tvb.com

 
 
tvb.com
 

「老表3」的問題

咁「踩過界」也唔好得去邊(有名你叫,炮灰檔嘛),係結局篇才尚為高DD啫。話時話,「踩過界」咁少人睇都得咁多獎,仲話70%觀眾投票,都幾不可思議囉(真粉絲有冇可能不捧自己偶像場的道理?!加上依家仲係24小時跨平台添,missed左上網追番也計埋!最弊係依家的劇missed左都冇人有興趣上網追番喎,典算好??)
=====================================================
其實係而家啲人時興睇返啲小品劇囉。職系好似之前Plants vs. Zombie(大陸譯名:植物大戰殭屍)噉,休閒遊戲,但大熱。唔好話咩,就算爾處回覆嘅某位都係鍾意睇啲小品劇。或者話想當年TVB嘅強項之一。

發表於 Posted on: 2017-10-27 19:01

湖海洗我胸襟
帖數 Posts: 5234
回頂端 / Top
因為目前的TVB,就只有小品劇出得大堂(因為除了是TVB編劇擅長處理的劇目之外,好多小品劇也是由演技比較好的演員演出,加上集數少,劇情不會太拖),收視也是靠小品劇救起,可惜就一直不受TVB重視。不過也不可概括而論嘅,「同盟」收視不錯又作何解釋?
================================================================
嚴格來講,唔係話唔受重視,係應該話,TVB未跟得上時代變遷。其實TVB當年係因為同ATV鬥,將原來擅長嘅小品劇放咗。之後就係1-5時間段。至前段時間,為咗同港視開打,兼播百幾集嘅武則天先導致一連七日播足。其實我覺得而家天下太平,就唔好再變陣啦。其實而家係有啲回塘到同ATV鬥法以前噉。

所以我都感覺,係時候出返多啲小品劇救收視。而且我覺得TVB而家同內地都有個唔係幾好嘅現象,就係冇咁重視培訓。

我覺得而家一個重點就係要重視返訓練班。一年到三年訓練期,然後出嚟做返一兩年,再次榮升做男二,然後男一。

訓練班嗰啲先平靚正。入來全部係便宜貨,然後慢慢升級。哈哈。

發表於 Posted on: 2017-10-27 20:06

湖海洗我胸襟
帖數 Posts: 5234
回頂端 / Top
收視變頹係因為同ViuTV鬥開始嘅。

因為ViuTV嘅上頭李家之前撬走唔少高層過去,導致TVB蜀中無大將,咪只好起壇作法,引入新嘅管理層引啲天兵天將過嚟囉。不過由於好多天兵天將(有線幫)不食人間煙火,拍劇二流,咪只能廖化作先鋒,搵啲亞視人頂住先囉。

所以其實我係支持攞出嗰份同港視打嘅幹勁出嚟同李家死過嘅,來過“萬眾同心打鑊金”嘅,最重要係保證將對方打到四條九千足純金嘅。

發表於 Posted on: 2017-10-28 15:02

湖海洗我胸襟
帖數 Posts: 5234
回頂端 / Top
打錯字,將“個”打成咗“過”。

發表於 Posted on: 2017-10-28 15:03

湖海洗我胸襟
帖數 Posts: 5234
回頂端 / Top
噉又係。ViuTV的確尺度比較大啲。比較開放。

發表於 Posted on: 2017-10-28 21:41

湖海洗我胸襟
帖數 Posts: 5234
回頂端 / Top
其實點講呢,十年前已經有多少噉喇。而家其實係受到韓流影響。但點講呢,其實華人畢竟係比較傳統,點開放都冇可能開放到韓國嗰個程度。唔係點解之前香港嘅某組合想學人地T-ara噉結果畫虎不成反類犬。我覺得港片應該跟日本學習保留自己嘅特色,唔係學人地抖胸扭臀秀大腿。

發表於 Posted on: 2017-10-29 11:56

湖海洗我胸襟
帖數 Posts: 5234
回頂端 / Top
日本也有好多描述成人話題的電視劇例如不倫戀之類,一般都以探討形式進行,著重故事性發展多過「感官上刺激」(而且好多用女性角度出發。畢竟煲劇的人也是以女性為主),這類劇集一般也是擺在深夜時段播出,收視一般也不會太高。
==========================================
爾個我都知道,所以而家咪開始深夜劇囉,所以我係支持將一啲尺度比較大嘅劇集放於深夜時段㗎。日本由於缺乏電視劇集分級制度,所以先會有約定俗成噉樣做法嚟照顧成年觀眾。好似之前嘅《孃王》、《牙狼》都係深夜播放㗎。因為兩套都係以成人為針對對象嘅。

發表於 Posted on: 2017-10-30 10:17

湖海洗我胸襟
帖數 Posts: 5234
回頂端 / Top
確實應該以閤家歡為主要對象,830-1030時段的黃金時段劇集。深夜時段劇集你鐘意點就點。跟日本按時段分級制。

