tvb.com

 
 
tvb.com
 

劇中不通和犯駁的歷史謬誤

樓樓上,見你咁有heart, 我又不妨繼續同你討論下,呢個問題其實我都有諗過,不過你又要咁睇喎,電影同電視劇最唔同的地方係在於電影一般兩,三粒鐘就完,D觀眾俾左錢去睇,點都會死死氣睇完先嚟鬧,而電視劇,廿幾三十集,又唔駛俾錢睇,唔好睇的話,咪唔睇囉,隨時可以棄劇(也可以好直接反映係收視度)。再者D電影觀眾都係抱著睇大製作,好卡士,新科技(新CG),睇靚車被炒到飛起好過癮,咪執輸的心理而行入戲院,人地的對象係「全球票房」,TVB呢?可以拍得幾多套大製作?market已經好細好有限(同韓劇也冇得比),要回本,並不容易(唔係也不會積極去開拓中國市場)....

Transformers 拍到爛晒係事實,Michael Bay亦心裏有數,於其死得難睇,已經宣布不再拍,呢D咪叫自己之明囉。香港的電影或電視劇製作人除了周星馳之外就沒有幾多個有呢方面的「遠見」,誓要拍到個題材爛晒俾觀眾唾棄才甘願罷手(香港電影界落得今日咁嘅田地也多得他們唔少),就好似王晶的「賭城風雲III」,連內地觀眾都大嗌回水,仲勸發哥華仔唔好再拍爛片,咁係咪難睇?所以呢套「賭場群英會」,就算卡士多麼的吸引,一讀完故事大綱之後,我已經冇打算睇(所以你冇見到我鬧囉!而收視,亦說明一切!)。

其實製作一套電影或一齣電視劇,劇本的本錢係最平亦可以講係最貴(矝貴)的,因為係最可以幫公司賺錢的「武器」,我之前舉的兩套日劇例子Code Blue 3 和「過度保護的加穗子」也是最佳說明,公司若不懂得珍惜好的編劇,亦不會有什麼前景可言!

發表於 Posted on: 2017-09-05 6:27

Toy claw 公仔機
帖數 Posts: 847
回頂端 / Top
唔好意思,手誤將「自知之明」打成「自己之明」,在此修正。

發表於 Posted on: 2017-09-05 7:51

Toy claw 公仔機
帖數 Posts: 847
回頂端 / Top
六叔對香港影視界的貢獻真係功不可沒,正如樓上的其中一位網友所指出,有heart好重要!他老人家真係好有heart去搞好香港的電視劇,我相信比較senior的監製和編劇應該也係受到邵爵士的影響對各方才會有份堅持,所以我認為,成功不是必然的.....

80年代的劇捧紅發哥和劉華,「大時代」捧紅左劉青雲,「尋秦記」和「神鵰俠侶」捧紅左古仔,「衝上雲霄」就跑出了4S.....不如你又諗下,今日的TVB,又點解會搞到青黃不接,D藝人俾大台hard sell極都上唔到位?

時間對我嚟講好寶貴,我亦分得出forum裡面邊D評語有參考價值,邊D只為幫手吹噓,一般好的劇集(就算低成本,冇大卡士)係會特別感動到觀眾的心嘅,他們的評語才是最真實最好的「廣告」,所以我唔需要每一套劇都要花時間去睇完才可以下評論話值不值得睇。

發表於 Posted on: 2017-09-05 12:03

Toy claw 公仔機
帖數 Posts: 847
回頂端 / Top
唔係話有冇Heart嘅問題。而係只要係電影或者電視,都會有分類,有動作、喜劇、劇情、紀錄片等等。

佢地區別在於個Focus Point。動作片嘅焦點係動作,跟著為咗突出動作,就會將其細節化而其他則粗略處理。喺動作片,劇本唔需要咁靚,重點係要打到出彩。

喜劇嘅焦點係製造笑彈。而為咗製造笑彈,係通過同現實有好大差異嚟製造。而如果加上科幻或者奇幻等元素,則會更加虛無,與現實差異衝突更大。所以好似“超時空”爾啲片佢本身就要發生同現實嘅差異,因為爾個係劇集本身所需。係科幻/虛幻喜劇。所以當然任掟葫蘆。而劇本同樣唔係需要特別靚仔。

劇情片啱啱相反,劇本就會變成重要,到爾處,動作、搞笑嘢又會作出粗略化處理,甚至完全唔搞笑。因為重點係情節。至於故事真唔真實已經唔重要。

紀錄片則係要乜都真。紀錄片,可以係記事性嘅講故事噉講,而且內容全部真實,合乎邏輯。

你地嘅要求在於劇情片、紀錄片同喜劇、動作片不分。將一部喜劇、動作拍到劇情片、紀錄片噉款,噉仲要啲戲劇分類嚟做乜?!仲使乜將影視分門別類?!

