tvb.com

 
 
tvb.com
 

其實Bonnie都幾慘

看見很多人都不喜歡Bonnie,覺得她好慘。老實說,Bonnie的確不是好女孩,二百幾集來都不斷做壞事;大家可以說她自私,心地不好,但我們又可以看到她事後的內疚,以及害怕和逃避,其實這說明她的內心還是善良的孩子,只是有很多問題她都處理不到,只能不斷透過逃避和隱瞞,所以每次事情去到最後都會令自己和他人受傷。
不明白為何很多人看到Bonnie不好的一面,就希望她消失,不給她機會變好;為甚麼KC、大小姐、若水、林美香都可以變好,偏偏Bonnie就不行?更何況她只是一個還未成熟的女孩?而且我相信人無完人,拍拖時發現對方有缺點或做錯事,都會去試著理解、解決問題、體諒和改善,而不是立刻分手。

發表於 Posted on: 2018-03-10 5:44

半個師奶
帖數 Posts: 113
回頂端 / Top
Bonnie 以新人嚟講
已經演得唔錯
角色性格是編劇寫嘅

發表於 Posted on: 2018-03-10 13:22

catcat1386
帖數 Posts: 74
回頂端 / Top
不覺得佢有幾慘,自己攞嚟衰,內疚唔係大曬,
識內疚唔識改有咩用?Bonnie呢種女仔唔值得愛.

發表於 Posted on: 2018-03-10 15:24

PhilpHo
帖數 Posts: 21
回頂端 / Top
虐待孩子,打父母,打配偶,周街搶嘢,野蠻打人,影裙底,醉酒駕駛撞死人,撞到對方嚴重受傷不能自理,同人爭執後令到對方受重傷或死亡,好多時佢哋之後都話對唔住唔想嘅,當然都有好多執迷不悟,覺得冇嘢喎。以上係大件事,而 Bonnie 嘅性格基礎同有以上類似,當然程度較輕,三兩集就會改變到成為好人咁就俾人一個錯覺,尤其是年輕人,會以為做錯野冇乜嘢吖,講向對唔住就可以冇嘢,但係佢地嘅行為可以影響他人一生深遠。

從小唔學習長大咗就大有可能係社會一個作奸犯科者,佢同安仔都犯盜竊罪,對此看得輕將來嘅社會唔敢諗,而家好多人已經係揸住架車逆線行車,衝紅燈,鏟上安全島掉頭等等,唔使講嗰啲唔高興就攔住啲車巴士唔俾你行,侮辱老師校長推撞嗰啲啦,因為佢哋對事情睇得輕,行為亦都只為自己自己自己,覺得冇問題喎!觀眾唔好姑息,教育下一代電視都有責,唔係下下有家長陪同可以解畫,學壞三日學好三年,為下一代着想,為將來嘅世界唔好咁亂,壞嘅角色如果由得佢逍遙法外嘅就唔好係電視裏出現!!

至於Bonnie 可以講話佢亦都犯咗另外一啲事而被捉到,要接受輔導,之後改變為好咁就有說服力,同埋比年青一代知道唔可以求求期期 嘻嘻 haehae一世就過關。Bonnie 不單止係冒名,仲冒簽名 (雖然話係筆名姐但係 for collectors 來講佢哋將來可能會有金錢上損失 - 雖然大家姐未必會好似 harry potter 作者咁紅),仲出黎假扮大家姐出席簽名會,罪名不輕,編劇今次玩大咗!

發表於 Posted on: 2018-03-10 18:15

愛。蛋撻
帖數 Posts: 784
回頂端 / Top
好認同樓上所講,Bonnie個角色係教壞緊細路,做完壞事講句對唔住就可以算數,
但一直都冇認真改過,個個好似Bonnie咁有樣學樣就死得人多,唔算冇教育意義,
都唔好宣揚呢種壞風氣,港女就是這樣煉成的

發表於 Posted on: 2018-03-10 20:45

PhilpHo
帖數 Posts: 21
回頂端 / Top
所以先至認為Bonnie可以改變洗白,而不是直接消失。Bonnie的所作所為的確是壞榜樣,教壞細路(或者可以理解成反映現今細路),她得不到自己想要的愛情,成就,朋友,其實好大部份都是她自己造成。
不過,正因為這樣,Bonnie就更加有改過自身的需要,想要得到別人認同,想要成功,不是靠不擇手段,而是一顆真心(這方面安仔做得很好)。好希望觀眾可以看到改過自身的Bonnie,因為大家做會做錯事,但學識改過才是最重要的。

