tvb.com

 
 
tvb.com
 

覺得溏心3好唔好睇?點解?

唔好。冇咗我想睇嘅演員
58
好。加入咗我想睇嘅演員
25
唔好。劇情冇新意
107
好。橋段有新意
23
唔好。揾錯角色
54
好。演員配搭得好
29
唔好。陣容失唒色
64
好。秉承上兩套嘅質素
18
唔好。溏心3後續集免問
78
其他
14

總票數 Total Votes: 470

覺得溏心3好唔好睇?點解?

呢種做法,有個成語叫“掛羊頭,賣狗肉。”

舊時(怕且依家都係)羊肉比較貴,高等貨色,但實情店家(舖頭)肯定唔會實牙實齒咁賣喇,否則蝕死。狗肉就平好多,所以掛住個羊頭,然後賣嘅係狗肉,即係將啲狗肉以羊肉嘅價錢賣出──暴利啊,博就係博啲人分唔清羊肉定狗肉。

學似梁材遠材叔咁就做人比較均真啲,童叟無欺,佢都係掛羊頭,但係佢係賣啲同羊有關嘅嘢,雖然都係平價貨,但並無欺詐成份。情越海岸線、張保仔其實都係情越雙白線嘅姊妹篇同續集,但係人地完全冇延續原來嘅名號。

發表於 Posted on: 2018-01-11 12:52

湖海洗我胸襟
帖數 Posts: 4739
回頂端 / Top
如果啲舊人唔走嘅話,啲新人又點上位。
-----------------------------------------------------
新人上位! 要講自己有冇本事!
唔係話俾曬成班配角做台慶劇就可上位!
以前一套非黃金檔期的劇! 都要由有名氣的主角帶住!
台慶劇更加唔可能任由一班配角去冒呢個險!
全部大配角咩菲!
今次TVB真係食懵左!

發表於 Posted on: 2018-01-11 13:20

ET1997
帖數 Posts: 1339
回頂端 / Top
噉當然。

發表於 Posted on: 2018-01-11 14:10

湖海洗我胸襟
帖數 Posts: 4739
回頂端 / Top
情越雙白線....情越海岸線...
你話係姊妹作又得...兩套完全唔同劇又得...
佢而家唔係講到明話係情越雙白線2
咁係同一個豎製...
開拍類似題材既劇..
所以D人先話佢兩套係姊妹劇...
所以完全無問題....

發表於 Posted on: 2018-01-11 18:29

米高風
帖數 Posts: 570
回頂端 / Top
爾啲係叫掛住個羊頭,賣嘅雖然唔係羊肉,但係係同羊完全沾邊嘅嘢,而且人地冇話係肉檔。同掛羊頭賣狗肉嘅係完全兩回事。

劉嘉豪嗰啲就係後面嘅嗰種,材叔係前面嗰種。

發表於 Posted on: 2018-01-11 19:02

湖海洗我胸襟
帖數 Posts: 4739
回頂端 / Top
溏3是四部台慶劇最差嗰部
唔腰斬以經好彩
誇世代比溏3好D

發表於 Posted on: 2018-01-11 19:22

John313
帖數 Posts: 816
回頂端 / Top
補充一點——

其實之前嘅《溏心2》只係前題嚟,人哋個正式劇名叫做《家好月圓》。

換言之,如果《溏心3》都照辦煮碗,改多個名叫《溏心3》之《家嘈屋閉》,咁就乜事都冇囉。

發表於 Posted on: 2018-01-12 12:14

冷眼橫眉
帖數 Posts: 344
回頂端 / Top
溏心3改名《以愛圍家》乜事都啦

發表於 Posted on: 2018-01-12 12:25

半糖茉莉
帖數 Posts: 715
回頂端 / Top
溏3是四部台慶劇最差嗰部
唔腰斬以經好彩
誇世代比溏3好D
>>>>>>>>>>>>唔係呀嘛?老表3仲差啦,悶到死死下

發表於 Posted on: 2018-01-12 12:27

半糖茉莉
帖數 Posts: 715
回頂端 / Top
「家嘈屋閉」適合D,睇唔到五分鐘已覺頭痛,真係佩服溏3粉對「嘈吵」的免疫力!

發表於 Posted on: 2018-01-12 12:31

Toy claw 公仔機
帖數 Posts: 1523
回頂端 / Top
咁套劇又唔係又頭嘈到尾既

發表於 Posted on: 2018-01-12 13:18

冰淇淋蛋糕
帖數 Posts: 90
回頂端 / Top
家好月圓.....咪又係打住溏心風暴既招牌..
只係係溏心風暴2後面加個之家好月圓...