唐朝詩歌《長恨歌》嘅內容亦都有好多唔符合史實邏輯,但並唔妨礙成為文學名篇,而且用嘅亦都係名人,唐玄宗李隆基同楊玉環嘅故事。

但文學就係噉,好多時係會對歷史名人等作出文學化處理。影視同理。噉即係如同將《三國演義》(羅貫中著)以及《三國志》(陳壽著)混淆冇乜區別。

發表於 Posted on: 2017-09-05 12:10

帥到掉渣
帖數 Posts: 3556
回頂端 / Top
再講Focus Point噉,你好似如果拍警匪劇,重點係個重案組即時一大棚人,各有分工,你再睇該劇嘅法證部,得個兩丁人(參見《陀鎗師姐3》)

然後你再睇《法證先鋒》系列嗰時,個重案組立即人馬大縮水。雖然仍然保留有一定人,但頂盡5個。

爾啲就係戲劇化處理時會出現嘅,將要重點講述嘅部門作精細化處理,而非重點講述嘅部門粗略化處理。如果兩個作同樣嘅處理,就會屬於主次不分。

發表於 Posted on: 2017-09-05 12:16

帥到掉渣
帖數 Posts: 3556
回頂端 / Top
樓上,你講嘅,部分贊同(focus point),部分不贊同。所以我才指出電影和電視劇的差別.....電視劇點講都係需要靠劇情帶動......好的劇本才會帶出動人劇情,keep住觀眾追看的慾望。

發表於 Posted on: 2017-09-05 12:28

Toy claw 公仔機
帖數 Posts: 847
回頂端 / Top
唐朝詩歌《長恨歌》嘅內容亦都有好多唔符合史實邏輯…
*************************

嘩,咁真係願聞其詳喇,咪過噏得就噏喎!

發表於 Posted on: 2017-09-05 12:31

冷眼橫眉
帖數 Posts: 295
回頂端 / Top
爾點樓上可以去睇下維基相關條目,原文太長。懶得貼,你可以Copy 長恨歌 落去搜索欄嗰處,然後自己一查就知。

發表於 Posted on: 2017-09-05 12:45

帥到掉渣
帖數 Posts: 3556
回頂端 / Top
對於樓上阿帥哥講到唔同劇種有唔同嘅聚焦位,呢點絕對認同。

最明顯嘅例子應該係賭片/劇,由於故事聚焦喺「賭」,所以幾乎所有問題都係用賭嚟到解決,呢層絕對唔係問題,如果下下都出動到警察,講法律,反而會變得唔湯唔水。

武俠劇亦都一樣,睇得武俠劇,就唔會質疑到底有冇掌風、輕功、點穴同埋「慾火焚身散」呢啲一定要失身先至可以解得到嘅毒藥。

不過同樣道理,叫得歷史穿越劇,其中一個聚焦位正正就係「歷史」,試問又點可能視歷史如無物,鍾意亂改就亂改呢?我當然唔會苛求到連少少戲劇上嘅改動都唔可以接受,之但係如果連最基本嘅遊戲規則(如劇中古人根本就唔係身處同一年份)都唔遵守,一味打茅波,咁就真係消化唔到囉。

發表於 Posted on: 2017-09-05 12:56

冷眼橫眉
帖數 Posts: 295
回頂端 / Top
不妨介紹一套美劇《SLEEPY HOLLOW》畀大家參考。

呢套劇正正就係講穿越,而且仲牽涉到大量玄幻同巫術嘅嘢,照計真係可以天馬行空,之但係劇中凡係同一啲歷史人物/事件扯上關係嘅地方,就絕對認真看待,唔會亂Q咁嚟,起碼唔會寫華盛頓同林肯係好BUDDY囉。

