tvb.com

 
 
tvb.com
 

「老表3」的問題

唔係呀,跨平台收視真係跌到剩番blackjack 21點?!?
....................
《老表3》收視:
1-5集(2017年9月25日-9月29日)星期一至五總收視23.5點
6-10集(2017年10月2日-10月6日)星期一至五總收視22.3點
11-15集(2017年10月9日-10月13日)星期一至五總收視21.7點
16-20集(2017年10月16日-10月20日)星期一至五總收視21.2點

發表於 Posted on: 2017-10-26 20:27

Toy claw 公仔機
帖數 Posts: 893
回頂端 / Top
另一邊廂,同前一週相比,「使徒2」都算係有DD起色嘅,起碼微升了零點一點,噢睇清楚,唔係一點,係0.1點,即係由23.2升到23.3點.......
.........................
1-5集(2017年9月18日-9月22日)星期一至五總收視24.8點(第1集總收視26.7點)
6-10集(2017年9月25日-9月29日)星期一至五總收視24.6點
11-15集(2017年10月2日-10月6日)星期一至五總收視23.8點
16-20集(2017年10月9日-10月13日)星期一至五總收視23.2點
21-25集(2017年10月16日-10月20日)星期一至五總收視23.2點

發表於 Posted on: 2017-10-26 20:41

Toy claw 公仔機
帖數 Posts: 893
回頂端 / Top
而前輯男主角之一張繼聰亦因照顧家庭只能客串演出,導致全劇大換血。
===========================================================
張繼聰要慰妻,所以只是客串了。上文摘自維基百科。

發表於 Posted on: 2017-10-26 20:47

帥到掉渣
帖數 Posts: 3600
回頂端 / Top
老表3,使徒2,雜警收視都創新低,大台收視是一蹶不振了

發表於 Posted on: 2017-10-26 23:45

coogt5026
帖數 Posts: 716
回頂端 / Top
雜警收視,維基還未有update, 好差嗎?又唔怪得嘅,擺係Sunday炮灰檔,想好都難!

發表於 Posted on: 2017-10-27 6:23

Toy claw 公仔機
帖數 Posts: 893
回頂端 / Top
樓上
雜警上星期收視未出,但開劇已來跨平均收視不足20點確是強差人意

發表於 Posted on: 2017-10-27 8:01

coogt5026
帖數 Posts: 716
回頂端 / Top
咁「踩過界」也唔好得去邊(有名你叫,炮灰檔嘛),係結局篇才尚為高DD啫。話時話,「踩過界」咁少人睇都得咁多獎,仲話70%觀眾投票,都幾不可思議囉(真粉絲有冇可能不捧自己偶像場的道理?!加上依家仲係24小時跨平台添,missed左上網追番也計埋!最弊係依家的劇missed左都冇人有興趣上網追番喎,典算好??)

發表於 Posted on: 2017-10-27 8:23

Toy claw 公仔機
帖數 Posts: 893
回頂端 / Top
投票有幾公平大家心裡有數,幾多票源都敵唔過高層一聲令下要捧邊就邊個,但真正受觀迎人氣勁嘅係有事實同數據呃唔到人…另外要我表白,我對踩過界任何演員冇偏見,不過踩過界真係俾高層出通稿唱好唱到洗晒腦,唯一冇辦法改变就係收視平平,点擊率只得使徒行者2嘅四份之一,演員微博粉增長少得可憐,所以就算點吹都冇可能改变事實!

發表於 Posted on: 2017-10-27 9:43

coogt5026
帖數 Posts: 716
回頂端 / Top
係王祖藍太忙啦,沒有時間全情投入,朋友滿天下,又簽左好多藝人做他們的經理人,幫他們商洽接 job, 自己在大陸省市又要出 show, 又代言,又要培太太買吓餸………所以…。希望祖篮 take care, look after 自己 well, 健康和培伴家人最重要:}

發表於 Posted on: 2017-10-27 17:57

taikok
帖數 Posts: 455
回頂端 / Top
咁「踩過界」也唔好得去邊(有名你叫,炮灰檔嘛),係結局篇才尚為高DD啫。話時話,「踩過界」咁少人睇都得咁多獎,仲話70%觀眾投票,都幾不可思議囉(真粉絲有冇可能不捧自己偶像場的道理?!加上依家仲係24小時跨平台添,missed左上網追番也計埋!最弊係依家的劇missed左都冇人有興趣上網追番喎,典算好??)
=====================================================
其實係而家啲人時興睇返啲小品劇囉。職系好似之前Plants vs. Zombie(大陸譯名:植物大戰殭屍)噉,休閒遊戲,但大熱。唔好話咩,就算爾處回覆嘅某位都係鍾意睇啲小品劇。或者話想當年TVB嘅強項之一。

