tvb.com

 
 
tvb.com
 

不太 滿意的大結局

結局的確很不合理。 高琛明明是單純的人,何解突然之間大 轉變, 即使數年後 不過Hazel做一對, 都不會變成無情無義的市儈導演。 彷彿跟Hazel從未愛過的陌路人。
另一對繆思同細莊生的結局更完全不合情理,跟他們之前愛得轟烈的發展完全格格不入,張振朗的角色對繆思用情咁深,咁愛佢, 結局又怎會無端端變成不擇手段同非所愛的人結婚( 加上 而他本身就 已經是 沙翁集團的 繼承人 , 又怎會要 繆思淪為情婦呢! 繆思 為咗自己個女的幸福,又點會甘於做人情婦呢! 所以完全不合理。
此兩對的結局, 完全破壞了之前此兩線的動人的 感情發展, 可以說 這樣的結局是兹差勁的!
即使編劇上兩pair 最後不能在一起也沒問題, 但不是這樣的結局囉!
幸好羅麗晶同莊富豪一對有很好同令人滿意的結局呢!

發表於 Posted on: 2017-05-06 12:18

xoxo123
帖數 Posts: 65
回頂端 / Top
完全同意,垃圾結局。就算唔想有情人終成眷屬,都唔洗咁離地。係咁大諗頭既唔該拍埋中間D轉變出黎,咁樣出個結局要人自己諗果4年咩事。我以後都唔洗追劇啦,剩係睇開頭結尾自己腦補返中間都得啦。

發表於 Posted on: 2017-05-06 18:14

sarahyiyan
帖數 Posts: 25
回頂端 / Top
你去睇睇《La la land》睇到結局就知啦。

發表於 Posted on: 2017-05-06 19:19

帥到掉渣
帖數 Posts: 3145
回頂端 / Top
完全唔同既兩件事,《La la land》佢唔係喺尾段突然變,佢中間都有好多鋪設,唔該似得呢套咁亂黎。老實講,要拋書包既我知道有好多故事同電影電視劇尾都係sad ending,但人地寫得拍得合理,就係一個好故事。唔係為左表現現實而反而唔理人物性格而整個完全超出現實既結局。

發表於 Posted on: 2017-05-06 20:34

sarahyiyan
帖數 Posts: 25
回頂端 / Top
我覺得幾合理喎。

發表於 Posted on: 2017-05-06 21:22

帥到掉渣
帖數 Posts: 3145
回頂端 / Top
冇錯,人係會變,事情嘅發展,好多時候亦會超出我哋預期。不過咁,大家似乎忘記咗最重要嘅一點,就係呢個劇嘅主人翁係羅麗晶,喺成套劇入面,都不停講住佢點樣介入其他角色嘅感情生活,唔希望佢哋做錯選擇。所以,無論呢「四年」入面,喺男2男3同女2女3身上,究竟發生咗啲咩驚人變化,只要羅麗晶仲喺佢哋身邊,佢都冇可能會完全置之不理。

與其話個ENDING唔會理,倒不如話佢任噏,即使真係想畀啲SURPISE觀眾,都好應該喺前面埋下少少伏線,而家連係咁意講多兩句對白唻到交代清楚都冇,話變就變,未免太過任噏囉。

仲有,違反劇中人物角色性格,就更加係一個嚴重問題,你用咗成十九幾集唻到描述呢班男2男3同女2女3嘅性格以至心路歷程,然後喺ENDING就咁用一、兩場戲就將之前嘅所有BUILD UP一下反轉晒,確實夠晒出人意表,但係咁即係擺明有心玩Q觀眾啫。

最後,亦係筆者最反感嘅一點(之前嗰幾點都只係有啲唔舒服),都仲係意識方面。想點出現實往往出乎大家意料之外冇緊要,但係真係有必要用而家咁樣嘅處理方法咩?高琛嗰PAIR由於喺劇中只係功能人物,而且著墨唔多,筆者冇乜太大意見。之但係男2女2呢PAIR就真係頂唔順。激情之後,經過四年嘅冷靜期,細莊生同繆思絕對可以因了解而分開,各自發展,但係亦冇必要去到咁盡,完全反晒佢地之前嘅性格同埋做人宗旨,變咗姦夫淫婦。