發表於 Posted on: 2017-09-05 13:02

冷眼橫眉
帖數 Posts: 295
回頂端 / Top
真係好多謝阿帥哥提到《長恨歌》,正正帶出咗我想講嘅重點。

如果大家稍為睇過維基入面關於《長恨歌》嘅相關史實典故同文學表現手法部分,就可以清楚知道,白居易呢首詩入面,對於唐玄宗同楊玉環之間嘅一段愛情故事,冇錯有好多經過文學手法包裝同改動嘅地方,但係都只限於一啲細位,而絕對唔係我一直強調嘅基本歷史事實。

https://zh.wikipedia.org/wiki/%E9%95%B7%E6%81%A8%E6%AD%8C

發表於 Posted on: 2017-09-05 13:10

冷眼橫眉
帖數 Posts: 295
回頂端 / Top
好明顯「男臣」係搏大霧,out of focus (失去焦點)啦,哈哈.....

發表於 Posted on: 2017-09-05 13:13

Toy claw 公仔機
帖數 Posts: 847
回頂端 / Top
咁啱最近有套韓劇「人孔」也是講穿越的,收視跌到落新低(再咁跌法,都唔知會不會腰斬),電視台為了挽救收視,近日已宣布加入多一位編劇編寫劇集,望令劇情更加順暢。

所以話,「穿越」這樣的題材,難度極高,冇番D料的編劇,隨時害埋D藝人!

。。。。。。。。

《Manhole:奇幻國度的奉弼》(韓語:맨홀:이상한 나라의 필,英语:Manhole),為韓國KBS 2TV於2017年8月9日起播出的水木連續劇,由《奇怪的兒媳》朴萬英、《推理的女王》劉英恩導演執導與《特殊案件專案組TEN》李在坤作家合作打造。此劇講述單戀了秀珍28年的奉弼為阻止她在一週後舉行的婚禮,於是隨機地穿越時空往返過去與現代的故事。此劇自開播後收視陷入頹勢,第8集創下的1.4%(AGB尼爾森全國基準)是韓國史上最低的黃金時段劇集收視紀錄,打破2000年的《愚蠢的愛(朝鲜语:바보같은 사랑)》創下的紀錄(1.8%)。[1]

資料轉載自維基

發表於 Posted on: 2017-09-07 7:10

Toy claw 公仔機
帖數 Posts: 847
回頂端 / Top
Sleepy Hollow其實唔係穿越片,而係驚慄片,佢係講一條死咗兩百幾年嘅人復活,而唔係穿越。因為佢係真係死咗。

而佢之所以復活係因為要同佢嘅宿敵天啟四騎士之中嘅死神/死亡鬥爭,而佢嘅仔則係天啟四騎士之中嘅戰爭,而且引發嘅一系列驚慄故事。

發表於 Posted on: 2017-09-07 11:06

帥到掉渣
帖數 Posts: 3556
回頂端 / Top
樓上, 呢個係Sleepy Hollow的簡介(我未睇過,有關內容,不便置評)
。。。。。。
When Ichabod Crane wakes up 250 years in the future, he must solve a mystery dating back to the founding fathers. Due to a blood spell cast on a battlefield during the Revolution, the infamous headless horseman is revived, along with Crane. When the murderous rider embarks on a bloody rampage in present-day Sleepy Hollow, Ichabod realizes that he must act quickly, because the headless horseman is only the first of the four horsemen of the apocalypse.

發表於 Posted on: 2017-09-07 11:20

Toy claw 公仔機
帖數 Posts: 847
回頂端 / Top
如果按照樓上帥哥的講法,笑片得啖笑就得,同樣道理,驚悚恐怖片一味係咁嚇人就得啦,駛鬼寫到個故事咁複雜?!

發表於 Posted on: 2017-09-07 11:41

Toy claw 公仔機
帖數 Posts: 847
回頂端 / Top
佢爾個係改編劇嚟嘅,原來係電影。我冇睇過電影,但劇集睇咗幾季,係打到華盛頓嗰處後段冇睇。因為等太耐咗,冇晒心機。

只不過要糾正你佢係穿越劇嘅觀點。而且講起美劇,超時空嘅監製走最熟,怕且你所講嘅美劇人地唔單止睇過,仲要瞭解得比你深。

該劇監製羅永賢,本身擅長嘅就係美劇風。講美劇嘅話,佢分分鐘勁過你。包括佢旗下嘅編劇組。

發表於 Posted on: 2017-09-07 11:51

帥到掉渣
帖數 Posts: 3556
回頂端 / Top
佢地當然勁過我啦,我又唔係監製又唔係編劇,我都只係普通觀眾(即係普通消費者)一名,俾的意見,也是由一個普通觀眾(消費者)的出發點來講......其實我要返工,真係冇乜時間睇劇,呢點係真(所以我都好羨慕你地有咁多時間睇咁多劇),再者,我又唔追星喎,只有好睇的劇情才會keep到我繼續睇(咁好不好睇,又的確係好主觀問題).....

