tvb.com

 
 
tvb.com
 

編劇畏首畏尾,怕擔當唔起「改寫歷史」嘅道德包袱?令人失望

大結局最令人失望係編劇去到最後臨門一腳都唔敢貫徹始終,做一套徹頭徹尾嘅天馬行空瘋狂喜劇:改寫歷史,令明朝延長135年,全世界改變,很好!天馬行空,有咩唔得?做戲之嘛!況且新嘅現況一d都唔差!連間鳳鳴居都仲起度,全家健全個個有手有腳!四個明朝人留起現代有咩問題?點解一定要咁道德L要番去「還原歷史正軌」?「還原」咁即係點,即係袁崇煥「應該」要番去等比人凌遲處死?即係太子妃「應該」要番去嫁個廢柴太子,永遠同愛人分開?咁樣就係天下太平?完全唔明白tvb你地所謂嘅「喜劇」係點寫。你諗得穿越呢個idea, 都係預咗由頭到尾老作架啦,做咩臨尾先黎扮晒「不能改變歷史」?好令人失望。

發表於 Posted on: 2017-08-28 11:30

逍遙子
帖數 Posts: 166
回頂端 / Top
呢D咪就係又要威,又要戴頭盔, 自打嘴巴囉!

發表於 Posted on: 2017-08-28 11:37

Toy claw 公仔機
帖數 Posts: 302
回頂端 / Top
其實邏輯上唻講,企喺袁崇煥佢哋視點,由於之後嘅所謂「歷史」根本仲未發生,所以本身就冇所謂「歷史正軌」可以還原。仲有,即使佢哋返番明朝,由於佢哋去過未來世界,知多咗好多嘢,令致佢哋每作出任何一個決定,都會同「原來」會作出嘅有分別,換言之,跟住發生嘅「歷史」係一定會隨之改變,冇可能返到去所謂「正軌」。

發表於 Posted on: 2017-08-29 17:10

冷眼橫眉
帖數 Posts: 254
回頂端 / Top
樓上,突破盲點,犀利犀利! 其實我睇完最後兩集(係讀完網民的comments 之後,才想到要睇的,因為似乎好似每個人講嘅嘢都唔一樣,實在好奇),都有相同疑問,4個人穿越到現代的那一瞬間,歷史咪就已經改變左囉?.仲點還原歷史軌跡?咪忘記,仲有個現代人卓華亦都被張誠帶埋過去明朝(根本一切已經不是原來的模樣),而根據劇情所描述,返去會提早結束明朝的國祚,唔知就話者,知道都仲要咁做?所以我咪話囉,點解劇裡的人連基本正常人的思維都冇?

發表於 Posted on: 2017-08-29 17:29

Toy claw 公仔機
帖數 Posts: 302
回頂端 / Top
@逍遙子,
編劇早已經亂改左歷史喇所以我話編劇唔係畏首畏尾,而係寫大左根本唔識點埋尾。
編劇眼高手低自己都寫到一塌糊塗不斷自相矛盾!睇怕佢自己都未搞清楚這些穿越是「改變了歷史」定「改變不了歷史」?同埋混淆了理論上「幾時開始發生蝴蝶效應的」?

自相矛盾的仲有班男臣的性格,班「忠臣」為左女人竟決定唔返明朝,但係又為左鳳鳴居明明留低可以令明朝延長135年國祚佢地反而又要返番去令明朝早D完。完全唔講邏輯亦唔合理。究竟明朝緊要定鳳鳴居緊要?
如果編劇將設定改為男臣留低會令明朝國祚「縮短」135年咁都仲合情理些少。總之編劇搞到觀眾好混亂。想留伏線唔該度高D喇。

發表於 Posted on: 2017-08-29 20:04

廣角鏡
帖數 Posts: 123
回頂端 / Top
@冷眼橫眉 ,

冇錯,佢地因為曾有穿越現代的經歷,增添了見識自會影響「原來」會作出嘅決定,所以跟住發生嘅「歷史」係一定會隨之改變,冇可能返到去所謂「正軌」。
問題係在佢地返到明朝那一年,「正軌」歷史仍未發生。但係在現代人來講,成個明朝興衰是已經發生了的歷史。嚴格來說,要成就這個「正軌」歷史是一個「過程」,因穿越原因故此「改變了路線」,但係殊途同歸,無論點行「結果」仍會是一樣。天命不可違也!

