吉祥,問題係發生案件(仲要係公家刑事案),正常應該要調查,但張公公無查亦無上報,但求有交代,直接打死吉祥,原來係玲瓏的錯???依家係玲瓏要求打死吉祥???可能佢都無想過個結果係咁……而吉祥就無責任???由入宮開始一直闖禍,成個白痴咁,就算今次無事,下次都可能有同一下場,吉祥根本不適合留係皇宮,係佢自己選擇留低,就要自己負責。

玲瓏的罪名是偷0左女主角造的衫去邀功,最多係「冒名頂替」,結果佢係流放寧古塔呢個必死的結局,同0個D造反的人,下場一樣,原來就係你覺得的「公道」???睇電視0個時,你究竟有無用腦分析過?!

發表於 Posted on: 2018-08-29 15:47

Argenteuil
帖數 Posts: 420
回頂端 / Top
錦繡0個單0野都一樣,方嬤嬤同錦繡做同一件事,但結果唔一樣,方嬤嬤唔搵錦繡,都會搵其他宮女做一樣的事,但懲罰無分主客,方嬤嬤打幾十板,無退休工錢,逐出宮。但錦繡係驅逐入辛者庫,做最辛苦的工作而係無止盡的時日(至少做到25歲),邊個罰得重???真係睇你點取捨……

第二個更明顯的問題,就係鼓勵用私刑(私了)

個女主角次次有事,都係自己想辦法,私下執行,而唔係向制度求助,用法律方法,所以我阿妹話反映現在中國的情況,法律根本係廢,上至皇帝,下至太監都係一副昏庸樣,做事糊糊塗塗,馬虎了事,女主角查完姐姐死因就應該請求出宮,就算去0左辛者庫,都可以等到25歲出宮,但結果佢都無,而係走去做乜鬼妃子幫皇后查案報仇……

天呀~~~呢D乜鬼0野邏輯0黎0架???皇后同皇室的事,一個低級宮女/妃子管得到???女主角由始至終,都無係制度裡面尋求解決辦法,佢係下人,連上報都唔做,講乜鬼姐姐的死,係佢0既私事……大佬呀,出人命從來唔係私事,平民有人命案,都要報官啦,更何況牽涉到皇室宗親???所以咪話,教壞人囉……

至於邊個主動挑起事端,邊個被動,邊個正義,邊個不義,一套劇情簡單二分的電視劇,原來可以教到你???唔好講乜0野因為個制度行唔通,皇帝昏庸,所以唔用制度之類的說話,至少我睇唔出個女主角有用過個制度,連上報都無,你點知道個結果係點???

發表於 Posted on: 2018-08-29 16:26

Argenteuil
帖數 Posts: 420
回頂端 / Top
fattyychan,我夠膽講一句,如果係現實你遇到魏瓔珞呢類人,你都會變成錦繡或者玲瓏,有時說話唔好講得咁口響……至於吳言謹,佢就真係吳(唔)(係)美人喇,我連佢個樣都認唔住,真係靚到一個點……靚到認唔到呀……

發表於 Posted on: 2018-08-29 16:40

Argenteuil
帖數 Posts: 420
回頂端 / Top
補充一句,上次眼瞓得滯,D貼打錯好多字,更正如下:

(1)「除0左D戲服搵故宮D師傅做,其他的場景的道具」--------->「除0左D戲服搵故宮D師傅做,其他的場景(和)道具」

(2)「清皇室不准後宮侈美」--------->「清皇室不准後宮(奢)美」

(3)「更難聽舷說話都有」--------->「更難聽(0既)說話都有」

P.S.0個句「審美能力真係差過以前D人,水平跌0西」唔係我講,係陳奕迅講的,我非常認同,所以忍唔住要分享……

發表於 Posted on: 2018-08-29 16:55

Argenteuil
帖數 Posts: 420
回頂端 / Top
哎呀~~~我連名都搞錯,係「吳謹言」先0岩……

發表於 Posted on: 2018-08-29 16:59

Argenteuil
帖數 Posts: 420
回頂端 / Top
再更正多一個錯字,就係「我撘嘴0架咋」--------->「我(搭)嘴0架咋」

TVB個如意算盤今次都係失策,因為收視應該未去到佢0地預期,《香港01》寫過關於電視劇的評論,如果《延禧攻略》收得,TVB只會攞更多錢買大陸劇,純香港本地製作只會越來越縮,直至唔製作為止,咁樣既趨勢係一種蠶食。