BTW,我的中文真係水皮,大家請多多包涵。我對上再對上的post真正想表達的係,TVB在六叔掌管下的輝煌成就和成功並不是偶然(by luck or by chance) 的.,全賴是他有真正想搞好的心........

發表於 Posted on: 2017-09-07 12:03

Toy claw 公仔機
帖數 Posts: 847
回頂端 / Top
講真,作為一個觀眾,監製或編劇有幾勁幾叻,我只可以從他們的作品的認真程度同成果來判斷,而不是靠猜想~!

發表於 Posted on: 2017-09-07 12:14

Toy claw 公仔機
帖數 Posts: 847
回頂端 / Top
其實如果TVB自己不認同以前的劇集比現在好,他們也不會不斷重播舊劇啦,也只有經典才會有重播價值,因為觀眾百看不厭。

發表於 Posted on: 2017-09-07 12:54

Toy claw 公仔機
帖數 Posts: 847
回頂端 / Top
首先講聲SORRY,一時大意,將《SLEEPY HOLLOW》歸埋入穿越劇類別,認真失禮。不過最主要想帶出嘅係,人哋對於有關歷史人物同事件嘅處理,係認真好多。

對於阿帥哥仔咁睇得起羅監製,絕對唔意見,之但係阿帥哥仔所言「講起美劇,超時空嘅監製走(應係「就」)最熟,怕且你所講嘅美劇人地唔單止睇過,仲要瞭解得比你深。該劇監製羅永賢,本身擅長嘅就係美劇風。講美劇嘅話,佢分分鐘勁過你。包括佢旗下嘅編劇組。」就真係有啲質疑,於是上網搜尋一下呢位羅監製嘅大作,原來有以下呢啲——

1999年:《人龍傳說》
2000年:《LovingYou我愛你》
2003年:《LovingYou我愛你2》 《花樣中年》
2004年:《無名天使3D》 《爭分奪秒》
2005年:《隨時候命》
2006年:《高朋滿座》 《樓住有情人》
2007年:《建築有情天》
2009年:《ID精英》 《仁心解碼》
2010年:《囧探查過界》
2011年:《女拳》
2012年:《拳王》 《大太監》
2013年:《仁心解碼II》
2014年:《寒山潛龍》 《名門暗戰》
2016年:《公公出宮》 《律政強人》
2017年:《超時空男臣》

觀乎羅監製咁多大作,無疑其中有幾套都勉強可以算係有啲「美劇風」,不過似乎都係好少數至喎,唔知阿帥哥仔嘅印象係點得番嚟嘅呢?

另外,至於所謂「佢旗下嘅編劇組」云云,如果資料冇錯,羅監製先後同過好多唔同風格嘅編審合作,唔知邊班先叫做「佢旗下嘅編劇組」咁呢?

發表於 Posted on: 2017-09-07 13:30

冷眼橫眉
帖數 Posts: 295
回頂端 / Top
哈,果然係唔怕一萬,最怕萬一啊!

發表於 Posted on: 2017-09-07 14:06

冷眼橫眉
帖數 Posts: 295
回頂端 / Top
樓主,咩一萬,萬一啊?打麻雀啊? just kidding,因為真係唔多明.....

••••••••••••••
哈,果然係唔怕一萬,最怕萬一啊!

發表於 Posted on: 2017-09-07 14:26

Toy claw 公仔機
帖數 Posts: 847
回頂端 / Top
其實我都唔明什麼才謂之「美劇風」?帥哥係指邊套?「律政」?據知,香港行common law,同美國法律也應該有不同的地方(英劇風會不會貼切一D?!)....

發表於 Posted on: 2017-09-07 14:29

Toy claw 公仔機
帖數 Posts: 847
回頂端 / Top
睇漏左《無名天使3D》,咁呢套 好明顯取材自美國經典的Charlie's Angels....

發表於 Posted on: 2017-09-07 14:41

Toy claw 公仔機
帖數 Posts: 847
回頂端 / Top