很多穿越劇都有這個總結:
【想「改變」歷史卻總是自己「促成」歷史,最終都無法改變到歷史】

發表於 Posted on: 2017-08-29 20:39

廣角鏡
帖數 Posts: 123
回頂端 / Top
其實樓上第一個post同我之前質疑過嘅非常相似。
「作為大明的文武官,之前仲開口埋口話要返明朝殺魏忠賢,當知道三弟係魏忠賢之後,表現竟可以如此「反常」?左光斗仲夠膽死點張誠返大明謀朝篡位,最不可思議的係標榜忠心愛國的袁崇煥知道張誠返去想做皇帝竟然又改變主意留返係現代?之後返明朝的理由更是荒謬到一個點,明知返去會減短明朝國祚135年都決定要返(那也只是左光斗自己推測/任噏的理論),原因係不想見到鳳鳴居同眾人變成咁?自己一心效忠的大明竟然還不如一間鳳鳴居?劇裡的袁崇煥和左光斗,啲價值觀係咪好有問題呀?編劇咁寫法,究竟係咪有心要黑袁崇煥同左光斗?
發表於 Posted on: 2017-08-28 23:20」

發表於 Posted on: 2017-08-30 6:30

Toy claw 公仔機
帖數 Posts: 302
回頂端 / Top
其實第二點,我也有在另一個post,簡單的提出過我的睇法,我猜想外國拍「穿越時空」的構思應該係建基於物理的多重宇宙論(multiverse 或 meta-universe),或者叫多元宇宙論,指的是一種在物理學裡尚未證實的假說,即係話一個事件不同的過程或一個不同的決定的後續發展是存在於不同的平行宇宙中的,即係好似我們的「因果」關係論,改變個「因」,有可能改變個「果」亦有可能改變不了。

所以我之前也講過,我認為穿越劇的精髓有兩點(總之,穿越一開始,就已經脫離了歷史軌跡,那就是編劇可以發揮創意的地方)

1.)睇D主角如何改寫歷史(注:唔係睇編劇如何「篡改歷史」)即係睇劇裡人如何努力去改變「因」而帶出不同的「果」

又或者係

2.)證明就算劇裡角色如何努力想改變「因」,都沒法改寫歷史即係沒法改變不幸的「果」因為天意難違所帶出的缺陷美例如如此劇般,始終改變不了明朝滅亡,袁崇煥被凌遲。通常,用呢個方向寫,就比較有難度因為寫得太「夾硬」,觀眾就不能信服了。

發表於 Posted on: 2017-08-30 6:34

Toy claw 公仔機
帖數 Posts: 302
回頂端 / Top
好多劇粉會拗話,既然係「虛構」,有何不可?作為一個編劇,要將自己虛構嘅嘢傳遞俾觀眾的確不容易,因為可能性有N個,觀眾的疑問亦可以有N個,所以好的科幻電影,都會為他的理論做一些「假設」來自圓其說,例如韓劇的「W兩個世界」,D角色由漫畫的二次元世界走入真實世界,時間就會停留這樣的設定。

發表於 Posted on: 2017-08-30 7:17

Toy claw 公仔機
帖數 Posts: 302
回頂端 / Top
就算TVB以前拍的神話劇都算係科幻類,也有一些可以自圓其說的設定例如天上一分鐘,人間數十年.....咁觀眾才會從那個設定了解到點解人間D人會老得咁快......