發表於 Posted on: 2017-10-27 19:01

帥到掉渣
帖數 Posts: 3600
回頂端 / Top
因為目前的TVB,就只有小品劇出得大堂。小品劇除了是TVB編劇擅長處理的劇目之外,好多小品劇由演技派演員演出,也比較富有香港色彩例如D街景街市,對白也設計得比較地道貼地,令觀眾覺得有親切感。再加上集數少,劇情不會太拖,所以今年的部分收視也是靠小品劇撐起,可惜就一直不受TVB重視。反而「使徒2」這樣的so-called重本大製作,完全喪失了港劇的味道,失去節奏,過於賣弄造作,加上劇本亦欠缺新意! 不過也不可概括而論嘅,「同盟」收視不錯又作何解釋?

都係要戴番個頭盔先,「以上純屬個人意見」。

發表於 Posted on: 2017-10-27 20:05

Toy claw 公仔機
帖數 Posts: 893
回頂端 / Top
因為目前的TVB,就只有小品劇出得大堂(因為除了是TVB編劇擅長處理的劇目之外,好多小品劇也是由演技比較好的演員演出,加上集數少,劇情不會太拖),收視也是靠小品劇救起,可惜就一直不受TVB重視。不過也不可概括而論嘅,「同盟」收視不錯又作何解釋?
================================================================
嚴格來講,唔係話唔受重視,係應該話,TVB未跟得上時代變遷。其實TVB當年係因為同ATV鬥,將原來擅長嘅小品劇放咗。之後就係1-5時間段。至前段時間,為咗同港視開打,兼播百幾集嘅武則天先導致一連七日播足。其實我覺得而家天下太平,就唔好再變陣啦。其實而家係有啲回塘到同ATV鬥法以前噉。

所以我都感覺,係時候出返多啲小品劇救收視。而且我覺得TVB而家同內地都有個唔係幾好嘅現象,就係冇咁重視培訓。

我覺得而家一個重點就係要重視返訓練班。一年到三年訓練期,然後出嚟做返一兩年,再次榮升做男二,然後男一。

訓練班嗰啲先平靚正。入來全部係便宜貨,然後慢慢升級。哈哈。

發表於 Posted on: 2017-10-27 20:06

帥到掉渣
帖數 Posts: 3600
回頂端 / Top
TVB同港視打仗的時候收視邊有依家咁頹?除了被高薪利誘去港視的一群,其他人都好齊心迎戰,反而安享太平的時候才引致第二波離巢潮,好明顯,係新管理有問題啦。

發表於 Posted on: 2017-10-28 8:37

Toy claw 公仔機
帖數 Posts: 893
回頂端 / Top
收視變頹係因為同ViuTV鬥開始嘅。

因為ViuTV嘅上頭李家之前撬走唔少高層過去,導致TVB蜀中無大將,咪只好起壇作法,引入新嘅管理層引啲天兵天將過嚟囉。不過由於好多天兵天將(有線幫)不食人間煙火,拍劇二流,咪只能廖化作先鋒,搵啲亞視人頂住先囉。

所以其實我係支持攞出嗰份同港視打嘅幹勁出嚟同李家死過嘅,來過“萬眾同心打鑊金”嘅,最重要係保證將對方打到四條九千足純金嘅。

發表於 Posted on: 2017-10-28 15:02

帥到掉渣
帖數 Posts: 3600
回頂端 / Top
打錯字,將“個”打成咗“過”。

發表於 Posted on: 2017-10-28 15:03

帥到掉渣
帖數 Posts: 3600
回頂端 / Top
打鑊金?點打?

有號召力的小生花旦,有料的幕後,走下一個,走下又一個,就因為政治派系鬥爭,有潛能的又唔去捧,演技及觀眾緣麻麻的,又夾硬捧,搞到觀眾怨聲載道.....

發表於 Posted on: 2017-10-28 19:52

Toy claw 公仔機
帖數 Posts: 893
回頂端 / Top
TVB的霸道,要所有人歸順於佢的態度亦令佢在市場越來越被孤立......人地ViuTV連Eason陳奕迅也請得到嚟拍劇呢。

發表於 Posted on: 2017-10-28 19:58

Toy claw 公仔機
帖數 Posts: 893
回頂端 / Top
噉又係。ViuTV的確尺度比較大啲。比較開放。

發表於 Posted on: 2017-10-28 21:41

帥到掉渣
帖數 Posts: 3600
回頂端 / Top
今時今日的TVB劇,有理無理都show長腿,晒事業線,露股溝令觀眾大飽眼福,論「開放」程度,睇怕連日劇也望塵莫及(利申:除了港劇,偶爾也會睇下日韓劇),TVB根本冇得輸!

