tvb.com

 
 
tvb.com
 

覺得溏心3好唔好睇?點解?

唔好。冇咗我想睇嘅演員
58
好。加入咗我想睇嘅演員
25
唔好。劇情冇新意
106
好。橋段有新意
23
唔好。揾錯角色
54
好。演員配搭得好
29
唔好。陣容失唒色
63
好。秉承上兩套嘅質素
18
唔好。溏心3後續集免問
78
其他
14

總票數 Total Votes: 468

覺得溏心3好唔好睇?點解?

續集有連貫性之外..當然陣容都好重要...
金枝2...主要人物都唔同...
一樣仆直.
即係證明...
續集即使有連貫性....主要人物同劇情都係好重要....

其實....
觀眾對於續集既要求普遍都係較高....
劇情固然重要...
但主要人物...沒理由完全不同...

所以無線要用舊劇既招牌...真係諗過度過...
主要人物...基本都要一樣...
正如衝上雲霄1同2...
基本主要人物...吳鎮宇係度...
上輯馬德鍾死左....陳慧珊唔係同吳鎮宇一齊...所以今輯無佢亦都唔係大問題...
吳唱k又繼續做返佢細佬...
佢老豆老母..上輯都唔係主角...所以無佢地兩個都唔係大問題..

有連貫性...主要人物又無變...
咁先係續集成功既第一步...
第二步當然係劇情...
好既劇本係每一套劇成功既關鍵...
所以一部成功既續集...2步都唔可以缺少...

(個人看法...)

發表於 Posted on: 2018-01-13 0:16

米高風
帖數 Posts: 532
回頂端 / Top
演員陣容都算ok既、起碼請到苗可秀,唐文龍,鄭希怡

發表於 Posted on: 2018-01-13 8:53

MoonXD
帖數 Posts: 120
回頂端 / Top
林峰..楊怡...陳法拉..徐子珊...陳豪..黃宗澤...鍾嘉欣...

王浩信..岑麗香..黃宗澤..陳敏之..唐文龍..苗可秀..鄭希怡...

點計...都係林峰果班吸引D...

何況...鄭希怡有幾難請...有幾大吸引力?
苗可秀同唐文龍的確係焦點...
但...相比上兩輯....年輕一代...都係想睇林峰果班多D...
至於較年長一輩...我相信都唔會話想睇王浩信果班..
可惜苗可秀同唐文龍...唔算係主角...
所以...
呢個新既陣容...無論年輕一代定年長一輩...吸引力都唔係話特別大...

發表於 Posted on: 2018-01-13 12:17

米高風
帖數 Posts: 532
回頂端 / Top
林峰..楊怡...陳法拉..徐子珊...陳豪..黃宗澤...鍾嘉欣...

頭四位已經離巢,最後兩位半離巢,黃宗澤改簽邵氏,換一種方式合作,鍾嘉欣合約完,暫時專注湊B。加上老公關係,暫時冇做。

發表於 Posted on: 2018-01-13 18:25

湖海洗我胸襟
帖數 Posts: 4668
回頂端 / Top
我知道...

只係想講...
頭兩輯既陣容..係比第三輯較為吸引...
我都知根本無可能搵得返咁多個返黎拍..

發表於 Posted on: 2018-01-13 22:18

米高風
帖數 Posts: 532
回頂端 / Top
TVB經常第三部就陣容會有所變換架喇。好似陀鎗噉,第三部關詠荷就離開咗,所以就由蔡少芬頂上。

更何況溏心。基本上拍到第三部啲人就會離開咗。但啲舊人如果唔走,新人就冇辦法上位,然後就係階層固化。上游通道收窄。有啲仲進入老齡化社會。

發表於 Posted on: 2018-01-13 22:34

湖海洗我胸襟
帖數 Posts: 4668
回頂端 / Top
講遠咗添。但係其實都係噉,拍到第三部基本上就會有部分人走架喇。

發表於 Posted on: 2018-01-13 22:35

湖海洗我胸襟
帖數 Posts: 4668
回頂端 / Top
但新一代上位...
被無線過份吹捧...簡直令人反感...
之前受捧既人多...
唔使比人感覺來來去去都係果幾個...