發表於 Posted on: 2017-08-30 7:21

Toy claw 公仔機
帖數 Posts: 302
回頂端 / Top
佢之前個trailer係預告左,返明朝都改變唔到,因為張誠改變左時間,唯一就係現代等死,同埋係改變,係晨早改變,唔係宜家先改變

發表於 Posted on: 2017-08-30 11:18

etboy27
帖數 Posts: 186
回頂端 / Top
既然係咁,就無謂返去,要送死又要做明朝罪人去縮短國祚135年,條數點計都唔啱,倒不如留番係現代從新搞好鳳鳴居,從新追過大小姐二小姐,小李子仲可以好似其他網民所建議咁,去做一次外科手術做番個真男子漢,咁咪幾好。所以根本個結局就唔知編劇想點,D設定亂七八糟,好似係即興佢話點就點咁,根本任佢嗡,而觀眾諗唔通,就一定會問點解㗎啦.......

發表於 Posted on: 2017-08-30 11:46

Toy claw 公仔機
帖數 Posts: 302
回頂端 / Top
我真心覺得,成套劇本來唔係咁

有冇留意最後,汪以珊話,如果套戲順,演員對白加減無分別..

跟住另一個演員話,做咩扮清高..好似有心帶出件事
就係呢套戲為左捧新人去做...
韋家雄可有可無.杜大偉又係..鳳鳴居可以有..直程連天朝無都得
直頭一開始講佢地係片場d事..

不過成套戲都帶出一點..就係杜大偉同韋家雄做到個d.大佬無腦ge位置..做左咁耐都係咁傻傻下
人地用30蚊搏六連環..妖..你30搏一場都得la
杜大偉就傻傻下30000搏六連環,有30000蚊就搏股市la,我仲以為左光斗之後會進軍股市,然後吞併天朝..做大股..最後都係戇居仔一名

發表於 Posted on: 2017-08-30 12:02

etboy27
帖數 Posts: 186
回頂端 / Top
本来期待明朝没有灭亡,持续到今天的局面。现在没了。

只能想象,魏忠贤因为两位哥哥被残杀而决志灭明。

發表於 Posted on: 2017-08-30 12:49

懒家伙
帖數 Posts: 20
回頂端 / Top
Etboy,你係指姜大衛下嘛?

其實劇裡的角色設定都係編劇憑想像自己隨意作出嚟的,所以劇裡的左光斗有幾叻,亦反映出編劇有幾叻.......

發表於 Posted on: 2017-08-30 12:53

Toy claw 公仔機
帖數 Posts: 302
回頂端 / Top
比我係編劇就玩大d..
左光斗就跑馬起家,然後就一直滾住舊錢去股市,趁低吸納

吞埋天朝,比二弟打骰...

仲有..嬌姨佢話唔賣股權,ivan上唔到位都會出去另起爐灶
我反而想睇ivan上唔到位,嬌姨去開新公司,搞另一個故事出黎

發表於 Posted on: 2017-08-30 17:54

etboy27
帖數 Posts: 186
回頂端 / Top
如果俾我寫,我會寫卓華係比眾人早穿越時空的魏忠賢,來到現代發左跡,咁年紀同性格上就同真歷史吻合,亦可以製造更多神秘感。

至於何廣沛飾演的小李子就係小李子,好似金庸小說的虛構人物例如郭靖....一樣可以同二小姐發展感人肺腑的感情線,又唔駛被「魏忠賢」嘅「身份」綁手綁腳。

發表於 Posted on: 2017-08-30 18:11

Toy claw 公仔機
帖數 Posts: 302
回頂端 / Top
我希望可以盡量跟番個真歷史設定......在D灰色地帶玩下gag, 我反而覺得可以接受。

發表於 Posted on: 2017-08-30 18:19

Toy claw 公仔機
帖數 Posts: 302
回頂端 / Top
所謂的「灰色地帶」就係歷史沒有紀錄的地方...

發表於 Posted on: 2017-08-30 18:21

Toy claw 公仔機
帖數 Posts: 302
回頂端 / Top