我個人意見係TVB會畀呢種趨勢害死,我呢種睇本土電視劇的長年TVB觀眾會轉台,反正V記有D劇,雖然成本細但有創意、有意思,淨返一批上年紀的觀眾,但會越來越少,0個D「新香港人」又睇你TVB電視劇唔起,成日話香港乜垃圾、物垃圾,但又神奇地留係香港生活,係度留言0架喎,呢批「新香港人」有自己的生活習慣,唔一定睇你TVB,所以TVB最後都係走上絕路……你依賴大陸(資金),最後會變成只有TVB個名的大陸公司,個名轉0左,TVB徹底消失……

唯一救到TVB係製作模式/資金「國際化」,題材要貼地、本地化,同時其他國家有共鳴,創作要開放、大創意,反正大陸審查越來越緊,就無謂遷就大陸拍D唔好睇的劇,好似台灣0個兩套電影《血觀音》同《大佛普拉斯》,前者2500萬左右港紙製作費,拍出真實(感),有共鳴,齋睇演員演技已經值回票價,後者更少,得1000多萬製作費,仲係一部全台語電影,但兩部口碑、票房,羸大陸0個D過億製作(例如《擺渡人》、《芳華》)十九幾條街,證明有創意係會生金蛋。有次我睇完V記,轉返TVB,突然覺得TVB走下坡係有原因,突然覺得TVB好舊、好老(節目形式、製作方法、包裝等等,各方面),成件事唔型,好過氣,難怪吸引唔到新觀眾。

發表於 Posted on: 2018-08-30 5:34

Argenteuil
帖數 Posts: 420
回頂端 / Top
唔客氣講句,TVB高層少D干預創作同其他0野,因為佢0地年紀都唔細,唔係好追得上現在觀眾口味,盡好自己本分搵製作資金,其他國家的電視劇有好多可取之處,80年代之後,TVB都無再同國際交流過(製作),大陸人唔識0野,成日自吹自擂自己D電視劇有幾勁,但大陸製作有一半係香港人,咪又係香港0野,你TVB劇有幾廢,但又唔知出面世界的電視劇有幾勁,我睇過一套瑞典(如果我無記錯地方)製作的電視劇,單元式但個故事係完整的,有D似《愛.回家》咁一班人,每集講呢班人當中幾個人的故事,但個拍攝手法好特別、題材好爆,而且D色調好特別,成套劇一睇就知係北歐0野,同美劇、英劇完全唔同(Feel),TVB都好耐無同外國電視台交流、切磋,特別係幕後,亦唔覺有合作。

TVB全面依賴大陸,一句說話:後果自負。或許開始幾年會好好,無問題,但依大陸的(經濟)走勢,TVB跟大陸(經濟情況)掛勾,講得直接,就係好就一齊好,如果唔係就「攬住一齊死」

發表於 Posted on: 2018-08-30 5:39

Argenteuil
帖數 Posts: 420
回頂端 / Top
補充一句,我講0既「幕後」係指打燈、化妝、服裝、收音0個D技術人員,唔係大粒佬的高層

發表於 Posted on: 2018-08-30 5:43

Argenteuil
帖數 Posts: 420
回頂端 / Top
無論咩國家劇集, 都有好有唔好, 唔可以 以偏蓋全, 對人不對事,
延嬉攻略比以往大陸劇緊湊, 對白亦冇以往嗰啲咁長篇大論,
可以話有改進, 有突破,
有位C兄批評劇情, 話呢個犯錯點判, 嗰個犯錯又咁判, 輕重不分唔公道,
當時係咩年代? 就算現今社會, 法官判案都唔會絕對公平,
好似啲黃屍, 有好多都輕判社令算數, 咁又公平咩?
無線可以播美國英國韓國日本劇, 點解唔可以播大陸劇?
香港係中國一部分, 一年抽一段黃金時間播內地劇好正常吖,
為何不可? 呢啲係人哋公司自由權利, 唔通要你批准先得咩?
套套劇無論點好睇都一定有膠位, 唔會天衣無縫毫無破綻,
鍾意睇就繼續追, 唔鍾意0既就快啲躝屍趷路