發表於 Posted on: 2017-10-30 13:03

湖海洗我胸襟
帖數 Posts: 5234
回頂端 / Top
其實見到評論裡面以笑點、劇情的緊湊度、某些演員演技的角度去切入,而一面倒的認為呢套電視劇不好看、或是沒興趣去看是非常可惜。
的確,承如大家所言,佢係呢幾個角度冇《老表》1、2咁正,但係相比對1、2今次3所帶出黎的不單是社會現況,仲有更多反思空間,以往係好好笑為主,也有點出某D問題,可惜「唔到肉」,但今次反思的主題係相對清晰和濃烈──關於教育的問題。
另外,某D演員的演技未成熟,但有帶比我強烈的新鮮感。
所以我覺得《老表3》所帶出既野係精彩,可惜細緻位做得唔好,主題未有好好整合擴展,所以有比人主題唔清晰既錯覺,就好似未經打磨的美玉,以至於某D人未能睇到佢出彩的地方。
一套好的電視劇除了演員的演技、劇情、主線...之外,仲應該係有D野睇完之後,係可以帶走,係會有反思既。之往劇集好精彩,好似一幅五彩繽紛的圖畫,比人目不暇給的感覺;今次多左幾分留白,比左好多思考既黠比我地,有待人深思,所以呢個都係個好嘗試,係「另類既好劇」!!!

發表於 Posted on: 2017-10-30 17:18

miyako000
帖數 Posts: 1
回頂端 / Top
其實見到評論裡面以笑點、劇情的緊湊度、某些演員演技的角度去切入,而一面倒的認為呢套電視劇不好看、或是沒興趣去看是非常可惜。
的確,承如大家所言,佢係呢幾個角度冇《老表》1、2咁正,但係相比對1、2今次3所帶出黎的不單是社會現況,仲有更多反思空間,以往係好好笑為主,也有點出某D問題,可惜「唔到肉」,但今次反思的主題係相對清晰和濃烈──關於教育的問題。
另外,某D演員的演技未成熟,但有帶比我強烈的新鮮感。
所以我覺得《老表3》所帶出既野係精彩,可惜細緻位做得唔好,主題未有好好整合擴展,所以有比人主題唔清晰既錯覺,就好似未經打磨的美玉,以至於某D人未能睇到佢出彩的地方。
一套好的電視劇除了演員的演技、劇情、主線...之外,仲應該係有D野睇完之後,係可以帶走,係會有反思既。之往劇集好精彩,好似一幅五彩繽紛的圖畫,比人目不暇給的感覺;今次多左幾分留白,比左好多思考既黠比我地,有待人深思,所以呢個都係個好嘗試,係「另類既好劇」!!!
=============================================================
不過現時香港嘅教育確實有問題。其實我覺得回復回以前港英時期的教育模式會較好的說。

發表於 Posted on: 2017-10-30 23:33

湖海洗我胸襟
帖數 Posts: 5234
回頂端 / Top
套劇最大嘅問題固然係兩頭唔到岸(講教育又唔係,搞笑又唔係),但係另一個major problem 就係啲支線太多、太散, 搞到成個focus好集中唔到,支線開得太多,但係又收得求其…… 好似欣宜嗰角色,其實有啲多餘, 彷彿佢一出場要講嘅對白就係"我要打到你變locker", 而且講佢揾阿爸、最後認番阿爸,我就feel唔到有d咩感動嘅感覺……
仲有就係史德華同程舒, 坦白講,一路都覺得套劇唔多掂,已經好耐冇睇,終於有一晚吸引到我開始留意下套劇就係佢哋呢條線, 雖然都開心佢哋終於可以喺埋一齊,不過真係覺得刻劃唔夠深刻, 而且拖得太耐(岑麗香個角色都又係多餘,佢嘅加入就係為咗喺史德華程舒之間有一個第三者? 好啦,到岑麗香走咗我以為佢哋會有啲咩進展la,點知又無厘頭殺出個欣宜情節來[雖然最後係講係史德華家姐], 但始終感覺呢個位有啲為拖而拖,真係唔明點解佢哋要拖咁耐, 而且最後喺埋一齊嘅時候個刻劃可以再做得好啲(haha 我以為會有kiss㗎嘛,唉……)
仲有仲有, Bob 個色真係全劇最煩最多餘, 佢個角色一出場(只係指角色,唔係演員)我就好想嘔……
最後就係覺得校長呢個角色係有啲奇怪,又唔可以話係多餘,都起到重要作用,但係如果呢套劇真係要focus講教育嘅話, 就應該描寫多啲學生同老師之間嘅日常, 校長無啦啦有段感情線其實係有d格格不入( 呢個位明顯睇到係因為男女主角所以一定要有感情線, 感覺上校長呢個角色當初定位有啲差, 應該定位系戲份比較重嘅配角會適合d……)

呢套劇要讚嘅地方我唸就只有babyjohn 令人眼前一亮嘅演繹(我覺得佢都幾算係全劇嘅亮點,一有佢嗰啲場次都幾有氣氛), 史德華同程舒嘅感情線,同埋嗰隻幾勵志嘅主題曲(我覺得有啲嘥咗首主題曲, 歌詞本身意景真係幾勵志, 可惜套劇真係唔多營造到辛辛學子係克服完dse之後面對升學、抱負、前途嘅抉擇, 以及師生情個種氣氛)……

發表於 Posted on: 2017-11-03 4:58

youhoo
帖數 Posts: 2119
回頂端 / Top
套嘢拍出好似間學校名嘅感覺:燦爛!結果只拍出一半效果…

發表於 Posted on: 2017-11-04 1:10

阿耀
帖數 Posts: 174
回頂端 / Top