曼大問題係整個系列係應該同一班底...
而家第三輯得返D長輩級既演員...
後生果班主力得返黃宗澤一個...
呢下已經係敗北..
唔好講而家第三輯陣容有幾好...
好極都唔夠原班人馬咁好...
吸引力已經大大減低...

講陣容...已經唔吸引....
講內容...又唔係話好好睇...
整體套劇食得蕉了....

都係果句....你打住溏心風暴招牌...
難免會囉返之前2輯作比較..
無記唔想比較...咪鬼打住溏心既招牌...
無記開第4輯既話....一樣會囉哂頭三輯作比較...

對我黎講..第二輯好睇過第一輯.....但第三輯比第一輯更差.....

發表於 Posted on: 2018-01-12 17:16

米高風
帖數 Posts: 570
回頂端 / Top
林峯,法拉,楊怡,子珊佢地已離巢,就連編審都換左人,點都冇可能可以搵得齊前朝班底架喇。

老實講,我又唔覺得「溏心3之家嘈屋閉」的卡士有幾弱,請得到苗可秀登場,加上王浩信,黃翠如和香香他們也講得上係新一代受捧小生花旦,主要問題係觀眾自己唔多接受佢地啫

發表於 Posted on: 2018-01-12 18:06

Toy claw 公仔機
帖數 Posts: 1523
回頂端 / Top
個人覺得卡士唔差,個別演員演技也OK,最失敗的仍是「一劇之本」和那outdated嘅方式拍攝。令人覺得冇新意兼老套。劇情更不合邏輯前後矛盾。編劇真抵打。

發表於 Posted on: 2018-01-12 18:15

廣角鏡
帖數 Posts: 313
回頂端 / Top
講真,偶爾睇下日劇的我又真係覺得TVB的所謂續集開得有點滑稽和「夾硬」,日劇的續集就算換了人做主角都係連貫的,即係話,第一輯同第二輯的主要角色人物係有關聯的,只係cases唔一樣(美劇應該也是類似情況),而TVB的所謂續集就只係打個名,前後背景角色設定就完全唔同晒,都可算得上係TVB的另類風格,可惜唔係每次都咁成功,失敗的話,就更加衰多兩錢重(D人點樣都會將兩者拍埋一齊做比較).......

發表於 Posted on: 2018-01-12 18:16

Toy claw 公仔機
帖數 Posts: 1523
回頂端 / Top
嚴格嚟講,係日本跟美國。日本嘅制度普遍係跟美國(好多方面)。而韓國則係受日本影響而來。

美國係一個禮拜播一集,遇著聖誕新年仲要有個冬歇期。而且美國一般係提前半年定落來,演員喺半年前就定咗。然後就係拍攝。由於每個禮拜一集,所以日日唔同。劇本、演員提前定好。然後一到時候就開拍,邊拍邊播。好似CW噉播放季一般係當年嘅9月至第二年嘅5月,中間有大約兩個月左右嘅冬歇期。

日本都係跟季,但就分為四季。所以唔一樣。

發表於 Posted on: 2018-01-12 19:39

湖海洗我胸襟
帖數 Posts: 4739
回頂端 / Top
唔明樓上的論點同拍續集故事連不連貫有何關係,我主要只係想指出「續集」本應該就是連貫的(無論日本或美國都係咁樣,就算演員辭演也只係揾另一個人頂上,或設計一個全新角色取代,就好似開到十六季的「相捧」咁,靈魂人物係水谷豐飾演的杉下右京,而佢的拍檔就成日換。至於韓劇就比較爭氣,就算「來自星星的你」「鬼怪」或「太陽的後裔」多麼收得,都不會任意開續集氹粉絲),係得TVB咁得意,換人換設定換背景都仲要夾硬話係「溏心1」「溏心2」和「溏心3」。

發表於 Posted on: 2018-01-12 20:18

Toy claw 公仔機
帖數 Posts: 1523
回頂端 / Top
只懂緬懷昔日光輝,靠以前的成就不斷食老本,咪不進則退囉。再者,有人話要用番同一班卡士,咁D藝人都老晒啦,亦不可能一而再演番以前的類似角色啫,所以呢D所謂的續集,根本就莫須有,尤其好似劉監製的思維咁,只想著以前的光輝歲月來照辦煮碗,更是自己框死自己限制了創作自由令編劇食死貓。