發表於 Posted on: 2017-10-29 6:14

Toy claw 公仔機
帖數 Posts: 893
回頂端 / Top
其實點講呢,十年前已經有多少噉喇。而家其實係受到韓流影響。但點講呢,其實華人畢竟係比較傳統,點開放都冇可能開放到韓國嗰個程度。唔係點解之前香港嘅某組合想學人地T-ara噉結果畫虎不成反類犬。我覺得港片應該跟日本學習保留自己嘅特色,唔係學人地抖胸扭臀秀大腿。

發表於 Posted on: 2017-10-29 11:56

帥到掉渣
帖數 Posts: 3600
回頂端 / Top
韓國的女藝人比較錫身,好少在劇裡袒胸露背,再者觀眾以女性為主,可能亦怕引起反感吧?!劇情需要我係OK的(係真係劇情需要至好!),不過也應該適可而止吧,唔需要下下大特寫大篇幅仲用埋嚟做宣傳嘅,最弊係TVB的導演又拍到美感不足猥瑣有加,搞到套劇即時降晒grade。再者,8.30-10.30係合家歡家庭樂時間,TVB係免費電視台亦應該顧及社會責任。

發表於 Posted on: 2017-10-30 7:49

Toy claw 公仔機
帖數 Posts: 893
回頂端 / Top
日本也有好多描述成人話題的電視劇例如不倫戀之類,一般都以探討形式進行,著重故事性發展多過「感官上刺激」(而且好多用女性角度出發。畢竟煲劇的人也是以女性為主),這類劇集一般也是擺在深夜時段播出,收視一般也不會太高。

發表於 Posted on: 2017-10-30 7:57

Toy claw 公仔機
帖數 Posts: 893
回頂端 / Top
講番套劇的問題吧,除了劇本問題,見好多觀眾對林欣彤的「演技」也頗有微言,這也是同高層的政策有關吧?TVB唔係冇演藝訓練班,但今時今日的TVB,機會不再留俾訓練班的人。胡鴻鈞,吳業坤和吳若希等他們都係唱家班出身,訓練班出身的就由低做起,而佢地呢?一來就擔要角,何來「演技」?佢地的角色,唔通訓練班真係冇人選可以演?由訓練班出來的人演唔會演得好過佢地?如果話他們本身已好有名氣(如Eason,子華等),TVB想借他們的名氣去提升套劇的人氣我還可以明白(呢D叫互相利用,互惠互利),但依家的情況係歌手人氣麻麻就用電視劇去捧或催谷,你唔覺得奇怪嗎?最搞笑係D人仲叫你俾機會佢地(唱家班及節目主持)去「慢慢進步」(大佬,佢地好多都三張幾啦,咁對訓練班D人公平咩?!),結果就搞到成個TVB退晒步!無他的,星夢係余小姐老公話事,根本就兩公婆玩到晒,亦遲早俾佢兩玩死。

發表於 Posted on: 2017-10-30 8:53

Toy claw 公仔機
帖數 Posts: 893
回頂端 / Top
日本也有好多描述成人話題的電視劇例如不倫戀之類,一般都以探討形式進行,著重故事性發展多過「感官上刺激」(而且好多用女性角度出發。畢竟煲劇的人也是以女性為主),這類劇集一般也是擺在深夜時段播出,收視一般也不會太高。
==========================================
爾個我都知道,所以而家咪開始深夜劇囉,所以我係支持將一啲尺度比較大嘅劇集放於深夜時段㗎。日本由於缺乏電視劇集分級制度,所以先會有約定俗成噉樣做法嚟照顧成年觀眾。好似之前嘅《孃王》、《牙狼》都係深夜播放㗎。因為兩套都係以成人為針對對象嘅。

發表於 Posted on: 2017-10-30 10:17

帥到掉渣
帖數 Posts: 3600
回頂端 / Top
依家的TVB劇,幾乎套套都有成人情節或重口味畫面,就連處境劇也學人玩埋SM橋,照咁講,咪全部都要掟上深夜才可出街?到時就真係....搵。鬼。睇。喇.....

發表於 Posted on: 2017-10-30 12:48

Toy claw 公仔機
帖數 Posts: 893
回頂端 / Top