發表於 Posted on: 2018-08-30 18:12

脆脆薯條
帖數 Posts: 2521
回頂端 / Top
延禧攻略並唔係佢想緊湊,而係佢原本係96集。後來被斬成70集在各地播出。我知道TVB意思啊,都係想快快播完,就期。

而TVB亦都再剪。我知道TVB係要就期,既然佢都已經被一剪再剪。而且佢嘅收視先得25點。既然係咁,不如再剪多鑊,就返個期,將個陣變回原形好過。

畢竟美女廚房、流行經典仲食得比較好嘅收視。用原陣,並將延劇剪多鑊,循眾要求得來,自己亦都有着數。遠遠好過一連播足7日。

發表於 Posted on: 2018-08-30 22:06

湖海洗我胸襟
帖數 Posts: 5559
回頂端 / Top
脆脆薯條

果班黃屍, 逢中必反, 佢地反中反共反,到連人性人格都無埋,
最近果個殺死自己老婆的王屍教授,平日經常站在道德高地去批判人,
估唔到佢內心咁陰暗, 正一係偽君子!
恐怖 !!!

發表於 Posted on: 2018-08-31 2:11

cc7788
帖數 Posts: 44
回頂端 / Top
呢個劇有D劇情係誇張左, 個女主角係皇帝面前竟然可以駁咀駁舌, 若果係現實一早死無全屍啦,
不過你又唔係睇緊歷史文獻 ,喂, 只係一部創作劇集呀! 你竟然ON 居到去討論公唔公平呢D咁白痴既問題??? 我問你啦, 唔好講話TVB劇啦, 好多港產片有邊一部唔係誇張, 脫離現實? 好多主角永遠打不死, 呢D劇情見怪不怪啦, 港產片呀唔少係以黑社會人物做背景架, 講到佢地點英雄點有情有義呀, 唔通咁樣唔係教壞人呀???
果套"奪命金"呀, 得獎電影黎嫁, 個女主角靜雞雞攞左個客人一大筆錢都無人知, 仲施施然.辭工, 咁樣唔係教壞人呀? 哈,!!
不過個劇都未完, 可能個女主角無好下場呢. 咁早就話個劇教壞人, 妄下判斷 !!!

發表於 Posted on: 2018-08-31 2:59

cc7788
帖數 Posts: 44
回頂端 / Top
講真啦, 呢個劇好睇過之前套宮心計(有無記錯劇名? 馬明, 馬仔同蕭正南果套)
我唔係要踩本土劇, 而係我睇過唔少宮廷劇, 尤其係TVB的,
佢D劇情千篇一律, 對白又係千篇一律, 睇到厭,

其實黃金時段可以除左睇本土劇, 有其他地區劇好似日劇, 韓劇, 美劇我覺得無問題囉
好劇理得佢邊度黎? 哪怕係印度劇, 有質素既不妨一看, 何必故步自封,
乜而家D"新香港人"變得咁封閉嫁, 你地對大,6有偏見姐, 唔係所有大.6劇都咁差,
而家好多日本台灣韓國都有買大.6劇來播嫁, 如果真係咁差, 收視一早比V台搶晒啦
聽講V台收視拍馬都追唔到TVB喎, 哈, 點解既????????
講番咁多年, TVB黃金時段播既內地劇, 西遊記, 無則天, 呢兩個劇我真係不敢恭維,
反而瑯X榜, 同呢套我幾喜歡,