發表於 Posted on: 2018-01-12 20:25

Toy claw 公仔機
帖數 Posts: 1523
回頂端 / Top
我意思係由於模式唔一樣,咪會得出來唔一樣囉。當年我係唔覺得嗰啲係續集,只係同一部劇集唔同部分啫。

發表於 Posted on: 2018-01-12 20:28

湖海洗我胸襟
帖數 Posts: 4739
回頂端 / Top
打錯字,係當然,唔係當年。

發表於 Posted on: 2018-01-12 20:29

湖海洗我胸襟
帖數 Posts: 4739
回頂端 / Top
完全唔明你講乜。其實最搞笑莫過於「使徒2」,所謂的前傳嘅科技竟然比後傳還要先進,設定更是將槍械受管制的香港變成周街亂槍戰的動亂區域,呢D根本不關製作模式事,係睇監製及編審自己的構思,其他的編劇,睇來都只係跟指示去寫吧。

發表於 Posted on: 2018-01-12 20:38

Toy claw 公仔機
帖數 Posts: 1523
回頂端 / Top
溏心1,2 後果果班走哂...
係無可能搵到佢地一齊返黎拍..
咁咪唔好拍溏心3囉
或者你改過另一個名...唔好打住溏心招牌囉..

都係果句...
你要打住溏心既招牌.....
難免會有比較..

唔使講內容..
只係換人唔換招牌...
對我個人黎講....有點反感...

至於講內容...都唔使點講..
各方好友都講哂...
我之前都有講過...

所以...呢套劇.....
最衰係用左溏心既招牌...同劇集內容..
其次係陣容上...卡士幾好都不及搵左普遍不受歡迎人物參演咁大影響力....

發表於 Posted on: 2018-01-12 22:02

米高風
帖數 Posts: 570
回頂端 / Top
演員老左.....角色可以再執過...

如果係有連貫...
佢地既角色都好自然會係成熟左...

如果好似溏心1同2咁...
角色設定可以SET過...

我覺得稱之為續集...最大要點...
內容有連貫性...即係主要角色人物完全一樣...就好似ON CALL 36小時...

至於溏心1同家好月圓...
劇集主題大致1樣...都係講爭產..但家好月圓內容係同溏心風暴完全無關係...
其實都唔可以稱之為續集...
你可以叫姊妹作...
但慶幸地....
1.溏心風暴同溏心風暴之家好月圓..兩套既陣容大致一樣...
2.家好月圓..唔係標明係溏心風暴2之家好月圓..
家好月圓可以話係劇名既重心....
所以我對家好月圓無乜反感...

可能會覺得我自欺欺人...
雖然無寫明係溏心2....但擺明係溏心既續集...而家重要話溏心風暴3...家好月圓就梗加肯定係溏心2,,
不過至少陣容大致無變...對我黎講...呢方面係最重要

內容無連貫...陣容又變左9成...真係唔明點解重可以標榜寫住係溏心風暴3...

無線真係唔識咩叫見好就收...
溏心風暴...同溏心風暴之家好月圓...2套都咁收得..
好心就收手啦...
係都要打爛個溏心風暴既招牌先安樂既..

而家對深宮計都已經全無寄望...
不過深宮計就深宮計啦...
係都要用宮心計擺頭...宮心計之深宮計...
又係主要人物唔同哂..
但又要打住宮心計既招牌..
等睇宮心計重蹈溏心風暴既後路...
衰收尾...
不過深宮計已經係後話...離左題...唔好意思...

發表於 Posted on: 2018-01-12 22:22

米高風
帖數 Posts: 570
回頂端 / Top
係㗎,所以溏心3咪仆直囉。你要講話有連貫性,但有連貫性都未必掂檔,好似金枝,第一部係傑作,收視口碑WINWIN雙贏,但金枝2,阿佘、林保怡、黎姿冇參演外,大部分都係仲有連貫性,結果收視都一樣仆直。

發表於 Posted on: 2018-01-12 22:30

湖海洗我胸襟
帖數 Posts: 4739
回頂端 / Top
開個玩笑,其實呢部劇嘅真名係《幕後玩家2.0》,係唔打著“幕後玩家”牌照嘅“幕後玩家”,所以開頭咪仆直囉。

不過兩部劇基本上延續咗監製同編審以及部分演員。

發表於 Posted on: 2018-01-13 0:01

湖海洗我胸襟
帖數 Posts: 4739
回頂端 / Top