你睇下下年有幾多王浩信.....諗起都想暈...

發表於 Posted on: 2018-01-13 22:39

米高風
帖數 Posts: 532
回頂端 / Top
其實我覺得而家王浩信既然“溏3”毀咗清譽,不如先借勢做住反派鍛鍊下演技先,順便過過冷河。等啲觀眾將溏3忘記咗,到時再慢慢重新積累人氣。而呢段時間TVB又可以捧其他人。

發表於 Posted on: 2018-01-13 23:06

湖海洗我胸襟
帖數 Posts: 4668
回頂端 / Top
問題...見到王浩信既次數實在太多.....
演技幾好都有厭既一日..

發表於 Posted on: 2018-01-13 23:24

米高風
帖數 Posts: 532
回頂端 / Top
噉就要恭喜王浩信已經成為第九級嘅人馬喇,“趕客三寶”。藝人發展嘅必經階段。邁過咗就係真正嘅演技精湛嘞。

發表於 Posted on: 2018-01-14 0:31

湖海洗我胸襟
帖數 Posts: 4668
回頂端 / Top
真係要人夾人緣....
有D人覺得不停睇佢無所謂...
有D人覺得睇多幾次就厭哂...唔想再睇到佢...

至於王浩信..我覺得如果普普通通間中一兩套無所謂..
但一年5-6套劇..
我真係覺得有點兒.......

如果佢可以因為咁而紅...又可以離開無線..出去搵銀了..

發表於 Posted on: 2018-01-14 0:42

米高風
帖數 Posts: 532
回頂端 / Top
That's the reason why 佢需要過過冷河,meaning he needs to take a break,一年兩套好喇,而且仲要係做反派。

發表於 Posted on: 2018-01-14 12:56

湖海洗我胸襟
帖數 Posts: 4668
回頂端 / Top
不過始終我覺得王浩信...演技唔算突出..
基本上大把人可以取代到佢...
而家唔keep住曝光...
人氣好易會下跌..

發表於 Posted on: 2018-01-14 18:22

米高風
帖數 Posts: 532
回頂端 / Top
佢確實演技未算突出,只係上位比較快而已。

發表於 Posted on: 2018-01-14 20:13

湖海洗我胸襟
帖數 Posts: 4668
回頂端 / Top
無線小生又唔夠..
又見佢肯做...
加上之前做既劇表現又唔係話差
外型又唔差...又肯聽無線話..
所以無線力捧,,,
如果佢係林峰同期既話...可能真係未必有咁既成績..

話說林峰同期...競爭都好似幾大下..

發表於 Posted on: 2018-01-14 21:44

米高風
帖數 Posts: 532
回頂端 / Top
依家D人上位好快架
陳凱琳hea住拍個幾套劇就飛躍啦
龔嘉欣哭一場戲就女配角
木口木面既袁偉豪就男喜
黃翠如有錢人就即上位,套套做女一
人地姚子羚仲做緊女二咋

發表於 Posted on: 2018-01-15 2:42

半糖茉莉
帖數 Posts: 699
回頂端 / Top
無辦法...
無後臺...幾好演技都無用...幾有觀眾緣都係無用...

發表於 Posted on: 2018-01-15 11:32

米高風
帖數 Posts: 532
回頂端 / Top
見大家講起開續集講得咁熱鬧,加上聽聞小青姐有意再拍《法政先鋒》,忽然令我諗番起當年某輯《法政》結局篇入面嘅兩大笑位,真係諗番起都幾乎笑死。

第一個笑位:話說波比畀人捉住,困咗喺個貨櫃入面,好彩佢喺個手機冇晒電之前,仲可以同其他主角聯絡到,於是話畀人知,有陽光由貨櫃嘅一個細窿射入,跟住班主角就開始發揮佢哋嘅驚人推理,既然當時接近黃昏,太陽當然就喺西邊,貨櫃外面有陽光射入,即係話貨櫃所在位置就喺香港嘅西面!記得當時我睇到呢度,第一個反應就係O晒嘴,乜唔係全世界黃昏時份,太陽都喺西面嘅咩?難道只係得香港嘅西面先至會咁樣乎?咁嘅推理,係咪好勁抽呢?