發表於 Posted on: 2018-03-10 21:15

半個師奶
帖數 Posts: 113
回頂端 / Top
學壞三日學好三年,作為觀眾無咁好耐性睇bonnie慢慢變好,與其花時間在她身上,倒不如講多些其他人,其他小人物都好有protenial,好似龜縮明,鐵面陳,venus等等,何必執著於一個唔討好的bonnie?

發表於 Posted on: 2018-03-10 22:20

Tammy0415
帖數 Posts: 14
回頂端 / Top
如果再多啲其他角色的支線當然更好啦,但不會成為Bonnie消失的理由吧?我反而喜歡觀看角色有所成長,比起壞人直接消失,洗白更正面更值得看。

發表於 Posted on: 2018-03-10 23:22

半個師奶
帖數 Posts: 113
回頂端 / Top
Bonnie既消失先係真正有教育意義,要觀眾知道做錯事會俾人唾棄,得唔到幸福先令人知驚,
先唔會做同樣既事,強行洗白除左唔合邏輯外,仲會令觀眾覺得做錯事只要後悔就得到原諒,
咁仲怕咩做錯事?做完後悔就得啦!

發表於 Posted on: 2018-03-10 23:50

PhilpHo
帖數 Posts: 21
回頂端 / Top
讓Bonnie為自己做過的錯事負責,承擔後果,然後改過自身,這才是真正的洗白吧?如果做完壞事,講句對唔住,流幾滴眼淚,然後態度照舊,相信任何人也不會接受吧。

發表於 Posted on: 2018-03-11 0:27

半個師奶
帖數 Posts: 113
回頂端 / Top
我唔明Bonnie可以點洗白?佢可以點負責?開記招話佢假冒七把叉?係大學宣佈自己屈Venus偷銀包?
就算佢真係做,傷害左就傷害左,有時道歉都於事無補,而且都唔止一次半次,要洗都有排洗,都冇興趣睇佢洗.
認同樓上所講,寧願睇其他人好過,唔好再逼觀眾睇佢,睇到好厭.

發表於 Posted on: 2018-03-11 1:36

PhilpHo
帖數 Posts: 21
回頂端 / Top
其實唔明點解bonnie犯過錯就話無得洗白 其他角色犯過錯就話可以原諒當咩事都無 禁唔見得bonnie無內咎喎憑咩野淨係得佢要被人噴呢? 雖然佢一開始對安仔係無禁好 但佢最後都願意為左安仔企出黎啦 禁唔叫付出咩? 雙標仲要好似好有道理禁[歪頭]

發表於 Posted on: 2018-03-11 16:00

knbm000
帖數 Posts: 5
回頂端 / Top
你可以睇下"假冒身分"條例,或問律師 litigation - 假冒他人身分謀取不法之利益 - 未經同意用別人的名字去做任何事情,扮名人出席簽名會,冒簽名,介紹自己為大家姐令人認為她就係大家姐,咁佢可以用呢個身份去攞利益或作出破壞,或作出誤導性言論,相信她有違法行為的「意圖」致損害於大家姐之財產,名聲或其他利益,不要以為這種冒用他人名字(筆名一樣,是那人的身份)的行為只是無傷大雅的小事, Bonnie 是犯了法。咁就同 Mandy 啲小動作唔同啦 (Mandy 都唔太好但不至於偷竊,冇咁嚴重性)。

至於佢巫獵 Venus 偷嘢,如果報咗警佢就係"報假案",惡意虛報者浪費警力可被檢控。調查期間亦會令 Venus 陷入不少壓力,被他人責罵等等。聽過有好多人無辜坐冤枉監吧,有啲坐三四十年後才證實佢係無辜 (外國有不少案例)。

我知少少,你大可作深入探討。你都可以當呢啲係小事唔理,你要做一個怎麼樣的人是你的選擇!

發表於 Posted on: 2018-03-11 19:20

愛。蛋撻
帖數 Posts: 784
回頂端 / Top
你自己都識講,二百幾集來都不斷做壞事,仲希望她變好?同希望Jenny變忠一樣荒謬吧?

