tvb.com

 
 
tvb.com
 

談「Bonnie」角色爭議

我平時不怎麼看電視節目,惟最近留意到開心速遞中的角色引起了觀眾的爭議,特意註冊了tvb.com帳號談一下。

早前有網友搞了開心速遞-最討厭角色投票,看見了很多人對Bonnie一角的不滿。回顧這裏和各大討論區的評論,可以歸納出大家為何討厭這角色。

• 人設問題
最大原因乃Bonnie在劇集性格行為問題,她曾經扮懷孕騙安仔、屈人偷銀包、屈安仔做色狼,對觀眾留下了不可抹滅的無惡不作、罄竹難書負面印象。但是由於劇情發展,編劇強行把原本作為敵對角色的Bonnie改寫為「最佳女朋友」類型的角色,引起了觀眾的反感。

因為本劇播映初期我並沒有觀看,因此我對Bonnie一角不太反感。觀眾這麼反感,皆因角色前後反差太大,難以接受她為安仔男友,這無可否認是編劇罪過;但其實在處境劇中劇情的發展也是難以控制的,隨著不同演員退出加入開心速遞或觀眾需求,原劇情計劃可能因此慢慢改變(原本凌凌+Bonnie變為Bonnie club再變為安bon),與原設出現極大分別,所以也不能過分怪罪編劇。即使Bonnie一角給鄺潔楹,蘇韻姿等扮演,也不易演好。既然安Bon已成事實,與其日夜要求Bonnie突兀離開劇組,還不如亡羊補牢,讓她慢慢改變,好讓編劇更容易寫下去,體諒編劇的困難所在。

• 演員問題
飾演Bonnie的林凱恩是新演員,演技難免有不足,只不過她在劇中曝光較多,大家才更留意她的表現;更遑論整個大學裏眾演員的演技都其實有不足;演技非一朝一夕可以改進,只有大家繼續包容,給予新演員機會演出,他們才有進步機會。

另外有指林凱恩的相貌差,此言差矣。憑一個演員的外貌來判斷她的表現實是荒誕不經。外貌好不必等於演技好,反之亦然。以貌取人實屬不尊重他人的幼稚表現。

•結
其實我是期待安Bon的發展的。雖然劇情多少或有不合理之處,但作為一個學生,期待是因為難得看到tvb有劇集是關乎年輕人的青春故事的。他們戀愛的經歷讓同樣作為年輕人的我有很大的共鳴。

我完全沒有否認劇情的繆誤和不足之處,但劇情中過分瑣碎的細節其實無傷大雅;沒有一個角色是完美的,大家無須太過執著和為小小一個角色而爭論得水火不容。看電視劇也是一種樂趣;蘿蔔青菜,各有所愛,不同的劇情線有不同的觀眾群,不認同其概念也不應對某角色判死刑。如果看電視看得這麼惱氣,反而令自己不開心。

此文旨在拋磚引玉,讓大家理性討論,分享對這議題的見解,不喜勿插。

發表於 Posted on: 2018-03-13 23:06

kimigadaisuki
帖數 Posts: 14
回頂端 / Top
同意80%,一,林凱恩樣貌并非不好,其中一個原因是她在劇中打扮較男性化,自然大打折扣。

再者,其實安邦綫也受歡迎,不過比較多是年輕人(18-25歲)。安邦成爲劇中其中一個元素,她

自然多人留意,自然更多人發現她的缺點。

希望編劇給她一個機會,安邦可以再一起。

發表於 Posted on: 2018-03-13 23:27

Faitz
帖數 Posts: 14
回頂端 / Top
再講,這段關係中,安仔也有問題。一個20多歲的裙腳仔,根本不懂反抗。。。可以做什麽?