第二個笑位:劇情繼續,波比為咗其他人可以留意到佢身處嘅貨櫃,諗到條絕世好橋,就係用方法(可惜唔記得咗係咩方法添)燒著自己條皮帶,好等啲煙由個細窿冒出外面。當時我睇到呢度,唔止O嘴,直頭連個下爬都幾乎跌咗落地,大佬呀,莫講話燒一條皮帶會出到幾多煙,單係想啲煙可以由個咁細嘅窿仔冒到出去外面,首先就要啲煙墳滿晒成個貨櫃,怕者等得到其他人發現走嚟救人,波比早已魂歸天國,等緊大家幫佢驗屍囉。咁嘅橋,係咪好絕呢?

連最基本嘅地理同物理常識都冇,咁都夠膽死再開續集,真係要寫個服字畀佢囉!

發表於 Posted on: 2018-01-15 17:32

冷眼橫眉
帖數 Posts: 344
回頂端 / Top
哈哈,小學雞地理知識(可能D對白寫得太過低B搞笑,令到樓上咁印象深刻)....至於燒皮帶,完全錯誤示範嚟喎,唔知當時的TVB有冇出提示提醒小朋友唔好亂學咁呢?

發表於 Posted on: 2018-01-15 17:48

Toy claw 公仔機
帖數 Posts: 1487
回頂端 / Top
連最基本嘅地理同物理常識都冇,咁都夠膽死再開續集,真係要寫個服字畀佢囉!
。。。。。。。。。。。。。。。。。。。。。。。。

尤其劇集主題是講「法證」,橋段細節更加要仔細認真處理,如果沒有令人信服的醫學專業知識作backup,把檢測搜證工作的步驟和化驗結果含義作出稍為有些邏輯智慧的詮釋的話,真係唔該小青姐唔好再獻醜丟人現眼了。面係人地畀.........

發表於 Posted on: 2018-01-15 20:03

廣角鏡
帖數 Posts: 313
回頂端 / Top
嗰部係第一輯定第二輯?

發表於 Posted on: 2018-01-15 20:16

湖海洗我胸襟
帖數 Posts: 4668
回頂端 / Top
其實TVB有好多編劇都欠缺了基本地理,醫學,科學,法律知識和普通常識的。
冇邏輯冇常理嘅劇情常令觀眾XYZ「咁都得」!?

講真,編劇唔識唔緊要,網絡可打開知識寶庫,谷歌先生可免費指導。若要專業的諮詢點解唔作好資料蒐集後認真請教有關人士指導呢?

人地日劇在處理講解有關的專門學術或技術性知識時就認真得多,直情圖文並茂添!
TVB編劇/ 監製...... 一字記之曰------「懶」!
又求其是但「懶」去確定資料,又「懶」醒咁無料扮四條。
不過觀乎近期無限翻loop的製作,都貫徹左TVB精神嘅.......
就係「全力迂腐,hea到冇譜」!

發表於 Posted on: 2018-01-15 20:22

廣角鏡
帖數 Posts: 313
回頂端 / Top
溏心3 爛劇爛到不能再爛,,好心劉家豪如冇心拍就唔好再拍啦!:班老坑又老又肥又丑D戲又屎,之不過夏雨,李司棋,關菊英班垃圾以後唔洗再响TVB出現了,咁都好!

發表於 Posted on: 2018-01-15 20:56

john31
帖數 Posts: 43
回頂端 / Top
根本套套都話無新意,如果太有新意又俾人話荒謬,人生百態,寫左幾十年,請問你地話仲有什麼新意可言?

發表於 Posted on: 2018-01-15 23:14

lisa30c
帖數 Posts: 46
回頂端 / Top