須知道,一個劇嘅ENDING,或多或少,都代表咗編者對於人生態度嘅一個總結,亦即係話,編者通過個劇,拋出咗一大堆問題,畀觀眾去思考,而去到個劇嘅ENDING,編者就會作出總結,講出自己嘅睇法。觀乎編者而家咁樣安排細莊生同繆思嘅下場(開開心心做對姦夫淫婦),咪笑筆者老土,對於編者嘅道德標準,筆者真係極之失望。

發表於 Posted on: 2017-05-08 8:20

冷眼橫眉
帖數 Posts: 120
回頂端 / Top
同意樓上所言,結局篇情節不止沒有前後呼應而且與之前塑造的角色反差甚大。所貫輸的意識亦很有問題。見到結局篇的編劇是凌順奡和危匡怡,名字都好陌生。這些新時代編劇的道德標準和社會價值觀,同現今議會那班激進「已完」一樣,都令人十分擔憂。

發表於 Posted on: 2017-05-13 18:40

廣角鏡
帖數 Posts: 54
回頂端 / Top
回樓上,講句公道說話,咁又唔多關啲編劇事,佢地都只係遵照編審同監制嘅意思去寫劇本,有問題嘅絕對係編審同監製囉。

發表於 Posted on: 2017-05-14 11:36

冷眼橫眉
帖數 Posts: 120
回頂端 / Top
劇本寫得好唔關編劇事
只係編審同監制的功勞??

發表於 Posted on: 2017-05-15 16:38

leeyukkong
帖數 Posts: 5971
回頂端 / Top
劇本寫得好唔好,主要係睇劇本情節/場口嘅起承轉合安排/穿插得好唔好,啲對白寫得係咪合乎角色性格同埋有冇亮點。至於大橋或者意識方面,根本早就由編審同監製揼咗槌,幾時輪到班小編劇自把自為得架?

仲有一點,TVB嘅制度係所有劇本最終都要由編審修訂(即係改稿),再經監製過目(已經唔計啲無良導演同演員喺拍攝之時亂Q咁改動情節、對白),所以家陣大家睇到嘅出街版本,究竟有幾多成真係原創自班小編劇,作為觀眾嘅就真係不得而知。

發表於 Posted on: 2017-05-15 17:35

冷眼橫眉
帖數 Posts: 120
回頂端 / Top
TBB嘅編劇係負責細節部分描寫嘅多,編審係管編劇嘅,同監製同級,所以編審同監製係合作關係。一部劇嘅整體大綱出咗嚟之後,然後細化為每集大綱,每集大綱然後再分為各場以及鏡頭。

編劇好多時候就係負責每集大綱,場口或者鏡頭會交由見習編劇搞掂。編劇定稿細節整理好交畀編審。

至於監製,仲有好多嘢搞。定去邊度取景,監場拍攝,一大堆嘢。一套劇嘅拍攝同製作好複雜嘅。邊有咁簡單。

發表於 Posted on: 2017-05-15 22:51

帥到掉渣
帖數 Posts: 3145
回頂端 / Top
本人不喜欢罗丽晶和大莊生分开那么久。。。

發表於 Posted on: 2017-05-22 20:11

Susila
帖數 Posts: 9
回頂端 / Top
冇嘢,四年啱好寫好續集四年後播出,用插敘嘅模式編寫交代四年嚟嘅事,編佢七到十集交代事件,然後開展新故事,續集全劇三十集或者三十五集。

發表於 Posted on: 2017-05-22 23:27

帥到掉渣
帖數 Posts: 3145
回頂端 / Top
等續集,希望延續這風格。主題曲都好聽。

發表於 Posted on: 2017-05-24 14:35

kenebo
帖數 Posts: 127
回頂端 / Top
講真, 而家好多劇集所傳達訊息及道德標準我都頂唔順...................

發表於 Posted on: 2017-05-24 20:07

wowow0
帖數 Posts: 294
回頂端 / Top