發表於 Posted on: 2018-03-13 23:35

Faitz
帖數 Posts: 14
回頂端 / Top
不過比較多是年輕人(18-25歲)。
~~~~~~~~~~~~~~~~~~~~~~~~~~~~~~~~~~~
呢點同意,我都留意到。
bonnie呢個人的確係唔抵幫的, "安善大戰"嗰集發生嘅事真係有分手嘅必要。 只不過我覺得, 其實佢哋呢pair目前為止嘅相處, 都幾睇到係欠缺歷練情侶處事嘅未夠成熟。希望佢哋喺分手呢段時間可以變得更成熟, 從自己嘅問題之中成長, Bonnie就要好好認真對待之前佢嘅問題, 唔好再咁強勢,要學下聽人講,明白有時自己堅持嘅嘢未必啱(e.g.所謂 "作家"嘅抱負), 同埋適當時要表現返女仔應有嘅溫柔; 安仔都係, 其實佢要學習多方面地成熟d,而家畀人嘅感覺都幾依賴, 無論係阿媽(拎零用、好多決定都問佢)定之前拍拖都係, 仲有唔好成日好似掛住打機咁,反而有時應該認真去諗下自己有咩抱負/讀書方面set下target; 當bonnie同安仔都喺處事、面對自己嘅問題上有一定成長, 兜兜轉轉後變得更成熟嘅時候, 希望可以喺返埋一齊。因為坦白講,雖然分左手,but they are still my favourite pair, 因為我個人覺得佢哋之間嘅火花真係無可取替的(有呢個感覺就係因為當初214集佢哋互有好感嗰時, 除咗嗰個moment嘅吸引力,仲考慮到之後兩個互補不足、一齊成長嘅火花)……
我個人覺得有成長、有歷練、互補不足嘅情侶會係比較好睇的。

發表於 Posted on: 2018-03-14 0:26

youhoo
帖數 Posts: 2134
回頂端 / Top
相信稍後編劇會安排BONNIE覺悟變好, 大學生條線就係講年輕人既成長吧.

發表於 Posted on: 2018-03-14 14:20

kim52
帖數 Posts: 714
回頂端 / Top
Don't waste precious time on Bonnie, the girl is hopeless. I want to see other characters like Linda, Mandy, KC, Terry and i need more my favour couples OnLing.

發表於 Posted on: 2018-03-14 17:48

Newwie
帖數 Posts: 8
回頂端 / Top
見到隔離個post拗到脣槍舌劍,好似講到Bonnie個角色的行為係死罪,但問題係,編劇做成的問題反而要求演員退出本劇,合理嗎?甚至有人將Mandy拖埋落水,互唱對方角色之衰野,真係好多餘。放鬆啲啦,香港人。。。一個虛構嘅電視劇都咁緊張,又唔係踩親你條尾。

發表於 Posted on: 2018-03-14 23:02

kimigadaisuki
帖數 Posts: 14
回頂端 / Top
另外其實編劇唔想得失觀眾既話咪安Bon+安凌都講下囉,就好似之前有集講朱凌凌同bonnie「爭奪」安仔都幾有趣。

發表於 Posted on: 2018-03-14 23:06

kimigadaisuki
帖數 Posts: 14
回頂端 / Top
...作為一個學生,期待是因為難得看到tvb有劇集是關乎年輕人的青春故事的。他們戀愛的經歷讓同樣作為年輕人的我有很大的共鳴。...
===========================================

明白的,年輕人的青春故事,但 Bonnie 呢個直頭係壞到出晒汁,演員演技極度差,演員未能吸引到大眾 -- (我講過,演技係負數嘅演員應該先做下其他細嘅角色,上下堂,打好啲個底,先至去做一個比較重要啲嘅角色,咁就大家都好),加上人物形象差,仲擔起好多集,所以就係衰左開頭。

選角冇下工夫去搵 (casting) 啲演技冇咁離譜嗰啲 - 有幾個大學生臨記一出現就好嚇人,似乎佢哋不太重視大學生呢一條線!

須知呢套劇嘅播映時間係好多人喺屋企食飯,或食完飯休息時,香港生活壓力咁大,一天忙碌過後,大多數人都係想舒舒服服咁去睇啲「輕鬆開心嘅劇集」,而無需要去睇一個壞到咁嘅人怎樣慢慢去改好,八點半九點半果兩套戲都已經有好多呢一類角色,呢半小時唔想睇到咁傷神!編劇又唔係編得好睇 - 要扭轉呢個又爛又亂嘅場面!

發表於 Posted on: 2018-03-14 23:29

提子蛋糕
帖數 Posts: 1004
回頂端 / Top
Bonnie這條綫變化比較多,凌凌女友>單身女子同盟會長>安邦>分手,對新演員負擔重了點,就算是

其餘的大學綫女演員扮演也很辛苦.

發表於 Posted on: 2018-03-14 23:59

Faitz
帖數 Posts: 14
回頂端 / Top
我都認同Bonnie的確有唔少缺點
但因為有缺點就判人死刑又會唔會嚴重左少少?
有時人真係要錯過、失去過先會成長
年青人正正因為唔成熟,所以好易做錯好多決定
有時睇下佢地點樣改過,點樣成長其實都無壞丫

發表於 Posted on: 2018-03-15 0:25

jasec7
帖數 Posts: 8
回頂端 / Top
選角冇下工夫去搵 (casting) 啲演技冇咁離譜嗰啲
---------------------------------------------

其實最初Bonnie只係作為朱00女友這配角/茄喱啡出現吧。我以前偶然睇開心速遞時,也從來沒有留意Bonnie這個角色,以及演技/演員係邊個,因為可能這個角色太微不足道了。編劇原本應該根本從來無諗過要今日會寫安Bon咁既發展,先會搞到個角色依家咁乞人憎。

---------------------------------------------
我都認同Bonnie的確有唔少缺點
但因為有缺點就判人死刑又會唔會嚴重左少少?
有時人真係要錯過、失去過先會成長
年青人正正因為唔成熟,所以好易做錯好多決定
有時睇下佢地點樣改過,點樣成長其實都無壞丫
---------------------------------------------

沒錯,隔離Post有人話bonnie個角色壞榜樣,教壞細路,但其實我想講她比起好多現實中既港女已經算係咁了。安Bon的正好俾年輕人反思一下佢地生活處事態度同行為既問題。
講真,TVB有邊齣劇D角色唔係教壞人架。。。

發表於 Posted on: 2018-03-15 13:56

kimigadaisuki
帖數 Posts: 14
回頂端 / Top
樓主有好嘅 input!

發表於 Posted on: 2018-03-15 20:45

提子蛋糕
帖數 Posts: 1004
回頂端 / Top