發表於 Posted on: 2018-03-11 19:25

YukiUlkra
帖數 Posts: 26
回頂端 / Top
我見樓上講Bonnie假冒身份要俾人拉
但係"七把叉"呢個筆名係屬於出版社,
而又係出版社授權Bonnie出席
而且佢出席既時候係宣傳自己寫既番外篇
你最多話佢欠缺道德,但得到持有人授權咁做應該無犯過法
就好似古龍就算死左都仲會有新作出既道理一樣

反而,Mandy試過係博士既飲品落催情藥,想玩米已成炊,而細力又唔好彩飲左搞到入埋醫院
其實咁可能已經違反《侵害人身罪條例》,一經定罪,最高刑罰分別為監禁10年及3年。
如借助有關製品與他人發生性行為,將同時干犯強姦罪,可被判處終身監禁。

發表於 Posted on: 2018-03-11 19:45

jasec7
帖數 Posts: 8
回頂端 / Top
上面有人話Bonnie願意為左安仔企出黎,真係睇到O咀,當初又唔第一時間企出黎?
要安仔受咁多委屈,呢D叫付出?佢只不過係補償,但傷害左就傷害左,有時點補償都冇用,
只係編劇編到安仔過份淋善,俾著一般人可能反枱,將心比己,你自己係安仔會接受到?
咪玩啦,想幫Bonnie辯護都搵個好D既理由

發表於 Posted on: 2018-03-11 21:25

PhilpHo
帖數 Posts: 21
回頂端 / Top
"古龍一生創作的武俠小說達六十餘部,代筆、冒名之偽書可能超過百部。古龍去世後,小說出現版權糾紛,親友和出版商之間有多起官司..." "筆名是作者發表作品時,隱去真實姓名所署的別名." (網上資料) 筆名又點可以係人哋嘅呢,係自己作者本身嘅化名嚟㗎嘛,同版權有關,如果有幾個人同名咁咪會撈亂晒邊個係邊個嘅作品囉,A貨冒名就大把啦,如果係呢個劇集話個筆名係屬於出版社嘅,咁佢哋真係亂嚟囉!!

至於 Mandy, 你講落藥果段我冇睇,咁會唔會係意圖迷姦?之後故事還有講什麼?如果啊博士知道咗就應該要遠離呢個人啦!總之呢套劇嘅編劇,農曆新年前後正常好多,但係之前嗰啲係一 pac蘇州屎嚟嘅,搞到 wor 晒,有好多不合情理嘅,所以唔好信晒電視戲裏面講嘅嘢囉!

至於演技方面,Mandy 未係十分成熟但係比 Bonnie 演技係負數來講就好好多囉。唔係話唔俾機會 Bonnie,佢應該由低做起,做下配角先,上下堂,唔係一出嚟就做小女主角,佢係狂魔的都做得好差啦都係一個小女主角色,根本就handle唔到。毛記就係咁㗎啦硬推啲港姐仔 (有冇攞獎都係) 做大小女主角,繼而比觀眾狂罵,啲高層都要去上下堂啦!!

發表於 Posted on: 2018-03-11 23:51

愛。蛋撻
帖數 Posts: 784
回頂端 / Top
其實我覺得Bonnie只是一個配角,小女主角是紅衫魚吧?不過討論到此我已發現,其實大家不喜歡Bonnie的原因,應該是對演員的主觀感,所以不論Bonnie有沒有條件/可能變好,討厭的就是討厭,喜歡的還是喜歡,雙方都收變不了對方,也就只能說些個人感受了。
其實我對演Bonnie的演員沒有討厭的感覺,所以會希望Bonnie能夠好像Mandy、KC、大小姐一樣,性格會隨著故事慢慢成長和變得有趣,因為開心速遞的世界觀在於反映現實生活的同時,又會有很多人性美好的一面存在,所以我覺得開心速遞的世界裡是沒有完全的衰人,就算有,也能變好。(我是覺得變好永遠都不怕遲的人)不過講開,我覺得演Jenny的演員演得好奸(稱讚意味),不過甚少看她演好人,如果Jenny能變好,我也是很期待的。

發表於 Posted on: 2018-03-12 0:46

半個師奶
帖數 Posts: 113
回頂端 / Top
我覺得係你理解錯誤,對Bonnie演員並冇任何感覺,單純係就角色討論,唔喜歡佢係因為人品太差,
做太多已不能回頭既錯事,壞人就應該有壞人的下場,壞人突然變好人,然後得到幸福,講唔通吧?