發表於 Posted on: 2018-08-31 4:06

cc7788
帖數 Posts: 44
回頂端 / Top
我見過有人話呢套0野似鬼片,農曆7月開電視見到,嚇到即刻轉台,又話個女主角個樣,成個「刻薄相」,更難聽舷說話都有,只能夠講,話套0野好睇、好靚0個D人,審美能力真係差過以前D人,水平跌0西……真係睇得D「二手貨」(例如韓國個D人同服飾根本二手,中國再抄)多,都會覺得二手山寨係正貨……唉…

~~~~~~~~~~~~~~~~~~~~~~~~~~~~~~~`

你d留言確實令我啼笑皆非

乜女主角一定要係靚女既咩???? 你以為你睇緊韓劇呀? 你以為你睇緊俊男美女做主角既青春浪漫愛情劇呀??
女主角本身係靚女一名, 不過今個劇個做型初初看起來係有點怪怪的,佢條眉本來係粗的, 特登剃到幼左, 睇起上來更mean, 更顯得佢與別不同, 事實個角色性格就係咁尖酸刻薄, 說話得勢不饒人, 你要記住呀, 個角色並唔係人見人愛, 車見車載, 小鳥依人, 天姿國色果種呀 !!! 太靚女反而無咁有說服力,

女主角點樣醜都醜唔過果位謝大嬸啦, 謝大嬸係"殭"一劇裡演一個經常追求浪漫愛情的女殭屍, 四張幾野, 村姑咁既樣貌, 又肥又矮身形, 仲要成日同個男主角玩浪漫? 真係睇到我反胃 !!! 呢d米失敗囉, sell浪漫既愛情劇, 唔係由年輕樣貌美既來做女角, 會有反效果嫁 !!!

好似睇緊鬼片??? 咁你以後唔好睇清裝劇呀, 點解? 你諗下 中國殭屍係著咩服裝? 哈!!!
你要踩個劇都搵d有質素既理據啦唔該 !!

發表於 Posted on: 2018-08-31 13:10

cc7788
帖數 Posts: 44
回頂端 / Top
補充一句,睇TVB個款,似乎上半年主要用大陸劇填充時間,下半年就主打自己拍的劇,用0黎「賀台慶」用(似乎係咁),老實講,全年我都只係期待TVB0個套恐怖片,其他都無興趣,結果畀《延禧攻略》一0野踢走,套恐怖片唔0係農曆7月播,唔通等萬聖節呀~~~~???

~~~~~~~~~~~~~~~~~~~~~~~~~~~~~~~~~~~

你估計你估計, 又係你估計, 你到底估左幾多年計呀? 黃金時段播內地劇己經好多年啦, 年年都係一部咁大把, 你仲想點? 上年套射鵰好似收視唔錯, 廣告商係睇收視架, V台同TVB比, 邊個收視高D呀? 邊個多人睇呀? 咁多人轉台, 又唔見你V台收視超越TVB??? 咁即係點? 即係同而家政治環境一Q樣囉, 成日都有班人嘈嘈閉又反對東北發展又反對一地兩檢又反對填海, 其實都係一班小眾, 不過尼班小眾嘈得最大聲, 成日就扮代表, 以為自己代表全香港, !!!

發表於 Posted on: 2018-08-31 14:44

cc7788
帖數 Posts: 44
回頂端 / Top
個女主角次次有事,都係自己想辦法,私下執行,而唔係向制度求助,用法律方法,所以我阿妹話反映現在中國的情況,法律根本係廢,上至皇帝,下至太監都係一副昏庸樣,做事糊糊塗塗,馬虎了事,女主角查完姐姐死因就應該請求出宮,就算去0左辛者庫,都可以等到25歲出宮,但結果佢都無,而係走去做乜鬼妃子幫皇后查案報仇……
~~~~~~~~~~~~~~~~~~~~~~~~


又一個令我發笑既留言..........
女主角有事應向制度求助?????? 你到底有無X架?? 我咁無學識都諗到古代係有階級之分(呢個唔只中國係咁, 外國都係咁), 咩叫做以下犯上呀? 你去挑戰一個地位高過你既人, 你以為皇室中人會為你一個宮女出頭咩? 你估係而家呢代年代呀? 女主角就係知道佢地唔會為自己出頭先用自己方法去為姐姐討回公道, 咁既邏輯你都諗唔到, 仲好意思罵人無邏輯??? 你用而家既標準去衡量古代既標準, 你係咪有病呀??? 你唔好睇古裝劇啦, 萬一你見到古代男人娶幾個老婆你又發晒顛咁破口大罵呀!!! 原來一個偏激既人真係可以連理智都喪失埋嫁 !!!!!

女主角查完姐姐死因就應該請求出宮?????
搵你做編劇就死得, 知道姐姐係邊個害死而無進一步行動果個就唔係魏瓔珞啦, 如果你係編劇寫到個魏瓔珞咁無GUTS, 咁無原則, 只係一般平庸宮女, 實行悶死班觀眾, 收視跌到新低點呀 !!! 真係好彩你唔係編劇呀 !!!!

發表於 Posted on: 2018-08-31 15:28

cc7788
帖數 Posts: 44
回頂端 / Top