發表於 Posted on: 2018-03-12 1:24

PhilpHo
帖數 Posts: 21
回頂端 / Top
"討論到此我已發現,其實大家不喜歡Bonnie的原因,應該是對演員的主觀感...."
======================== 唔好意思,不過我覺得係半個師奶妳對 '唔喜歡 Bonnie 嘅觀眾' 的評論同提議有反感,是妳的主觀感,妳不能冷靜地小心閱讀我們每一段字,不肯接受冇污染的評論同意見,妳硬要說我們這樣那樣... 原先覺得你都係一番好意,但我以上順帶提一提 Bonnie嘅演技同提出意見妳就咬實唔放,係呢個題目上無限loop,我唔再講啦,已經用咗好多時間!!

發表於 Posted on: 2018-03-12 2:00

愛。蛋撻
帖數 Posts: 784
回頂端 / Top
嗯嗯,可能我講得不好,我也是不喜歡壞人突然變好人然後得到幸福這種設定,壞人做壞事,的確是需要受到懲罰,然後反省自己做過的事,最後才變成好人,絕對不是流幾滴眼淚可以了事,這才是對的吧。
大概是因為我覺得Bonnie做了很多錯事,但人品未算太差,如果Bonnie是個毫無悔意,認為自己岩晒的人,我肯定我會和你一樣希望她消失。偏偏她又知道自己錯了,可是又已經遲了。
對我來講Bonnie真的不是那些十惡不赦的人,她真的很像那些年齡去到20幾,雖是成年人,但有些思想又未去到好成熟,但又覺得自己好成熟(認為自己做的所有事都是對的),所以每次做錯事的後果都很嚴重。

發表於 Posted on: 2018-03-12 2:07

半個師奶
帖數 Posts: 113
回頂端 / Top
To愛。蛋撻,對不起,我只是覺得我們已講了太多,但依然得不到結果才有這種想法。並不是存心想針對你(其實我都主要是回答PhilpHo的留言)。不過,應該是我講得不好,或是沒有講清楚才會這樣吧。其實我都有留意你講了很多次Bonnie演技差的問題,不巧我又覺得Bonnie演員的演技無咩問題(可能我對演技的追求好低,基本上除了龍作蜜演技差啲之外,其他演員我都覺得幾好),所以我才覺得演技其實也很主觀。可能我是越描越黑的那種人吧,不過請你不要討厭我,激嬲你,我是無心的。

發表於 Posted on: 2018-03-12 2:34

半個師奶
帖數 Posts: 113
回頂端 / Top
觀眾更慘,被強逼看她!

發表於 Posted on: 2018-03-13 17:52

Wilson0062
帖數 Posts: 4
回頂端 / Top
慘唔過觀眾,有佢冇我

發表於 Posted on: 2018-03-13 18:58

leeyukkong
帖數 Posts: 5519
回頂端 / Top
jasec7講得啱,Mandy除左落催情藥,搞到細力飲左入醫院外,之後又逼阿水發毒誓咒根叔,為左令阿水信靈驗,煲左啲五行湯俾根叔飲搞到肚痛。然後又假仁假義搵神棍扮做法事扮赤腳踩火跳舞,等阿水以為Mandy係好姊妹。呢啲事博士同阿水直到依家都未知道。
其實mandy呢個角色為左得到博士,不擇手段,又設局做咁多野真係超恐怖。但竟然有人話mandy只係愛博士先咁做,情有可原喎。咁唔通個個罪犯都話自己因為愛人先犯罪,咁就唔洗受懲罰啦咩?
其實周圍嘅討論區都有人講呢啲歪理,但係最搞笑嘅係,tvb編劇竟然都撐歪理,呢個罪犯不但無受懲罰,仲可以得到博士添... 呢個世界真係越來越恐怖。

發表於 Posted on: 2018-03-13 19:20

Hoho5050
帖數 Posts: 62
回頂端 / Top